الخميس، 10 ديسمبر 2009

خواطر من شتاء تشرين 2009

 ودخل الشتا وقفل البيبان على البيوت
 وجعل شعاع الشمس خيط عنكبوت
 وحاجات كتير بتموت فى ليل الشتا
 لكن حاجات اكتر بترفض تموت 


 أعتقد دائما وابدا أننى من ضمن الحاجات التى ترفض تموت
 بل العكس تحبا وتنتعش و تحب فى الشتاء-- وإليكم دلالات
 تشرين الثانى من 2009 وهو البدايه الحقيقيه لفصلى المفضل

((
أعتراف الشتاء))

 أكون أكثر طيبه وعاطفيه فى الشتاء  وأعصابى أكثر هدوءا كهدوء ليله
 ونفسيتى فى مسارها الهائم بملكوت الكون



 خايف من بكره ليه مين عارف بكره أيه
 مين عارف بكره ايه
 أنا مش هبص ورايا ولا أقول آه
 مهما الأمل غاب العيون شيفاه 


 (( حنين الشتاء))
  لحديقه مدرستى الابتدائيه - لصحبه شنط
 المدرسه ودروس الثانوى- لمواصلات وتأخير الكليه - لأفطار
 الشغل وشرب الشاى - لتليفون توأمتى الروحيه لأكثر من
 ساعه لتفسبر حلم أحدنا- لورده جافه وجدتها فى كتاب قديم لا اتذكر
 من أهداها لى - لكارت صغير فى عيد ميلادى من إحدى
 صديقات المراسله القديمه بالبريد العادى- لأبطال أفلام تطاردنى قصصهم
 لتليفونى القديم ذو النغمات المتسجله جميعا بمعرفتى واختيارى
 لضحكه صافيه وسعاده لقاء العائله الكبيره لمناسبه خاصه
 بأحد افراد اسرتى


(( أجواء الشتاء ))
 أحب اجواء الشتاء الضبابيه
 \وما هو غير ضبابى أصلا فى الحياه؟\ الشبوره الخفيفه
 المطر وهو المطلوب لى تماما\ سعادتى عندما اكون بالشارع
 يليه البيت-بلكونه غرفتى\ ودعاء المطر
 لن يفهم إحساسى بالمطر سوى محبين الشتاء مثلى كمحبى
 ماء النيل وأمواج البحر فهو ينقى روحهم لتكون
 كالبلور لتبدأ حياه جديدة


ساعات المطر وساعات أوقات بيجى ضعيف 
 يادوب كام نقطه تبل وش الرصيف 

وتنقش على الازاز خيالات
 ساعات وساعات
 يهز الأرض ياخدنا نحضن بعض
 نفتح  شبابيكنا إزاز وشيش
تقوليلى ما تخافشى وأقولك ما تخافيش
 يا هل ترى حنموت من البرد
 ولا أبتدينا نعيش

(( دفءالشتاء))
 صباح الشتاء المشمس هو الأنقى والأدفء
 وهدوء وصمت ليله هو الافضل للمراجعه للذكريات
 المرئيه خاصه البومات الصور
 بالنسبه للشمس الشموسه فقد اتحرمت منها إلا من شعاع بسيط
 يدخل غرفتى بعد أن تم بناءمبنى عالى قائم مقابل لبيتنا لجهه الشمس
 بالنسبه لالبومات الصور لنجعلها بدفئها طى الذكريات


سلامى على اللى حاضر معانا
  سلامى على اللى خاللى مكانه
 سلامى إن شا الله يوصل سلامى
 أسامى ما أريد أذكر أسامى
 سلامى 


 (( رحلات الشتاء)) 
 فى مركب بالنيل لبنى حسن\ آثار فرعونيه
 بمحافظتى\ وتحت مطر الاسيكندريه فى سان استيفاتو ومحطه الرمل
 وبين ضباب منتجع بفايد بالاسماعيليه وداخل أطباق دريم باراك الطائره
 وبتمتع بشمس وطيبه أهل أسوان وآثار معابد الأقصر
 وبين كتب معرض الكتاب الدولى بأرض المعارض


 (( أحزان الشتاء))
  

غالبا بيكون قومى مش حدث خاص
 ودائما ايضا بيكون شئ موجع بيهز الوطن لفقد جزء من أبناءه
 وهذا شئ لا يجعلننى أحزن من أجل الحزن أو لكآبه الشتاء ولكن لان طبيعى
 الحزن جزء نخترعه ونعيش فيه كتركيبه من الانسانيه
 وهذا العام-تبعا للاحداث- تذكرت مرثيه نزار قبانى -متى يعلنون وفاه العرب-
 واكرر معه\ يا صديقى رحم الله العرب\


