الثلاثاء، 19 يناير 2010

على بلد المحبوب 00 هى وهو 00 ودينى ** تحديث**


**وأنا فى قلب دوامتك الدايره بينا
بصرخ بحبك يا أجمل مدينه
يا ضحكه حزينه00 يا طايشه ورزينه
بحبك وأعفر جبينى فى ترابك
وأعيش فى رحابك وأقف جنب بابك
يا زينه جنينه حياتنا اللعينه**


((هى 000 القاهره))


بالرغم من كون قاهره المعز تبعد عن مدينتى بأكثر
من 240 كم إلا أننى أشعر إنها قريبه من روحى
وأن خيط رفيع متين يربطنى بهذه المدينه


فى كل عام لى لمصر كما نطلق علي القاهره فى الصعيد
رحلتين-- رحله الصيف وبتكون إذا لم أذهب للمصيف
فشغلى( لا يتحمل أكثر من أسبوع أجازه) وعلى هذا
الوضع يكون من ثلاث أعوام لم أذهب للقاهره فى
الصيف لرحله الشراء فى التخفيضات التى تعودت عليها منذ
الثانويه بين شهرى يوليو وأغسطس




كل مره أسافر فيها لقاهرتى العزيزه بزور منطقه
أو حي جديد - آخر العام الماضى شهدت القاهره زيارتى
للدقى والمعادى وهما حيين تمنيت كثيرا ان أزورهم
بجانب زيارتى وأستقرارى الدائم ما بين حلوان
والمهندسين وهضبه الهرم
وروكسى التى أستطيع التجول منفرده بها
ووسط البلد التى لا أستطيع حفظ شوارعها
ودائما ترافقنى خريطه من تصميمى حتى لا أتوه
وأنا ببحث عن محل معين بها


أمنيات الزياره فى القاهره كثيره تشتمل
على القاهره التاريخيه خاصه مصر القديمه
والبوابات ومساجد آل البيت والاثار
الاسلاميه والمدن الجديده


وأيضازياره دار الأوبرا لحضور سهره باليه
أو أوبرا وزياره ساقيه الصاوى لحضور سهره
موسيقه أو ندوه شعريه
والمكانين مكتوبين فى قائمه كتبتها لاهم
الاشياء التى أود تنفيذها وأنا شابه


((هو 000 معرض الكتاب))


وهو رحلتى الثانيه للقاهره وهى الرحله
الشتويه بين شهرى يناير وفبراير من كل عام


فعلاقتى بالكتاب بدأت منذ تعلمت القراءه بدايه
من مجلات ميكى وسمير وماجد وأنتهاءا براويات
بهاء طاهر وباولوا كويلهو الاكتشافين المهمين
لى قراءه عام 2009
زيارتى لمعرض الكتاب ليس مجرد زياره لمكان به
كتب ولكنها رحله روحيه لى وجرعه سعاده ودفعه
لباقى السنه تماما كرحله مصيف الصيف
والكتب تكافئ مياه البحر


أتجول بين صالاته ودور النشر وأنا على وجهى
تعبيرين الانبهار والسعاده والزيارت له
بدأت منذ عامين وهذا العام سيكون الثالث
إن شاء الله على التوالى
والعام الاول 2008 لا يُنسى لأنه كان ممطر فأجتمع
المطر والكتاب وكانت السعاده من حظى أنا


معرض السنه الماضيه2009 أشتريت منه 41 كتاب
هى صدفه عجيبه لانه كان رقم 41 فى تاريخ المعرض أيضا
دائما أقول الرقم دا بأعتزاز لانهم فعلا كانوا
من الكتب والروايات التى أثرت بشكل كبير فى جعل
عام 2009 من أجمل سنين عمرى قراءه


