السبت، 19 مايو، 2012

حب البلد بيعيش لما يموت الجوع

طعم البعاد صبار
والغربه ليل بهتان

يا قلبى يا موجوع
 اياك تكون قلقان
لو طالت المسافات
انا والامل اخوات

وتالتنا كان الليل

دا انا ليا فيها النيل

وليها فيا الروح

ما اخترتش انى اروح

ما انا جوعى كان كفران

ملعوان ابوك يا طموح

اخرك تشوفلى كفيل

لكنى مش قلقان

تذكرتى رايح جاى

 
طعم البعاد صبار

والغربه ليل بهتان

يا قلبى يا موجوع
اياك تكون قلقان

انا مش فى بلدى عويل
لكنى مش بتشاف
زهره سنينى عجاف
مع ان ليا عزيز
افتونى فى رؤياى
لموا الامانى ازاى

وحطوها عل ال باسبور

احلامى صبحت بور

ممنوع عليها الضى

لكنى مش قلقان

تذكرتى رايح جاى

البعد عنك خوف

وانا عل الرجوع ملهوف

لكن هعود ازاى ومكانى كله ضيوف

يا قلبى يا موجوع يا اهه حاضنه ضلوع

حب البلد بيعيش لما يموت الجوع

يا حضن بيساعنى

واحتجتله باعنى

ساعه ما مد ايديه شاور وودعنى
لكنى مش قلقا

تذكرتى رايح جاى