 (( شعر الشتاء)) 

 هو ايضا شعر نزار قيانى وخاصه قصائده
 بصوت كاظم الساهر لان كلمات نزار تخرج معنى جميل دائما
 لم اكن الاحظه فى اللغه والاشياء-وهذا الشتاء سينضم له
 أمل دنقل لوجود نيه لقراءه ديوانه الذى معى كاملا


  أحبينى بلا عقد وضيعى فى خطوط يدى
 أحبينى لاسبوع - لأيام - لساعات
 فلست أنا الذى يهتم بالابد

 كونى البحر والميناء
كونى الارض والمنفى
 كونى الليل والعنف
 أحبينى معذبتى وكونى فى الهوا مثلى كما شئت
 أحبينى بعيدا عن بلاد القهر والكبت
 بعيدا عن مدينتنا التى شبعت من الموت 



(( حكمه الشتاء ))
 أنا اؤمن بوجود الشمس حتى فى وقت الغروب
 أنا اؤمن بالحب حتى وأنا وحدى
 وتشتد ثقتى بالله حتى وأنا فى أحلك الأزمات
 لأننى اؤمن بالله حتى وأنا لا أراه 
 


\ واعتقد أن من جمع هذه الكلمات عبقرى ويقرأ
 أفكارى فهذا ما أرددت قوله تماما كحكمه لى \

 (( دعاء الشتاء))

  اللهم أفتح لرجائنا رحابك
 ولدعائنا أبواب السماء 


 (( آمان الشتاء))
 قرآن كربم بصوت الشيخ عبد الباسط عبد الصمد
 أدعيه الصباح والمساء\ وانا فى المواصلات
 حفظ سوره جديده بعد الاستماع لها من الصوت الهادئ
 للشيخ مشارى راشد العفاسي

 ((مبدأ الشتاء))
 
إعرف من أنت
 وأفعل ذلك عمدا

 (( كتب الشتاء))
 
المفروض بعد الانتهاء من الاخر مثلى\روايه لساراماجو
 سأبدأ مباشره فى الرحيق المختوم\ سيره نبويه
 ثم ديوان أمل دنقل
 ان شاء الله

 ((سؤال الشتاء)) 

 هل سنظل متفقين على الاختلاف؟ 


the smile in your face let me
know that you need me
there's atruth in your eyes saying
you'll never leave me
the touch of your hand saying you'll
catch me ever i fall
you 'd say it best when say
no thing at all


 (( أمنيه الشتاء))
 أن نلتقى 

 (( رساله الشتاء)) 
 لكل شئ صدقا
 شكرا وكفى


(( فيلم الشتاء ))
 

 awalk to remamber
 وهو اخر الافلام الرومانسيه التى استمتعت بها فى نوفمبر
 

هناك 11 تعليقًا:

Selfmeaning يقول...

اول مرة القى حد متفق معايا ان الشتاء

هو الفصل الوحيد اللى له طعم

اول مرة كمان القىحد بيعشقه زيى للدرجة

ديه او حتى يكون محتفظ بذكريات فيه

بوست جميل ^_^

بسنت صلاح الدين يقول...

بصراحه انا مغرمه جديده بالشتا ، بحس انه الفصل الوحيد اللى مش بيمر بسرعه زى ماكل حاجه بتمر بسرعه فى حياتنا ، فصل التأنى و التفكر و الاحساس ، بحس فيه بدفء غريب و امان

بسنت يقول...

self meaning
زياره جميله
وجميل ايضا ان اجد أخرين مرتبطين بالشتاء ويحبونه
دمتى بخير

-----------------------
بسنت الجميله
الصراحه انا بحس انه بيمر بسرعه جدا وما بشبع منه ابدا

اما عن دفئه وامانه فهو الاساس اكيد
دمتى بخير

mohamed ghalia يقول...

حمدا لله على السلامة
نورتى البلوجر من جديد
كلماتك بجد رائعة عن فصل الشتاء

Lyssandra يقول...

الله عليكي يا بسنت
بجد بجد فعلاً روح هادية جداً متصالحة مع ذاتك
لازم تكون كلماتك مريحه وجو مدونتك مطمئن

علي فكرة عجبني كتير نظام المدونة
ذوقك رائع

...