أهم درس اتعلمته من شراء الكتب عدم السير وراء الدعايه
الرنانه لأى كتاب لكاتب لم أقرأ له من قبل
لأنى صراحه ندمت على قراءه وشراء بعض الروايات التى
أعتبرها (مقلب) ضايقنى قراءتها اصلا
لأن الهدف من الروايه نفسها أو الكتاب وهو المتعه
والحياه الاخرى التى ليست شرط تكون مثاليه بقدر
ما كونها مختلفه وخياليه ومحبه ونتعلم منها درس
يتناسب مع حياتنا أو يزيد معلومه أو يصحح مفهوم
خاطئ وليس عكس أى شئ مما ذكرت


((خريطه الشراء للمعرض ال42 إن شاء الله))


التطرق لروايات نجيب محفوظ التى تعتبر منطقه مجهوله
لى تماما ومحمد المنسى قنديل ومتابعه شراء كتب
توفيق الحكيم لتكتمل مجموعته بمكتبتى
وشراء كتب علم نفس ( كنت أكرهها سابقا)
لفرويد ودكتور أحمد عكاشه أو أى عنوان سيجذبنى له
أما الإسلاميه فسأبحث عن الجديد للدكتور عمرو خالد
ومحمد العريفى وزياره جناح الدور الاسلاميه
وكتب التاريخ لم أحدد أسماء كتب ولكنى سأبحث عن
تاريخ الاندلس والعصر المملوكى
أنوى التجول فى الجناحات الطبيه والعلميه لأول مره
وربما أحضل حفل توقيع أو ندوه


ولن أنسى إن شاء الله السندوتشات مع الكابتشو أو الشاى
فى فتره الراحه وصلاه الظهر بقاعه السيدات التى تجمع
وجوه سبحان الله من بلاد مختلفه
صراحه نفسى أتكلم أكتر عن القاهره ومعرض الكتاب
ولكن هتركها للتحديث بعد عودتى إن شاء الله


هختم بأبيات تحمل معانى ما أريده ل هى 00 وهو
الكلمات للشاعر جورج جرداق
وغناء ماجده الرومى
**ستسألنى هل تنسانى ؟00 هل تذكر دوما عنوانى؟
أنا كل عصور الحب وكل نجوم الشمس بأردانى
بساط الريح على كفى ومرايا السحر بأجفانى
أن بنت النيل وزهر الجنه 000 بكل جميل تلقانى**


وحكمتى الدائمه ( لا يمكن للكتب إلا أن000 تقربنا)
---------------------------
ملحوظه: لمن ي\ تشاركنى حب الكتاب وسوف ي\تعلق
أقترح لى كتاب قرأته وغير شئ بك





**********************************************
التحديث
الكتب التى قمت بشراؤها من المعرض ال42**
فى الزياره الاولى ** فلى بإذن الله تعالى ربما
زياره أخرى للقاهره والمعرض فى نهايه هذا الاسبوع


وبالرغم من إنى صرفت كل الفلوس اللى كانت معايا
– لكن مازال هناك حوالى أربعه كتب أود شراؤها –
ربنا يسهل- وأشوفلى بنك ولا سُلفه لأن الأسعار
غاليه بصوره جنونيه هذا العام


وإليكم بقائمه الكتب التى دخلت مكتبتى


(الادب)
*1* رن- دفتر التدوين السادس * جمال الغيطانى * دار الشروق
*2* رأيت رام الله * مريد البرغوثى * المركز الثقافى العربى
( تم ترشيحه لى لقراءته )
*3* هناك أمل * أنيس منصور * نهضه مصر
*4* نسيان com *أحلام مستغانمى * دار الآداب (ترشيح)
*5* كتاب الأسفار * جمال الغيطانى * مكتبه الاسره
*6* غوايه الاسكندريه * إبراهيم عبد المجيد * مكتبه الاسره
*7* المكان بخفه * شعر عماد غزالى * مكتبه الاسره


