الجمعة، 16 أبريل، 2010

حواراتك 0000 يا مصر


 حوار الاجيال القادمه
 طبقا للمنظمه الدوليه اليونيسيف فإن 29% من المواليد الجدد
 لمصر يعانون من التقزم وهذا مؤشر خطير للفقر وسوء التغذيه
 وليس مجرد الجينات الوراثيه 00 هى أكيد موجوده ولكن معروف المصرى
 بطوله المتوسط والطول بصفه عامه العادى وليس التعملق او التقزم
 ربما لو تفكرنا قليلا لوجدنا مدلولات أخرى لذلك 0000 أهم
 فالتقزم أكيد لن يكون فى طول القامه فقط !!

 حوار الاثار

 كما يقولون عندنا بالصعيد أننا نعيش فى بيوت تم بناءها تعوم
 على مقابر الفراعنه ولمن يريد أن يتأكد بنفسه فما عليه
 سوى أن يحفر بعمق أكبر كثيرا من مجرد أساسيات البيت
 صراحه لم أكن أصدق سابقا إلى أن بدأت عائلات معينه فى
 الظهور بمشرعاتها وأسمها ومحلاتها وبدأ الشك فى مصدر هذه
 الاموال000 لم يكن الامر عسير هى تجاره رابحه لايعلم احد عنها
 سوى القليلين كما عرفت وهى 000تجاره الاثار
 ا لشئ المحير لى أن تكتشف سواء صدفه او تنقيب اثار تحت بيتك
 او مقبره بما تحمله من كنوز فهل هى حق مستحق لك؟
 أم حق للدوله؟؟ التى يقوم من يحميها ويحميك من افعالك السيئه
 تجاه بلدك(كما يقولون) ببيعها تهريبها بنفسه!! ثم نبدأ حوارات
 رجوع المشهور ولنكتم000 على المستور
 بالنسبه لمناقشات مجلس الشعب حول مشرعيته وتجارتها يقولون
 انه ستشرع فى الجلسات القادمه من المرحله القادمه لدورته القادمه
 وكل دوره قادمه والشعب طيب

 حوار العهد

 العهد الدولى للحقوق المدنيه والسياسيه لكل الدول التى
 وقعت على هذا العهد- والغريب انهم اسموه عهد وليس اتفاق
 او ميثاق او اى شئ أخر -هو عهد- وبكل ما يحمله المعنى عند
 التوقيع عليه ومصر وقعت عليه فى 15 ابريل 1981
 انها تذكره فى سياق حوارات مصر الطوارئيه اتجاه الشباب
 وخاصه من درس الحقوق ويفهم معنى الكلمه او من يقرأ ويسير
 على عهد القرأن ويعرف عقاب وثواب الكلمه
 وبالمناسبه كل 6 ابريل وشباب مصر على العهد

 حوار المنسى

 بمناسبه ملاحظ خط السكه الحديد المنسى الشهير والخط الفاصل
 من الحديد أيضا لان به بأس شديد بمعنى00 ليس من السهل تخطيه لنعبر
 لملاحظ الملايين على الجانب الاخر من محطه القطار بنفس الفيلم
 والذى أته بسيرته المنسيه ولكل من ينتمى اليه من الاكثر
 من 80% من المنسيين أحب أن اقول ان الزياده فى مرتبات الاخوه
 والاخوات الموظفين والموظفات ستزيد 10% لهذ العام
 فلتغمر المدن السعاده فبإمكان الجميع وبعد طول انتظار
 ان يشتروا نصف كيلو لحم خلال شهرى يونيو ويوليو لأن بحلول
 شهر أغسطس سيكون الوضع 000 !! فلنعود لملاحظ القطار افضل
 ولنقول له لابد أن يقرأ يوتوبيا د: أحمد خالد توفيق
 ليعلم أنها ليست وحدها القضبان من الحديد ولكن أيضا
 الطائرات والاسوار(فى اليوتوبيا طبعا) ستكون من 000الحديد

 الحوار وأخره

 وهو لم ولن ينتهى 00 بل ربما سينتهى
 بل ربما يكون بينتهى فعلا
 فلسطين بتعيد تاريخها ولم يبقى سوى القليل
 وربما ستختفى نهائيا من اهتمامنا بكل ما تمثله
 ونحن جميعا منشغلين
 واسمحوا لى بنقل هذه النكبه والتى جاءتنى بالايميل
 بصوره انها طرفه