بقالي كتير مش جيت هنا
لكن ان شاء الله مش هانسي تاني العنوان :)

سلمتِ عزيزتي
كوني بخير

Lyssa

ســـــــهــــــــــر يقول...

رغم دفء مدونتك و استمتاعى الخاص بذكرياتك و افكارك و كلماتك و كلمات الغير عن الشتاء
الا اننى لا زلت احمل له فى قلبى ضغينة
اكره لمسة البرد ف الجسم و الروح بشده

لكن لكلماتئك فعل المدفئة فى ليل شتوى قارص
فلعلها فضيلة الشتاء الوحيدة

بسنت
وحشنى اقرالك

صفــــــاء يقول...

وبكدة نبقى اتفقنا 100 % على الشتاء
بروعته ولسعه بردةودفء شمسه

لذكريات الشتاء

تدوينه شتويه رائعه

خابت بك ظنوني يقول...

بلوج جميل
وموضوع أجمل عن الشتا
الشتا مع الناس اللي بنحبهم
ليه طعم مميزوإحساس رائع
لكن الشتا لواحدنا
برد ملوش نهاية!!!

!!! عارفة ... مش عارف ليه يقول...

جميل أوووي المود الشتوي ده

أكتر مكان حبيته في الشتا كان اسكندرية

والرباعية اللي اختارتيها للافتتاحية كمان جميلة اووووووي

كمان بيعجبني في الشتا الشياكة في اللبس

لانه علشان الواحد بيلبس أكتر من حاجة بالتالي بيكون في ألوان كتير والتناسق بينها بيكون حلو وووي وله تأثير جميل على النفس


بحب السينما في الشتا
بحب مهرجان القاهرة للسينما في الشتا
بحب معرض الكتاب لانه بيجي في الشتا
بحب السفر في الشتا

مش عارف حاسس أني رغيت كتير واحنا في الشتا

تحياتي لبوست الشتا

وليد

بسنت يقول...

محمد
البلوج منور بالمدونيين الطيبين زيك
سلمت دايما يا محمد

---------------------
ليساندرا
والله اتمنى ان يكون كلامك صحيح عن مدونتى البسيطه
واتمنى اكتر تواجدك هنا
شكرا لذوقك الكبير

----------------------
سهر
وانا واحشنى اكتر وجودك حقيقى
لانه بيفكرنى بحاجات حلوه كتير
والشتا يمكن بيبان قاسى بارد من بره
بس لما نتدفى كويس بيبان جميل وحنين اوى
مش عارفه الصراحه يا سهوره انا بشوفه من جوووا مش من بره
فصلى المفضل لازم اشكر فيه طبعا
ما تغبيش تانى
واعذرينى لتقصيرى معاكى مش فى عدم المتابعه بس فى عدم محاوله كتابه التعليق اكتر من مره-صفحتك دايما بتهنج معايا- وبتكرار غريب
سلمتى اغلى سهر

بسنت يقول...

صفاء
جميل ان نتفق فى اشياء كثيره
انا اكتسبت بيكى صديقه وجيره اتمنى ان تظل دائما
سلمتى دايما

---------------------------
خابت بكى ظنونك؟
صراحه انا مع حسن الظن الى ان يثبت العكس وعندها ارمى ورا ضهرى واكمل
عادى جدا

وبالنسبه للشتا فانا بشكره علشان خلانى اشوف زيارتك الجميله

واخيا لا تنتظرى من احد ان يدفئك حتى ولو بالذكريات بامكاننا ان ندفئ انفسنا حتى فى البرد القارس بالايمان بالله
انه ابدا لن يتركنا
سلمتى دائما

-------------------------
وليد
ازيك يا وليد
ايه الغيبه دى كلها
شوف انا كنت كاتبه جزء عن اللبس فى الشتا والصراحه مسحته
لانى كنت هكتب عن لبسى التقيل جدا فى الشتا يعنى قول مثلا 2 شراب
و3 بلوفر وبدى وجاكت وكل الالوان
وجوانتى وطرحتين بس يظل البنى هو الملك فى الشتا عندى
السينما احبها ايضا فى الشتا بس اديلى فتره ما دخت سينمات بس افضل اكتر انى اسمع الفيلم فى البيت فى هدوء

بس اكتر حاجه بحبها بعد مطر الشتا
الكتب اكيد وخاصه السفر لقاهره لمعرض الكتاب ودا هعمله بوست خاص ان شاء الله الشهر الجاى

عايزه اشوفك دايما
وسلمت