(الروايه)
*1* الحياه بدون كاتشاب * أحمد القاضى * دار دون (ترشيح)
*2* ساديزم * محمد الغزالى * دار أكتب
(( وتم التوقيع بالاهداء من المؤلف على نسختى –
صدفه أولى غير متوقعه- ان يكون حفل التوقيع
نفس يوم شرائى للكتاب ) )
*3* إعترافات رئيس سابق * مصطفى ريان * دار أكتب
(( صدفه ثانيه سعيده أيضا – تم توقيع نسختى من المؤلف
أيضا فى نفس اليوم ))
*4*الحرافيش * نجيب محفوظ * مكتبه مصر
( مخفضه جدا بالنسبه لسعرها بدار الشروق- وهو ترشيح أيضا)
*5* العائش فى الحقيقه *نجيب محفوظ * مكتبه مصر
*6* ميرامار * نجيب محفوظ * مكتبه مصر
*7* حديث الصباح والمساء* نجيب محفوظ * مكتبه مصر
*8* إخناتون ونفرتيتى * على أحمد باكثير * مكتبه مصر
*9* السائرون نياما * سعد مكاوى * المجلس الأعلى للثقافه
(ترشيح أيضا بالقراءه- وسعره لا يقارن أساسا بسعره بدار الشروق)
*10*الحالمه * ألبرتو مورافيا * المكتبه الثقافيه
*11* محب * عبد الفتاح الجمل * مكتبه الاسره


(متنوعات)


*1*ماذا حدث للمصرين * جلال أمين * دار الشروق(ترشيح)
*2* رصف مصر * عمر طاهر * دار أطلس للنشر
( أنا اللى رشحته لنفسى لأن عمر طاهر من كتابى المفضلين جدا)
*3* رجاء جارودى وحضاره الاسلام * أمينه الصاوى &
د عبد العزيز شرف * مكتبه مصر


(نفسى )


*1* ثقوب فى الضمير * د أحمد عكاشه * دار الشروق(ترشيح)
*2* كيف تتخلص من القلق والذكريات الأليمه * د هند رشدى *
العالميه لنشر (( عندما سألنى أبن خالى رفيقى الدائم
بالمعرض عن حال الدنيا معى قلت له الكتاب دا هو الاجابه عن السؤال ))


(تاريخ)
مازال يمثل جزء هام من قراءاتى – المشكله فقط فى الذاكره المائيه لدى


*1* الحرب العالميه الثانيه * هشام خضر * العالميه للنشر
*2* موسوعه وصف مصر الجزء 11 قاهره المماليك * مكتبه الاسره
*3*المُغرب فى تاريخ الأندلس والمغرب *د عباده كحيله * الدار المصريه اللبنانيه


(دينى)


*1* من روائع العريفى *د محمد العريفى * مكتبه الصفا
*2* محمد رسول الله والذين معه الجزء 20 * عبد الحميد جوده
السحار * مكتبه مصر


( أطفال ) المفروض لأولاد أختى بعد قراءتى لهم طبعا
– أول مره اجيب لهم كتب غير مكتبه الاسره - تجربه


*1* العدسه السحريه ل سبايدر رويك
*2* عوده الاشرار ل كوماندوز


--------------------------------------------
الزياره كانت ممتازه الحمد لله تعالى استمتعت فعلا
بشراء وتصفح الكتب
ولأول مره اعرف الف المعرض بطريقه صحيحه واشترى الكتب
بدون عشوائيه وادمان الشراء
التى اعانى منها بدون اى مقاومه امام الكتب
وقدرت اشترى كتب متنوعه غير الروايات دا أهم حاجه

هناك 32 تعليقًا:

بحر الالوان يقول...

جميل هذا الحنين نحو القاهرة ولكنه حنين مبرر لمن هو خارجها , ولكن امثالي من سكانها في حالة حنين مستمر لتلك الاجواء التي لا تتكرر كثيرا الا في تلك المناسبات المبهجة ... واشاركك الراي ان معرض الكتاب اكثرهم بهجه .

