الخميس، 6 ديسمبر، 2012

المجادله

وجهه نظر شحصيه  جدا = أنا بعتبر د: البرادعى الأب الروحى للتغيير فى مصر ولكنى لا أقدس الأفراد فله اخطاء قاتله للاسف   ولكنها تناسب افكاره  ومعتقداته ولذا احترمه لانه لم يدعى ماليس به


= وأعتبر د: أبو الفتوح الرئيس الاسلامى الحلم لمصر ولكن لن أنسى ابدا انه لم يتحالف مع الناصرى حمدين الصباحى والحقوقى خالد على ويسموا جميعا فوق الأنا من اجل مصر ولكن سأتذكر دائما انه لم يلوث تاريخه مابعد الثوره بالتحالف مع النظام القديم والممثل بالنسبه لى فى عمرو موسى

= أنا هقول لا لمسوده الدستور الاولى كرغبه فرديه لى بصرف النظر عن حزبى مصر القويه هيقول ايه!!
-------------------------------------------
الرئيس المنتخب محمد مرسى؟ = الرئيس السابق محمد حسنى ؟
هل فى تشابه ؟؟ الرئيس  المنتخب = هو رئيس جاء بنسبه فارق صغيره  عن مرشح الفلول اللى اتقتل وقتل أحمد شفيق

= يعرف ان وراءه اغلبيه كاسحه (اخوان سلف اسلاميين ) لذا مشروع مصر دوله او خلافه اسلاميه قد تكون بدأت بخطوه انه جاء كرئيس وهو المهم

= يعرف ان قراراته لم ولن تعجب الجانب الفلولى من شعب مصر والجانب العلمانى (وهم العدو فأحذرهم )

= وعد وعود كثيره ويعرف انه عليه الوفاء بها ولكنه أخوانى من يستطيع أن ينسى ذلك؟

-------------------------------------------
النخبه= خسرت بشكل كبير التحدى الاول وهى الشارع لسبب اولى الفارق العقلى والفهمى

فى معاركها الانتخابيه كلها والجرح غائر لان فى فوبيا اسلام وهابى فى الموضوع ولو حكموا فهم أول من سيتضرر فالامر أكبر من كونه حريه رأى وتعبير ( انا اعتبره مابين الاباحيه ومابين التشدد ) أعتقد ان دا الخوف الاكبر للنخبه مش الحريه كما يدعى الكثيرين وأغلب شبابهم بيسموا نفسهم فنانين ومثقفين ولكن عندهم الجرأه ان يقولوا لا فى وجه اى احد مش بيخافوا

 
الوسطيون= اسلاميون ليسوا نخبه علمانيه تسعى لحقوق الاباحه والرأى والديانات كلها ولا اسلاميين متشددين بل اشخاص طبيعيه ( من عمال لمؤهلات عليا لأكاديمين) منهم المثقفين ومنهم اللى بيحب السياسه وهم الطبقه التى تسعى للنخبه بشكل كبير لان لديها طموح حريه ونضال جيفارا واغلب شبابهم من قام فعليا بالثوره الحقيقيه فى يناير 25


الاسلاميون= يرون انهم الاصح والباقى ممكن يكون انسان صالح ولكنه مقصر كيف لا يؤمن بالخلافه الاسلاميه؟

هم الاغلبيه وتعرف تلعب سياسه ودغدغه العواطف الدينيه جيدا فالمنبر موجود والدعاه عليه مافيش اكتر منهم ومصر بقراها ونجوعها لا تعرف غير المواد التموينيه التى تتوفر – كيف تسأل مريض لايجد قوت يومه عن اختيار رئيس غير مسلم وهو ايمانه الاساسى ان كل شئ واللاشئ قدر ومكتوب وعلى قد الايد مد الايد

 

الاعلام= كاذب فى كثير من الاوقات ولكنه الوسيله الاكثر فاعليه وكاشفه بشكل كبير لما يحدث مين يقدر ينكر دور الجزيره واخر كلام ليسرى فوده وكلام محمود سعد مين لم يتأثر بهم ؟؟
ولكن الفلول والكاذبون أثناء الثوره  الفلول هم أنفسهم الثوار ضد مرسى حاليا ربما هذا من العجب العجاب فى مصر  


التليفزيون المصرى = دا خارج كل شئ النقد والكلام خساره الكلام يعنى

-----------------------------
ماذا تفعل لوكنت مكانهم ؟

= الاعلان الدستور فيه شئ ثورى رائع وهو اقاله النائب العام ولكن= كيف يختار الرئيس النائب العام ألم يكن عبدالمجيد محمود اختيار مبارك ؟ ولا يلدغ المؤمن من جحر مرتين؟ الموضوع خارج النوايا والثقه دا كلام العقل

= اعاده المحاكمات !! اخيرا موقف من مطالب الثوره الحقيقيه= ولكن أين الادله الجديده لاعاده المحاكمات

دا كلام العقل ايضا

= تحصين لمجلس الشورى 
1- كثوار دا شغل المرشد ومكتبه علشان جملس الشعب انفض ولازم يكون فى اغلبيه تحمى قرارات الرئيس الاخوانى وخاصه ان الشارع المعارض والليبرالى والغير اسلامى متشدد فاق من بعد الانتخابات الماضيه وممكن يتعلموا من خطئهم واجدهم من بعد الانتخابات البرلمانيه الجديده اغلبيه ضدى مش معارضه!!

