الجمعة، 30 ديسمبر، 2016

صفحة جديدة



هاتلي يا بكره صفحه جديدة ... حطلي مصر فجمله مفيدة
مصر بتصحي و تسقي الورد ... و تصبح علي شعب عنيد
تديك شمس في عز البرد ... و يغنلها تقولوا عيد
و تبوسوا و تقولوا تسلم ... يا مرجعلي شبابي احلم
ببيوت ساكنة في دنيا جديدة

هاتلي يا بكره صفحة جدي.. جدي ..جدي ..جديدة
مصر جنينه كل الشعراء ... ابنها شهم و دمه خفيف
توجها محبوبة الفقرا ... شجرة بتطرح شعب شريف
هي كل قصايد الحب ... هي ضحكه و فيها صبح
صبحها مغنى و ليلها قصيدة
هاتلي يا بكره صفحة جدي.. جدي ..جدي ..جديدة


( أحمد الحداد )