بالنسبة لاقتراح بعض الكتب فهو امر صعب قليلا لاني من عشاق الكتب ايا كانت .... ولكن اعتقد ان نجيب محفوظ كما اشرت لا يمكن تجاهله ... توفيق الحكيم ومصطفي محمود اقتناء كتبهم امر لا يقبل الجدال ...ولكن هذه القائمة قد تفيدك :
1- محمد حسنين هيكل - خريف الغضب
2-عبد الوهاب المسيري - فكر حركة الاستنارة وتناقضاته
3- جمال حمدان - شخصية مصر
4- انيس منصور - في صالون العقاد كانت لنا ايام
5- كولن ولسون - الانسان وقواه الخفية - اللامنتمي
6- جلال امين : عصر الجماهير الغفيرة - ماذا حدث للمصريين
7- روجيه جارودي : كيف صنعنا القرن العشرين - كيف نصنع المستقبل - حفارو القبور
8- عباس محمود العقاد : ابليس - الانسان في القران - العبقريات في مجملها رائعة

بالنسبة للروايات :

السائرون نياما
الرجل والطريق
لسعد مكاوي من اجمل ما قرات

هذه قائمة مختصرة اتمني الا تخيب ظنك

تحياتي لك

موناليزا يقول...

ما اجملها من رحلة
فللكتاب متعة خاصة جدا لا يعرفها الا من تذوقها
رحلة موفقة ومليئة بالكتب المثمرة

أنا بحب فراءة جميع الكتب بمختلف انواعها
ومقدرش اقول اسم كتاب معين لان كلهم فادونى بشكل او بآخر
ولكن ممكن اقترح عليكِ تدورى على كتب لد/ أحمد خالد توفيق
ده اللى انا مهتمية جدا بكتبه اليومين دول
بقرأ له كتاب اسمه207 لسه مخلصتوش بس عاجبنى

alshared يقول...

بصراحه

أنا بعشق الأسكندريه :)

القاهره رائعه وقت معرض الكتاب فقط ووقت زيارة سور الأزبكيه أو السيده وليالي الأزهر والحسين وفسح وسط البلد والكورنيش ووقت ما بروح أجمل مكان في القاهره كلها :).....

وأكيد الساقيه من أجمل الأماكن في القاهره نصيحه لازم تعملي زياره للمكان ده مكان رائع

غير كده لأ :) الأسكندريه من أروع الأماكن علي وجه البسيطه ده طبعا بعد بلدنا :)

...
ملحوظه: لمن ي\ تشاركنى حب الكتاب وسوف ي\تعلق
أقترح لى كتاب قرأته وغير شئ بك
..

في كتب كتير منهم

إعمال العقل (من النظره التجزيئيه إلي الرؤيه التكامليه) للدكتور لؤي صافي

محتاج قرأه متأنيه ومدركه


وأيضا

تطور مفهوم الجهاد في الفكر الأسلامي للدكتور ماهر الشريف

كتاب متميز للغايه

وأيضا

رأيت رام الله لمريد البرغوثي

خلاصه سائله للمشاعر البشريه

وأيضا

شخصية مصر للعبقري جمال حمدان

ولا تعليق عليها

وأيضا
معظم كتابات الأستاذ (محمد حسنين هيكل )
دي كمان لا تعليق عليها :)

دواوين الشعر
أحمد مطر .. أمل دنقل .. ...

هناك روايه متميزه

القلعه البيضاء للكاتب التركي أورهان باموق

كفايه كده :)

...
دمتي بكل كل الود
أخوك

بسنت يقول...

