الثلاثاء، 23 مارس، 2010

قصاصات000 مدونه


(( ض ))
اللغه العربيه وهى لغه الضاد
من المفترض أن هويتنا تبدأ من انتماءنا لها
ودراستنا بها ولها وهذا لا يمنع تعلم لغات أخرى
ولكن بعد اتقاننا لغتنا00 وهذا لا يحدث طبعا
بناءا على تحليل د/ أحمد عكاشه وهو عالم نفسى
اننا لا نتقن الابتكار والابداع فى العلوم لحد كبير
لانفصال لغتنا وهويتنا عنها بالعلوم التى نتعلمها
بلغات أخرى00 صراحه اوافقه فقد نبغ نجيب محفوظ فيها
لما كتب ودرس بهافى مصر فى المقابل نبغ العالم احمد زويل بالخارج
لوجوده بالخارج اى توحد العلوم بالدراسه باللغه000هناك
سبب كتابتى للقصاصه الاولى هذه هو ضعفى فى لغتى العربيه ,والانجليزيه
بكل اسف و اجد اننى لا استطيع الالمام بالدراسه
وهذا اعانى منه حاليا بقراءه مراجع مثلا بالانجليزى وارادتى
انى افهمها بالعربى اولا000 فى حلقه مفقوده بين الفهم والشرح
بلغتيين لم اتقن احدهما تماما000كما المفترض
مشكله بحاول أحلها لمتابعه الجديد بمجالى ودراستى

((القمر ))
من زمن طويل وأنا لا أهتم بهذا الابيض المنير
فى معظم الليالى لأعتقادى الدائم بأن الشمس
هى الأصل فى الضوء00 وطبيعتى ضوئيه تكره الليل
بصرف النظر عن وجوهه المختلفه التى
تدعو للتعجب - كهلال وبدر او نصفه
أما لماذا أكتب عنه حاليا
لسبب بسيط أنه بدأ يلفت أهتمامى بطريقه مختلفه
جعلتنى أراقبه أحيانا كثيره من بلكونه غرفتى
بشئ من الجديه000 ربما أحب هذا القمر مستقبلا
هذابالتأكيد بفعل كثير من الوقت كثير من التأمل
وانا اتمتع بكلاهما حاليا

(( كلمات ))
من المفترض به أن الكلمه التى تخرج منك تعبر عنك
وفى المقابل من حقنا نسمع من الأخر كلمات صادقه
وبدون تجريح مهما اختلفت الاراء والتصرفات والفهم
ومهما كان الود مفقود
الكلمات القادمه تحمل معانى مُره ولكنى عاصرت صحباتها
النساء طبعا000000
* قال لها : اتفضلى ، فذهبت تجلس على الاريكه بمكتب مديرها
فـأشار لها : اتفضلى استنى بره*

* قال الآخر: طلبى اللى أنتى مش راديه تمضى عليه دا
أهو هقطعه قدامك وابقى بليه واشربى ميته*

* قال لها : كل شئ نصيب وإحنا مش لبعض *

البطله فى كل الكلمات امرأه والتى تستمع الكلمه
من الرجل بثقه أنها شرف له وفى المقابل تأخذ الكلمه
بكم كبير من خيالاتها بالاضافه او النقصان والتصنيفات
للمعنى وراء المعنى هذا لا يمنع ان كلمه طيبه فى عيدها
قد تنسيها كل شئ من الاخرين
اما عن سبب كتابتى عنها فى عيد المرأه العالمى والقومى وعيد الام
لأن كلمه واحده قد تفرق مع المرأه العمر 000كله


(( فى عيدها ))
كانت فى نيتى أجازه لشهر نيسان الربيعى ولكن نظرا
لعوده البرد والشتاء يعنى ما اريد أخر حاجه
ولسبب أهم عيد ميلاد مدونتى
كان لابد من الذكرى00 فهى الشئ الذى يسعدنى
تتم مدونتى الاولى * خواطر شابه * عامها الثانى فى شهر مارس
الحالى وهو شهر فردى ككل الفصول التى احبها
وقد تمت مدونتى الثانيه * من قراءاتى * عامها الاول
منذ شهر ديسمبر الماضى وفضلت الاحتفال لهما معا

# تحمل مدونه خواطر شئ ليس بالقليل من شخصيتى
ولكنها بالمقابل تحمل خيالات بعيده ايضا عنى
ولكن المجموع هو أنا لذلك هى مهمه لى واصبحت
تمثل لى شئ حقيقى فى حياتى وليس كما العام الماضى
ولكن تبقى كترفيه هدف اساسى لى

