الجمعة، 11 يونيو 2010

أمتى هتبقى جميله ؟؟


حِلَي ضفايرك ضُليلة
ولملمينا يا أصيلة
عُشاق تُرابك أحبابِك
وكلنا أهل وعيلة
احنا اللي يوم الفِدا رُحنا
نفديكي ونضحي برُوحنا
وضحكنا حتى على جُروحنا
ضِحكتنا هوْنِت الشيلة
وانتي اللي نسهر في هواكى
وتدوب قلوبنا في نجواكى
ولاعمرنا نحب سواكى
ونصون جميلك يا جميلة
نِديكي حب وتِدينا
ونمد للشمس ايدينا
ولو تعبنا تاخدينا
ناخد في حضنك تعسيلة
ونقول ولا شيء يوْقِفْنا
لا أبو جهل جهله يحرفنا
ولا أبو لَهب حيخوْفنا
ماحناش ضُعاف قُللات حيلة
آه يا جميلة

( سيد حجاب )
***************************************
فى ظل الساديه التى يتمتع بها كل مسئول فى بلادى
بدايه بحامى حماها الأمنى ( الشرطه )
وأنتهاء بمنصب كل مسئول حكومى خاصه لا يستحق منصبه
هفكر المصرى بأول ثوره على الظلم فى حضارته ويمكن
فى كل التاريخ ثوره المصريين الفراعنه على حاكم من الاسره
السادسه - الملك بيبى الثانى -
وهذا من كتاب فرعونى نقله الاستاذ انيس منصور
واسمه (إنذار نبى )وبسبب هذا الحاكم الذى ظل على العرش
94 عاما - اللهم احفظنا من التكرار - ضعفت مصر
فهانت على نفسها وعلى الناس وحكمت عصابات اللصوص
وعصابات الاغنياء وطبيعى انتشرت كل المفاسد
وضاعت كل الحقوق والعداله
وفقط الشعب الذى ابدا لا يموت هو الذى عاش ( ونحن احفاده)
والظالم مثله مثل اى شئ فان والعدل فى النهايه قائم
ولكن لاسف دائما نتوارث الميراث كاملا ذلا كان
او إعزازا كان
((فَصَبْرٌ جَمِيلٌ وَاللَّهُ الْمُسْتَعَانُ عَلَى مَا تَصِفُونَ ))

هناك 11 تعليقًا:

!!! عارفة ... مش عارف ليه يقول...

أمتى هتبقى جميلة؟؟

مفتكرش هناك معطيات تؤدي إلى نتائج

والنتائج تؤكد .. مفتكرش

--------------
بعيداً عن هذا وذاك

ده إيميلي

walzhairy@hotmail.com

إذا لم يكن لديك مانع للتواصل لأن هناك امر يتعلق بمدونة من قراءاتي أود عرضه عليكي


تحياتي
وليد

غير معرف يقول...

ثقافة الهزيمة .. حلوة يا بلدى

فى كتاب داخل مصر"Inside Egypt": أرض الفراعنة على شفا الثورة الذى صدر عام 2008 يقول كاتبه الصحفي الأنجليزي جون برادلي عن مستقبل مصر أنه على رغم من بعض النجاحات الاقتصادية ألا أن توزيعها تم على من أرتبطوا بالنظام فقط دون أن يصل ذلك لباقي الشعب مما أدى"زيادة الحنق" بين المصريين. ويشير الكاتب إلى رؤيته في زياراته المتكررة لمصر كيف مثلا أن عدة ملايين من الثروة المصرية تنفق لأنشاء المصارف وتقديم المياه للقرى السياحية والفنادق الفاخرة التي يستخدمها السياح الأجانب والأغنياء المصريون فقط "في حين يموت الألاف المصريين كل عام نتيجة تلوث المياه التي تصل لهم"...

باقى المقال ضمن مقالات ثقافة الهزيمة بالرابط التالى www.ouregypt.us

و لايفوتك زيارة صفحة من الشرق و الغرب فى نفس الرابط و به الكثير من المقالات الجيدة.

Zianour يقول...

صباحك معطر

ومدونتك بطعم البراءة والحنين

سلام وتحية يا فندم

بسنت يقول...

وليد
ياريت يكون ظننا خاطئ
----------------------
وشكرايا وليد على اهتمامك
وان شاء الله هبعتلك
دمت بخير

بسنت يقول...

غير معروف
ثقافه الهزيمه
وثقافه التخلف
وثقافه الضمير
اهتماماتى حاليا
كل الشكر

بسنت يقول...

مامت زياد ونور
زوتينا ونورتينا بطلتك
كل التحيه

سيف الاسلام يقول...

كل مؤسسه او جهة بيكون فيها الفاسد والصالح لكن للاسف دايما الفساد بيكون هو اللى واضح وطاغى ... لكن ده ما يمنعش ان الخير موجود بس لازم ندور عليه كويس .....





تحياتى ودمتى بخير يا دكتورة

بسنت يقول...

سيف
زياره عزيزه
الخير موجود اكيد لكنه قليل جدا
كل التحيه

فتاه من الصعيد يقول...

فاض الكيل يا اختاه :(

خلاص هنموت قهرا وظلما

ولكن الله المستعان

تحياتي

بسنت يقول...

مروى
كنت لسه عندك بقولك حمد الله على سلامتك
ايواا
هى (الله المستعان)
دمتى بخير

العاشق يقول...

مدونة رائعة جدا


وربي يوفقك