2- كرئيس دا شغل ثورى حتى احمى قراراتى باغلبيه موجوده (سوء ظن اخوان – حسن ظن ضد الفلول الذين يتمنون فشلى وتحريك الشارع وخلق الفوضى وعليا وعلى اعدائى )

= تحصين قراراتى بمنع المحاكم الدستوريه من مقاضاتى
1- كرئيس =( حسن ظن ) دا شغل ثورى لان اعضاءها جميعا فلول كانوا بيحموا مبارك ونظامه وكمان عايزين يحلوا التأسيسيه واللى اخيرا هتطلع دستور والاستقرار هيبدأ فى البلد
ولازم اوقفهم عند حدهم

= سوء ظن = أكيد هيحلوا التأسيسيه علشان الاقليات وتمثيل المرأه وكل الكلام التعبان دا
والنسبه الكبيره من الاسلامين مش هتكون موجوده ومش بعيد يتحط فيها بند حريه بناء معابد لعبده الشيطان !
وكفايه ان الكنيسه انسحبت والاعتراضات كترت من بعد التوافق عايزين يقلبوا الطرابيزه علشان ما تكونش دوله دستورها شريعته واحكامه اسلاميهّ!!

2- كثوار = دا فرعون يحصن نفسه وانا نتخبت موظف لخدمه المواطنين كلهم مش جماعته
= كثوار أنا اؤمن باستقلال القضاء (بصرف النظر عن الزند مش هو دا القاضى اللى يمثلنى اصلا ؟)

= كثوار وعدنا بعدم عرض الدستور للاستفتاء الا من بعد التوافق عليه  ودا دستور غير متوافق دا دستور واضعه الاخوان اصلا

-------------------------------------------------
ماذا تفعل لو كنت
1- رئيس = دى مش معارضه دول فلول وقابضين والثوار السذج متبعينهم كفايه ان فيهم عكاشه والزند وسبايدر وكمان عمرو موسى

النخبه=اتحد مع الشيطان مادام هيحقق الحريه واخيرا مصر اتحدت ككتله واحده ضد زحف الاخوان على كل مؤسسات الدوله وكويس اننا نتحد على شئ مادام الهدف واحد !!!

الثوار = احنا نازلين نعبر عن نفسنا ضد وعود الرئيس الاخوانى اللى دعمناه فى الانتخابات الرئاسيه ضد الفلول وخدعنا وعرض اعلان دستورى لا يحترم القانون ( يبقى مش هيحترم الانسان المصرى المختلف عنه طبيعى دا ) وكمان ضد استقلال القضاء  واللى عملناه مع مبارك هنعمله مع اى حد لا يحترم عقليتنا وحريتنا لأن مطالبنا هى هى عيش حريه عداله اجتماعيه
والاعتصام هو الحل

= أخوان= الرئيس لازم نحميه من الفلول واللى قابضين حتى لو منهم ثوار سابقين وزملاء ميدان دا وقت الدوله الاسلاميه يا اما مش هتقوملنا قومه تانى وهنكون دوله فعلا علمانيه بمجلس رئاسى لازم ننزل كلنا ونحمى شرعيه الرئيس
-----------------------------------------------

الحل = ليس كما قال باسم يوسف فى البرنامج مرسى موحد السلطات

نحن فى حاجه من الرئيس المنتخب لو لسه بيجد فى نفسه شرعيه تحمى الرئاسه أن يكون مينا موحد القطرين وليس كرئيس فقط مصلى الفجر والجمعات
** أؤيد مبادره  د: ابو الفتوح للرئيس للخروج من عنق الفوضى والقتل **


حقائق= ماقاله أحمد مطر
يولد الناس جميعاً أبرياء.
فإذا ما دخلوا مختبر الدنيا

رماهم وفق مرماهم بأرحام النساء

في اتجاهين:

فأما أن يكونوا مستقيمين… وأما أن يكونوا رؤساء

هناك 4 تعليقات:

سيف الاسلام يقول...

عوده حميده يادكتوره وطبعا موضوع الساعة ...

فى الحقيقة انا ماليش فى الجدال ولا بحبه والموضوع ملخبط اوى وبصراحه مش متفائل بخصوص حل للازمه وشايف انه مش هيحصل توافق وحتى لو حصل توافق هيكون هش جدا وسينتهى باسرع مما يبداء لان النيه مش خالصه لصالح البلد والحكاية كلها صراع على السلطة اولا واخيرا ...

وفى النهاية اما ان مرسى هيسجن المعارضة او هيحصل انقلاب عسكرى يسجن مرسى والمعارضة ونخلص منهم كلهم وفى كلا الحالتين الوضع هيكون صعب جدا وربنا يستر

تحياتى

حفيدة عرابى يقول...

ربنا يرحمها يصبركم ويثبتكم ياحبيبتى

بسنت يقول...

سيف
رشا
شكرا لمروركم

ريوبى يقول...

موضوع ممتاز
ryobi