# المدونه كانت سبب رئيسى (والفضل يعود فيه
لأخرين وهم اصدقاء المدونات والتعليقات)
فى تحولات مهمه جدا فى اتجاهات اهتمامى وتفكيرى
خاصه فى فهم الشخصيات وأمور الحياه الجديه
وهذا لا يناقض الترفيه طبعا

# الشكر الواجب لكل من علق فى مدونتى وأهتم
ومازال الفضل يعود لأصحابه (أصدقاء المنتديات)
الذين مازالوا يهتمون بى ويتابعونى بعدا أو قربا
فهم السبب الرئيسى فى وجود مدونه لى أساسا
والشكرلكل من قرأ أى شئ لى لانه اعطانى من وقته
لأنى مقتنعه تماما أننى لم أكتب أى موضوع
فيه فائده لأخرين غير شخص واحد 00وهوأنا
لأنها متنفس لأفكارى ويومياتى وليست لتجاربى
الجاده التى قد تفيد أخرين

# من قراءاتى00 هى المفضله لى وحقيقه أحب كثيرا
أن أعرف ان هناك أخرين متابعين لها ويشاركونى نفس
اهتمام القراءه وهى الاقرب لى
لان مقولاتها احيانا تصل لروحى وليس عقلى فقط
ولكن ينقصها ان ليست كل الكتب استطيع طرح مقولات
او قصاصات منه خاصه الدينى او الفكر انما الروايات
فهى ملكتها بلا منافسه

(( كتب ))
ماتزال أهتمامى الأول ولمناقشات قادمه فى المدونه هنا
ان شاء الله ارشح للاصدقاء اصحاب الفكر ومن يريد
الاشتراك برأيه وليس مجرد القراءه
بقراءه كتب: ثقوب فى الضمير للدكتور احمد عكاشه
وماذا حدث للمصريين للدكتور جلال أمين
--------------------

- الصوره تصوير أخى العزيز والذى يشاركنى هم القراءه ومتعته
الباشمهندس أحمد

هناك 15 تعليقًا:

Hossam يقول...

صديقتى بسنت
بجد موضوع تحفة بطريقة مش طبيعية
بجد ما شاء الله
كل جزء اكلمتنى عنه بجد كان تحفة
وكل سنة ومدونتك طيبة وانتى باحسن حال
ودايما تمتعينا بكلماتك وتنقلنا الثقافة اللى قريتها فى كتبك سواء بالانجلش او بالعربى
كل سنة وانتى بالف خير
تحياتى صديقتى

بسنت يقول...

حسام
كل التحيه والود لك كمان
صدقا يا حسام انت ايضا تمتعنا وبستفيد بتجاربك الكبيره على سنك الصغير
ربنا يوفقك ايضا

صفــــــاء يقول...

كل سنه وانت طيبه والمدونه طيبه ههههههه عيد ميلاد مدونتك جاى مع العيد القومى للمحافظه
المدونه بقت مناسبه وطنيه
القمر ... انا بقى عكسك
عاشقه لليل وكل مراحله الوقتيه وبالتالى انا والقمر اصحاب ... لما تتعرفى عليه قولى لى وانا اكلمهولك

مدونتك التانيه فعلا بحب ازورها بس انت بتبقى قافله التعليقات فيها

واخيرا الكتب ... حبيبه قلبى اللى مخاصمين بعض الفترة دى ومن مدة طويله
ماعلش رغيت كتير بس اصلك وحشانى وليا فترة مش بدخل فـ قولت اقضيها دردشه بقى

سلامى ليك يا قمر

شيماء زايد يقول...

بسنت العزيزه

اتلصص من مده علي ما تنثريه هنا من روحك ولكن لم احاول التعليق - نوع من أنواع الكسل الاجتماعي -
أولا كل عام وانت ومدونتك بخير ، يبدو ان عيد ميلاد مدوناتنا في نفس الشهر
اتمنالك 100 سنه من التدوين الممتع
اما عن قصاصاتك فهي مرآه صادقه لنفسك الواعيه الشفافه

خالص ودي

!!! عارفة ... مش عارف ليه يقول...

بسنت ... أنت حد مميز ومختلف

ولا شك وجودك بين المدونين خلال السنتين اللي فاتو

كان له بالغ الأثر عليهم زي ما كان لهم بالغ الأثر عليكي زي ما قولتي

وده لان العلاقة إيجابية بينا جميعا

نؤثر ... ونتأثر

وكفاية أووي مدونتك من قراءاتي

والمدونة دي دليل تميزك عن كثيرين من المدونين

زي مدونة لصديق بيهتم بالموسيقى التصويرية للأفلام

ومدونة أخرى بتهتم بالفن التشكيلي

المدونين اللي من النوعية دي مش كتير أوووي

لأنهم مميزين بالفعل وبيقدموا فكرة جديدة لمفهوم التدوين

وأنت واحدة من الناس دي

خالص تقديري بسنت

وكل سنة وانت طيبة


وليد

تايه في وسط البلد يقول...

