الاثنين، 6 يونيو، 2011

خالد سعيد... شكرا

تمر اليوم الذكرى السنويه الاولى لموت خالد سعيد
6-6-2011
ونحتسبه عند الله شهيدا إن شاء الله وأن يكون له كما يقولون من أسمه النصيب الخلود وسعاده الاخره وإن لم ينلها فى دنيانا
خالد ليه فضل عليا كبير ولازم لذلك أشكره بجانب كل الدعاء له بالرحمه وجنات النعيم بإذن الرحمن بموت خالد فى شهر يونيو الماضى وأنا لم أعرف يوم موته تحديدا فكنت كتباه 8 يونيو فى يومياتى بالاحداث المهمة ومتابعتى لكل الاعتصامات والوقفات أو معظمها فى الاسكندريه عرفت أن الموضوع غلط ومازال فيلم (هى فوضى ) شغال من أمن الذين ياخدهم ربنا ويريحنا منهم زى ما ريحنا من المخلوع رئيسهم تعاطفت مع كل شئ خص الموضوع وكمان بحثت فى النت اللى للاسف كما أتذكر تماما زى إشاعات الكنتاكى بتاع الثوار كان شغال إشاعات رهيبه عنه رحمه الله عليه وعقلى لم يصدق خاصه موضوع اللفافه كانت كذبه بشكل مقرف الحقيقه
المهم خالد بموته  كان سبب بجانب بعض الاصدقاء المدونين المعلنين عن جمعيه التغير للد:البرادعى كانت سبب قوى لإمضائى واشتراكى معاهم ومتابعتهم من بعد ذلك
وكنت أرتب نفسى الحقيقه لإضراب عام فعلا فى انتخابات الرئاسه كما اقترح د:البرادعى كوسيله نهائيه للتغير كل ما أردته هو التغيرللوجوه للنظام للحياه الفاسده  وبإشتراكى بصفحه خالد سعيد كانت البدايه الحقيقيه لإهتمامى بشئون و تجاوزات
الداخليه مع المواطنين والتى لمستها بنفسى من أقل معامله غير أدميه لسواق تاكسى أو ميكروباص شخص طبيعى لقله أحترام وأدب السيد الظابط وأعوانه بألفاظهم خارج قاموس الاخلاق والادب لتطاولتهم لكل شئ كرهتهم أكتر بإختصار
وحسيت أن خالد دا كان ممكن يكون أخويا أبنى قريبى حد قريب منى فعلا
أنا شخصيا .. الامر لا يختلف هو شاب وحقه فى الحياه أتسلب
ولازم قصاص عادل لا غير
خالد سعيد كان سبب مباشر بجانب جمعيه التغير وبجانب صفحه خالد سعيد
فى تغيرات جذريه فيا شخصيا أصبحت أكثر قوه لأنى على حق يبقى ماخفش
والتوفيق فى النهايه بأمر الله أكثر تمردا مما كنت لأنى مملوله بشكل كبير وبقى فى داخلى  اصرار اكبر فى مواقف كتير خاصه بحقوقى كصيدلانيه ومطالبه بيها
يمكن ذكرت منها شويه فى بوستات سابقه هنا بالمدونه
معلش الكلام مش مترتب لأنى مجهده اليوم ومش مرتبه شئ للتدوينه
بس كان لازم أكتب لخالد وأشكره
وأقوله مش هنساك ابدا ولا حقك هيضيع حقك فى رقبتنا كلنا لو ما رجعش يبقى نموت وراك أحسن يعنى يا نعيش عيشه فل يا نموت أحنا الكل زى ماقلها واحد تبع جروب تهييس بس حقيقى لن تقوم للدوله دى قيامه غير بالعدل غير كدا يبقى مافيش ثوره قامت
وكل دا حركات وافلام ولازم هتخلص نهايتها العربيه او التركيبه
ان البطل يموت

هناك 4 تعليقات:

Butterfly يقول...

ربنا يرحمه يارب

بسنت يقول...

butter fly
ان شاء الله
شكرا ليكى

وجع البنفسج يقول...

الله يرحمه ،مات واحيا شعب بأكمله .

سعيدة بتعرفي على مدونتك وان شاء الله من المتابعين ..

دمت بخير وبالتوفيق في التدوين اليومي .

بسنت يقول...

وجع البنفسج
زياره اولى كريمه
معلش بعتذر ما شفت تعليقك بالامس
اتمنى تنورى المدونه دايما