السبت، 7 سبتمبر، 2013

عن أشيائى ( جهاد )



 
1- قال أريد من الطالب أن يظهر أهتماما ورغبة فى البحث 
عن الجواب أنتم تريدون أجوبه جاهزة والحياة ليست هكذا 
( حكومه الظل )

2- كان ممكن نبدأ التسجيل بأمتحان قبل الانضمام للفصل
ولكنى فضلت أن يبدأ كل من سجل أسمه 
وصاحبه الهمه العاليه والعزيمه القويه فقط من سوف تستمر
 ومش عايز اسمع جمله مش قادره احفظ او مش قادره اكمل 
 انا ممكن اقبل العذر دا لا قدر الله انك تكونى عاجزه أو عندك مرض 
غير كدا مافيش اعذار ورونى اصحاب الهمم العاليه والعزيمة القويه فى العلم
( الشيخ أحمد)

3- الحقيقه انا لا احفظ رائحه اى أحد وكل ما افتكر الناس اللى 
بتفتكر اللى غايبين برائحه ملابسهم او شالهم او حتى الاوشحه
 انا اتذكر الاشخاص بمواقفها فقط
ومهما تغيب بعيش وياك
وأشوفك وردة فى الشباك 
وأقوى من الحياة والموت 
(جهاد )

4- القس بطرس: تغيرتى كثيرا يا هيلانه
هيلانه: لا تزعل منى أنا أيضا كبرت
القس بطرس: لا أزعل لانك كبرتى يا هيلانه
 أنا أزعل لانكِ صرتِ قاسية 
( دروز بلغراد)

5- ضاع الجزء التاسع والعشرون فى رمضان الماضى
كنت بقرأه فى المواصلات ولم أهتم بالبحث عنه بالرغم معزته فإن
 كل ما يضيع منى لم اعد اهتم بالبحث عنه  لسبب واحد أن أشيائى
 دائما تعود إليّولو بعد حين ولو متأخرا جدا
ثم ضاع جزء من سماعه اللاب اللى لسه مشترياها
 ولم ابحث عنها ايضا لسبب تانى مش هتكون اعز من جزء
 المصحف الصغير وأنا ببحث فى مكتبتى عن كتاب
 للقراءه فى الشغل مابعد رمضان وجدت الجزء التاسع
 والعشرين صدفه فى داخل الكتاب من بعد شهر من ضياعه
وبعده بثلاث أيام وجدت جزء السماعه اللى ضاع
 من اسبوعين داخل شنطه الكوريشيه
أنا قلتها من زمان حتى لما ضاع الفيل الذهب بتاعى ووجدته فى المطبخ
أشيائى تعود إليّ والله يحبنى

6- قال: إذا كان صديقك أعور فأنظرى إلى عينه السليمة
فقلت: ولكنى لا أنظر الى أعين أصدقائى 
أنا بنظر فى أعين الناس المنافقه واللى مش بحبها فقط
بس محدش فاهم كدا
(جهاد)

7- قال  الشامى : ما عاد فيكى تخبى حالك كونى واضحة
نهال: ماعاد فينا نكون واضحين
كبرنا
(جهاد)

8- فإن هذه الأمة قد بورك لها في بكورها(حديث شريف)
يعنى يا نساء الاسلام كل شئ فى بدايته نغتنمه اليوم من أوله باكره
العمر فى باركره الزواج فى باكره التعلم فى باكره
بس مش معنى كدا لما يمر العمر نضعف لا
 لازم نكمل بس أسرع علشان نلحق
والعلم العلم
(الشيخ أحمد)

9- قال: فى مذهب الحساسية المفرطة لديك هل تتذكرى قول المسيح:
من قال إنى صالح ؟ ليس من أحد صالح سوى واحد فقط هو الله
(جهاد)

10 - يا إلهى كل ما لدى ضاع
أنا بستسلم لك
(حياه باى )

11- يارب البيت الحرام
يارب الشهر الحرام
يارب البلد الحرام
يارب الركن والمقام
يارب المشعر الحرام
يارب المسجد الحرام
يارب الحلّ والحرام
يارب النور والظلام
ياربنا أنت السلام
( دُبى )

12- ياريت لو كنا بدون نهاية مثل
درب التبانة
(جهاد)

هناك 7 تعليقات:

الازهرى يقول...

قال الشامى : ما عاد فيكى تخبى حالك كونى واضحة
نهال: ماعاد فينا نكون واضحين
كبرنا



بطلى غياب بدل ما تنضربى

الازهرى يقول...

تانى ؟؟؟


ماااااااااشى

https://www.facebook.com/permalink.php?story_fbid=10201354661219860&id=1573501234

شوفى دى

بسنت يقول...

يا أزهرى بيه
ما تاخدش فى بالك
أنا بتابع أول ما بفضى لأن التدوين ومتابعة المدونات عايزة تفرغ وقراية بتركيز مش عندى طبعا ومش زى الفيس بوك اى كلام والسلام- تمام ؟
وفى حملة عدم اهدار الوقت انا شبه متفرغه للقراية ومدونتى التانية
أنا واخده أجازة من الفيس من اخر شهر أغسطس ولسه ما قررتش هرجع أمتى لو دا لينك لحاجه ينفع اشوفها من غير دخلول الفيس هاتلى اللينك الأصلى
لانه مش فاتح معايا كدا
وشكرا جزيلا يا فندم وما نجلكش فى حاجه إلا لما تكون سعيدة عندك

شمس النهار يقول...

كلام جميل
وتدونية رائعة
تستحق ان اليوم يبتدي بيها :)
مش ازهري اللي حاطت لي شهيد :)

بسنت يقول...

شمس
شكرا جزيلا

ِعلي الزيبق يقول...


دعوة لاهل مدونتكم الكرام لزيارة مدونتي الجديدة المتواضعه وان تتركوا بصمتكم فيها ....سانتظركم
وتقبلوا تحياتي

http://hazarefsos.blogspot.com/

بسنت يقول...

حاضر
ان شاء الله