اهلا بسنت

كل سنة وانت طيبة

والمدونتين في منتهي الجمال لما تشملهما..وبالنسبة لموضوع الانجليزي فاستعيني بالكومبيوتر او جهاز mp3للاستماع لقطع بالانجليزية او حتي لقصص ادبية وهناك موقع للكتب المسموعة اسمه audible اعدك ان نتيجه باهرة ستجديها بعد شهرين من الدأب

كل سنة اونت طيبة مرة اخري..ودمت مدونة فذة

الازهرى يقول...

كثير من الوقت كثير من التأمل
وانا اتمتع بكلاهما حاليا

تذكرنى كلماتك بماض بعيد لى
أما الآن فلله الحمد لا أجد الوقت لأى شىء

ربما تساوى الكلمة فى عمر المرأة الكثير
هناك لحظات قد تساوى عمر الرجل بأكمله


كل لحظة وأنت ومدونتيك الجملتين فى خير وسلام وأمن وأمان وإيمان

صدقينى كلتاهما من أصدق ما قرأت

بخصوص الكتابين فقد قرأت الأول وبإذن الله أسعى للحصول على الثانى فشكرا لك على الترشيح

تحياتى دوما وخالص مودتى

بسنت يقول...

صفاء
وانتى بكل الخير وكل اهل بلدنا الصعايده
طيبين - وبالنسبه للعيد القومى
هقول ايه بس- يالا ربنا يسهلها وتنضف

بالنسبه للقمر - ماشى موافقه كلمهولى عشان نبقى اصحاب
هههههه


على فكره الكتب الصديق الوحيد الى مهما تهملى فيها وتبعدى عنها لا يمكن تتخلى عن مساعدتك
لازم ترجعيلها لو بتحبيها يعنى

وسلمتى دايما يارب

بسنت يقول...

شيماء
زياره عزيزه
ومش عايزاها اجتماعيات يا شيماء
خليكى براحتك منين ماتحبى تعلقى
انا اعتز بالاثنين القارئين والمعلقين

ومناسبه جميله ان تكزن مدونتك الهامسه فى نفس ميلاد مدونتى لان شهر مارس شهر مميز الصراحه

وانتى بكل الخير

بسنت يقول...

وليد

والله الكلام دا كبير جدا على مدوناتى البسيطه جدا
وشخصى الابسط
ربنا يكرمك لذوقك اللى مش لاقيه كلام ارد عليه صدقا

وانا الاسعد بوجودكم وانتم الاولى بالشكر وانا غالبا بكون رد فعل على المدونين اتمنى ان يكون التأثير ايجابى فعلا
للجانبين

خالص الشكر والود

بسنت يقول...

الازهرى
الصراحه نعمه الانشغال ممتازه بس مش على طول لان حتى الماكينات بتتعب
لابد من هدنه من وقت لاخر

واوافقك فكلاهما انسان سواء رجل ام امرأه

وانت بكل الخير
وفى انتظار مشاركتك فى القادم ان شاء الله لانى ايضا لم انتهى من كتاب د-جلال

كل الشكر والود

Sherif يقول...

أحلاهم ماكتبت عن القمر
واعتقادى ان قمر الصعيد هو أكثر ضياءا فى سماء صافية واضحة النجوم عن قمر الدلتا

فهكذا سماء الصعيد وسحبه .. ونيله الواسع العريض الذى لاتطول عيناك شاطئه الآخر .. والخضرة الداكنة الأصيلة كما عشت فيه فى صغرى

تحياتى لقلمك الرقيق

بسنت يقول...

أستاذ شريف
زياره أولى كريمه

وبالنسبه للصعيد هو فعلا الطبيعه عندما تنطق فطره جميله كفايه اوى النيل فعلا ولكن للاسف مساحات الخضره
فى تناقص حاد خطير لزحف المبانى طبعا

دمت بكل الخير

ســـــــهــــــــــر يقول...

يعنى الواحد يروح فين اما يحب يعلق
موضوعين اقراهم و الاقيهم مقفولين روحت على التالت و حلفت ما اقرا اما نشوف اللى قافله الابواب كلها دى
هننط لها من الشباك

وحشنى كتابتك و تحساسك

بسنت يقول...

ههههه
يعلق منين ما يحب يا سهوره
هو كام اهداء مخصوص وموضوع مكرر
فلم ارد مناقشتهم

واتمنى اشوفك دايما والله يا اغلى سهر