بحر
نعم أوافقك بالنسبه للقاهره فأنا أحبها كزائره وليس كأقامه دائمه لا أعرف كيف سيكون مستقبلى ولكننى أعتقد أن القاهره لا تحتمل سوى رحلتى الى تكلمت عنهم

بالنسبه للكتب المقترحه شكر كبير جدا لك لانى لم أقرأ منهم شئ وان كنت قرأت ساره للعقاد وأنيس منصور مازال 200 يوم حول العالم لم يُفتح بعد
مصطفى محمود فى الخريطه عبد الوهاب المسيرى ومحمد حسنين هيكل أحد الامنيات اللى حملتها من الشبكه العنكبوتيه ولن لم أبدأ بهم بعد

الاقتراحات كلها ستدخل حيز الخريطه وربنا يسهل
دمت بخير

بسنت يقول...

موناليزا
زياره عزيزه
د احمد خالد توفيق طبعا قرأت له واخر ما قرأت له زغازيغ ويوتوبيا
و207 حملتها الكترونيا بس دورها فى القراءه لم يأتى بعد

شكرا على الاقتراح الجميل لاننى احب اسلوب ومقالات(فى الدستور يوم الثلاثاء) هذا الرجل جدا

دمتى بخير

بسنت يقول...

محمود
حمد الله على السلامه
اسكندريه صراحه لا تقارن مع القاهره
يعنى ينفع نقارن النيل بالبحر انا شايفه انه ما ينفعش
لكل منهم وقته وجماله انا بشوفهم متضادين بس السعاده بيهم متساويه
انا كنت فى اسكندريه شهر اغسطس اللى فات لا تنسى صراحه بس القاهره لها مكانه فى نفسى مختلفه

اقتراح أخر لشخصيه مصر وكتب هيكل
شئ مشجع
بالنسبه لمطر انا بالفعل بقرأ حاليا مجموعته الكامله وقربت على الانتهاء
اما دنقل فبحوزتى مجمع اعماله الكامله ايضا00 مستعراه000 فى نيه لقراءته قبل معرض الكتاب ربنا يسهل
اورهان باموق سبق قرأت له اسطنبول ولم يعجبنى اسلوبه صراحه ربما الروايه شئ مختلف له او المترجم لم اعرف تحديدا
باقى الاقتراحات جديده على ايضا

شكرا على الزياره وتكرر ان شاء الله
دمت بخير

صفــــــاء يقول...

ههههه بصرة
القاهرة العزيزة مقطوعه المياة دائما
ومعرض الكتاب مشوارى السنوى الدائم منذ 12 سنه
لكن زياراتى للقاهرة بتكون شبه شهريه وما بصدق اخرج منها لأنى مش بسمع نفسى من شدة الصراخ والعربيات والأصوات يا ربنا ... هى مدينه غير محتمله لكنها ذات عشق مميز وشخصيه نادرة

بصراحه مش هقدر أنصحك بشئ معين لأنى بروح بذهن خالى تماماً من اى أفكار مسبقه وبشترى الكتب بعد شويه تقليب فيها واعجاب بالمحتوى او المضمون بالأضافه لبعض الكتاب اللى لازم تكون كتبهم عندى
ان شاء وبامرة يكون لنا لقاء هناك السنه دى
وكل معرض كتاب وانت بخير

طوبه فضه وطوبه دهب يقول...

جميل اوى كلامك عن الكتب وعن القاهره انتى تعرفى اننا احنا اللى عايشين هنا اصلا ما بقاش فى وقت نعمل اللى انتى بتعمليه دا وبحسدك عليه يمكن الانسان لما بيكون موجود فى مكان ما بيحسش بقيمته ذى الشخص اللى جى زائر ليه على العموم تنورى القاهره والدنيا كلها وفى انتظار استكمال موضوعك

تايه في وسط البلد يقول...

اهلا د بسنت

ومرحبا بك في القاهرة

وانا في الخدمة كدليل لوسط البلد علي الاقل

:)

جميل جدا موضوع تدوين المهام المطلوبة في كل زيارة واعدك ان هذا سوف يسبب لك سعادة طاغية بعد سنوات قليلة بمجرد التذكر

وانا اعتقد انني المنتقل من الريف للقاهرة غير متوائم مع الزحام الرهيب ولا صحتي تتماسك امام كل هذا التلوث..ومع ذلك اعتقد اني لن اتركها قريبا..وهي علاقة تصنف فيما وراء الطبيعة
:)

تحياتي وانا اتشرف بالتعارف في معرض الكتاب ان كان هذا يناسبك
yyosef82@yahoo.com

بسنت يقول...