 يقال أن جورج بوش دعى توني بلير على الغداء(بإمكاننا
 وضع اى اسمين أخرين بشرط احدهم امريكى والاخر اسرائيلى صهيونى )
 ..وبعد الغداء خرجا للصحفيين للإدلاء بتصريح صحفي
 سألهم أحد الصحفين (وبإمكاننا وضع أى أسم عربى محله) .
 .ماهي القرارات التي اتخذتموها أثناء اجتماعكم …
 قال بوش : قررنا أن نقتل مليون مسلم و دكتور أسنان واحد !!
 الصحفيين إندهشوا طبعا ونظروا إلى بعضهم البعض والكل متلهف لمعرفة
 لماذا ومن يكون هو طبيب الأسنان الواحد فقط …..؟
 فقال أحد الصحفيين ل بوش : ولماذا طبيب أسنان واحد؟؟
 تبسم بوش….ثم مال على توني بلير……..وهمس في أذنه
 ألم أقل لك إن أحداً لن يهتم بالـ مليون مسلم ؟

هناك 12 تعليقًا:

صفــــــاء يقول...

ههههههه الضحك على النكته اللى فى الآخر والمصيبه اللى فى الأول
دة لو التقزم بقى عام هتبقى مصيبه

الأثار دة حقيقي ... وكان ليا بيت جدى وناس جت وحفرو تحت منه فعلا بس لأن البيت كان قديم وأهله كتير فــ خافو الحفر يؤثر على الأساس والبيت يقع ومش يلاقو حاجه وتبقى آخرتها يباتو فى الشارع

لكن عموما اللى بيلاقى حاجه ودة اللى حصل عندنا الشهر اللى فات ولقو مقبرة تحت بيت قديم والراجل طلع شهم وشريف وراح بلغ والخبراء اللى جم الله يسترهم هما والشرطه اللى جت اخدو الأثار وبدلوها بشويه كراكيب قديمه وقفلو المحضر على كدة والحمدلله دلوقت كلهم بقو من الأثرياء

فتاه من الصعيد يقول...

ههههههههههههه

ايون اصل دكاتره الاسنان نادرين لكن المسلمين على قفا من يشيل

المهم كل الحوارات دي حوارات مزمنه ... خلاص تعبنا بقا مفيش تغيير غير التغيير للاسوء

تحياتي

!!! عارفة ... مش عارف ليه يقول...

طريف الحوار ده

ومثير للآسى

وأفتكر أن ما هو آت

سيثير الآسى أكثر من ذاك

د/ رامي شهاب الدين يقول...

لذيذة اوى الحوارات دى


دمتى لنا مبدعة


تحياتى

ahmed_k يقول...

بجد موضوعك في القمه
وللعلم معظم البيوت في الصعيد بيتم حفرها لدرجة ان الكثيرين ماتوا تحت أنقاضها
والنكته الخيره ورغم أني ضحكت منها إلا انه ضحك كالبكاء
نسأل الله ان يفيق امتنا ويهديها لخير أمرها

تايه في وسط البلد يقول...

مش عارف

انا مش قادر اعلق علي اللي اتكتب ده

وشاعر اني لو قاعد في بيتنا مرتاح قدام الشاشة يبقي مش ملامس لكل ما كتبتي انت وبالتالي ليس من حقي ان ارتد بظهري للوراء واستدعي مسوح الحكمة واسمي واقول!!ه

مش عارف

مع اني باحاول دايما مش ابعد عن الناس ومشاكلهم بس في نفس الوقت مش قادر اكتب تعليق

تفتكري ليه؟

بسنت يقول...

صفاء
هى نكبه مش نكته ابدا
تعرفى نفس فكره الاعلام المصرى والعالمى طبعا من قضيتنا

بالنسبه للاثار فعلا نفسى اعرف مدى حلالها من حرامها
لأن الموضوع دا بقى منتشر بشكل غريب هنا
وهناك طبعا

كل الود

بسنت يقول...

مروى
لا دكاتره الاسنان كتير بردوا بس الشخص المذكور كان فريد من نوعه الظاهر كدا

ربنا يلطف بينا
كل الود

بسنت يقول...

وليد
الصراحه انا مش شايفه ان فى اسوأ من اللى احنا فيه فعلا
والا يبقى هيكون فى الجحيم فعلا

دمت بكل الخير

بسنت يقول...

رامى
مرورك الاجمل
دمت بكل الخير

بسنت يقول...

احمد
لا مش كل البيوت
شارعنا كله لسه ما اتحفرش
بس فى قرى حوالينا اكيد حصلت كتير

دمت بكل الخير

بسنت يقول...

تايه
ياترى لييييه يا فيلسوف؟