صفاء
نعم هى صدفه جميله ان نتكلم عن نفس المدينه

إن شاء الله يكون لنا لقاء فى المعرض
هبعتلك قبل ما أسافر

دمتى بخير

بسنت يقول...

دهب
القاهره منوره بأهلها الطيبين مثلك
شوفى احنا مش بنعرف قيمه اللى فى ايدينا ابدا بجانب رتم الحياه السريع جدا فى القاهره يمكن هو اللى مخليكوا مش لاحقين تلتفتوا للجميل بها
انا صراحه بحاول اخلى زيارتى مفيده وتشبع فضولى فى التعرف على اماكن جديده عليها

انا نفسى ألف مصر كلها مش القاهره بس

دمتى بخير

بسنت يقول...

تايه
انا دايما بخلى شئ يذكرنى بالمكان يعنى تصدق معايا تذكره المترو بتاعه السنه اللى فاتت (الماكينه كانت معطله) فأخذتها
بجانب خريطه المعرض للسنتين

علاقه ما وراء الطبيعه بينك وبين قاهره المعز من نسأل عنها؟ فانتازيا؟
أم ملف المستقبل؟
(دى مزحه طبعا)
الحياه تفرض علينا أوضاع عسيره
خاصه الشغل أو الدراسه ولكنه ربما أمر الله الى أن يأتى اليسر بالخروج لمكان نقى جوا على الاقل

وشكرا جزيلا على دعوتك الكريمه جدا
وانا التى تتشرف بالتعرف
هبعتلك إن شاء الله

دمت بخير

تايه في وسط البلد يقول...

انا ايضا اسلك نفس المسلك

معي تذكرة دخولي معبد الأقصر من 11 سنة !!

وتذاكر القلعة من 9 سنوات

بصرة!!

الازهرى يقول...

القاهرة مدينة رائعة كمان للتجول
ولكن بعد ذلك أعود لبلدتى حيث الهدوء والسكون

أقترح
كما قال بحرالالوان فى صالون العقاد كانت لنا أيام كتاب اكثر من رائع
- مقهى الحياة جابر عصفور (الهيئة العامة المصرية للكتاب صاله 4 تقريبا )
- الفاروق عمر محمد حسين هيكل
- قصة الفلسفة ويل ديورانت

لا أتذكر الكثير فى هذه اللحظة ولكن ربما اكتب المزيد فيما بعد

عموما كتب الحكيم ومحفوظ ومصطفى محمود استعيريها من اقرب مكتبة واقرأيها ستجدى منها الكثير وتوفرى الميزانية لأعمال أخرى غالبا لن توجد فى المكتبات المحلية
أنا أفعل ذلك دوما

تحياتى دوما

بسنت يقول...

تايه
تعرف هى اشياء بسيطه ولكن بتفرق كتير بعد ما يعدى سنين كدا عليها
انا بعتبرها كنوز مش مجرد ذكريات

انت نسيت حاجه مهمه- فين قائمه الكتب؟
دمت طيب دايما

بسنت يقول...

الازهرى
زياره عزيزه

شوف الاستعاره شئ جميل بس امتى؟ لما تكون فى مكتبه اصلا بروحها ودا مش بيحصل- او وجود اصدقاء مقربين بيقروا ودا بردوا غير موجود
انا من فتره كدا بحمل الكتب من النت ولو عجبتنى بشتريها بالفعل ودا حصل معايا فى كتابين - عزازيل - وفوضى الحواس
اللى بيعجبنى افضل ان يكون لدى نسخه منه ورقيه

الترشيحات دخلت الخريطه شكرا جزيلا

مش عارفه محدش رشحلى حاجه علم نفس ليه
انا محتاجه كتب من النوع دا بمكتبتى

دمت طيب دايما

احلام جوليا يقول...

في حب مصر يقدر يقول التاريخ ما شاء انا مصر عندي احب واجمل الاشياء
اه يا بلدي كم احبك كم اشتاق اليك
المتني وجرحتني وانت اعز مكان على قلبي
اريد قربك واهرب منك يا غالية وقريبة وبعيدة يامصر
وحشتني مصر وحشتني ريحتها وحشتني دوشتها وحشوني اهلها وحشوني اهلي مدرستي القديمة وسور الجامعة الترام الزرقاء والترام الصفرا صوت كلكسات حياه قلبي انت يا مصر.
قومتي علي المواجع والله وزودتي شجوني ببوستك الجميل الراقي دمتي بخير

بسنت يقول...

جوليا
انا بعتذر ان كانت كلماتى (بالرغم انها المفروض مفرحه) سببت اى حزن او اى شئ مؤسف

انا بعتقد كتير ان كلماتى عن الاشياء اللى بحبها شئ من الوفاء للحاجات دى
من مبدأ لا تغلق فمك امام من فتحت لهم قلبك
والقاهره ليها ذكريات لا تنسى باى شكل

وربنا يرجعك ليها بالسلامه اذا كانتى خارج مصر وتروحى تزوريها وتفتكرى كل ذكرياتك الجميله لو كنتى بداخلها بمحافظه تانيه

وانا ايضا تذكرت اشياء حزينه الان
ربنا يوفقك ان شاء الله

فتاه من الصعيد يقول...

رحله موفقه

بس بيجيلك قلب تروحي بأرادتك الحره القاهره :D

مدونتك جميله ... واجمل ما فيها انك من الصعيد :)

تحياتي

بسنت يقول...

الصعيديه جارتى (انا مش عارفه انتى منياويه زى ولا ايه؟)

آه يا ستى هروح قاهره المعز بكل قواى العقليه -- ولوحدى كمان
بس عندى اقارب فى كل ارجائها الحمد لله الاقامه دايما مجانيه

اعتقد ان اجمل ما فى مدونتى هو تعرفى على مدونين آخرين بنات وصعايده انا بفرح بكدا بجد

زياره كريمه اسعدتنى كتير وياريت تكرر
دمتى طيبه

تأثير الفراشة يقول...

الله

بجد بوست جميل جدااا، :) ، استمتعت جدا بقرائته و كإنى كنت معاكى ، يمكن لأن فعلا القاهرة لها سحرها ، و لأنى باشاركك نفس الإحساس بالنسبة لمعرض الكتاب، زيارته بتكون بجد من أجمل التجارب

أتمنى لك رحلة موفقة للمعرض إن شاء الله

و بالنسبة للكتب ، فممكن أكون فى الفترة الأخيرة أكثر تركيزا على كتب التنمية البشرية المترجمة اللى بتكون إصدار مكتبة جرير، و فيه كتب كثير جميلة جدا ، من أقوى الكتب ،كتاب (أراك على القمة) لـ زيج زيجلار ،كتاب رااائع
و غيره كثير

ربنا يوفقك فى رحلتك و تستمتعى بها بإذن الله

تحياتى لك

بسنت يقول...

د نهى
زياره عزيزه

معرض الكتاب رحله ترفيهيه اساسا ليا يعنى بكون وسط الكتب دا شئ خرافى لا انساه بسهوله ابدا يعنى هفضل احكى عليه سنه لقدام

بالنسبه لكتب التنميه البشريه فقد اشتريت كام كتاب لابراهيم الفقى وصراحه ما عجبونى اوى بالرغم من كون برامج الراجل دا بحبها جدا ولكن الكتب كلها حكم ونصايح متهيألى التنميه البشريه تحديدا لابد من التفاعل المباشر مع المحاضر - سماعيا على الاقل- واشتريت كتب لجمال ماضى بس لسه ما بدأت فيها
اللى ذكرتيه فى الخريطه هدور عليه ان شاء الله

سلمتى دايما

eman mohamed يقول...

زورو مدونتى الجديده

صفــــــاء يقول...

بصى يا قمرة ... رايحه المعرض يوم الجمعه
الايميل بتاعى اللى انت مضافه عليه الهوت ميل قفل لى حسابى عليه مش عارفه ليه فبعت لك اضافه من على الميل الجديد لكن انت مش قبلتيها او يمكن فيه غلط
عموما ممكن تبعتى لى ايميلك الصح على بريد الفيس بوك
عشان اعرف منك تفاصيل وهتروحى امتى ونتقابل على بوابه كام لو هتروحى فى نفس اليوم

Sharm يقول...

الرويات التي احببتها كثييييير

لكن ما تأثرت به في حياتي كانت رواية اولاد حارتنا للمبدع نجيب محفوظ ..

بسنت يقول...

إيمان
أن شاء الله هزور مدونتك
سلمتى

بسنت يقول...

صفاء
إن شاء الله هكون يوم الجمعه فى المعرض بردوا
معلش انا عندى مشاكل فى الكمبيوتر ومش عندى ماسنجر من فتره طويله بدخل ايميل بس علشان كدا ما اعرفش انك ضفتينى اصلا
هبعتلك على الفيس بوك اقولك ازى هنتقابل

دمتى بكل الخير

بسنت يقول...

شارم
أولاد حارتنا بالفعل فى خريطه شرائى ان شاء الله
بجانب الحرافيش

دمت بخير

مصطفى محمود يقول...

أجمل ما في القاهرة
ليلها
وربما لو اقتربت منها أكثر لرأيتي الوجه الذي يخيف الجميع
______________________________
أقترح عليك رواية الجبل الخامس لباولو كويلو
ستغيرك تماما ..للأفضل

صفــــــاء يقول...

يا دكتور كنت عيزاكى تردى عليا فى نفس اليوم او فى أقرب وقت ... وكنت اتمنى نتكلم على الميل عشان أبعت لك رقم تليفونى على الأقل اقدر اعرف بالظبط اتفق معاكى او نحدد مكان صريح واحنا هناك
سافرت الجمعه الفجر وفضلت منظرة ردك لحد أخر دقيقه قبل السفر لأنى كمان ماعرفش شكلك رغم انى يوم الجمعه الساعه 2ونص بالدقيقه كنت على البوابه لكن طبعا ماعرفتكيش ولا قدرت اتصل بيكي عشان نتعرف من مكان محدد او لون لبس او اى حاجه كمان مش بدخل على النت وانا مسافرة فـ مواصلتنيش رسالتك التانيه يوم السبت رغم انى كمان يوم السبت روحت المعرض وحضرت حفل توقيع فى الشروق لكن برضه معرفتكيش
حقيقي والله كنت اتمنى جدا اتعرف بيكي بشكل فعلى بس ماليش نصيب ... والخيرة فى ما اختارة الله
دومت بكل خير وفى ود ومحبه
تحياتى لك

بسنت يقول...

مصطفى محمود
زياره أولى كريمه واتمنى ان تتكرر

القاهره صراحه كما سبق ان قلت احبها كزياره خاطفه اقصاها اسبوع
اما ان تعيش فيها فلا اعرف صراحه عما سيكون رأى وقتها
اما عن الليل فلا احبه سواء فى القاهره او فى بلدتى انا نهاريه واحب الضوء والشمس

الجبل الخامس بالفعل هو فى قائمتى لاجمل الكتب التى تأثرت بها
ومعظم كتابات باولوا كويلهو ممتازه صراحه

دمت طيب

بسنت يقول...

صفاء
انا رديت عندك
اللقا نصيب فعلا
وكل معرض وانتى بالف خير