الأحد، 12 يوليو، 2009

على الجدار


تمشى بخطى سريعه فى الطريق
تلمحه بعينيها الكحيله حاده النظر
ولكن ضعيفه الذاكره البصريه
نفس الجدار الذى يمتد بطول طريقها اليومى للعمل الصباحى
تشد ظهرها المنحنى بضحكه خفيفه متذكره قول صديقتها الرياضيه
( ايوا كدا افردى ظهرك انتى لازمللك شيل حديد يفرد كتفك ويقويكى شويه)
تتطلع للجدار وتقرأ باقى اللوحات التى تشوه كل يوم واحده جديده منها جزء منه
( حافظوا على نظافه مدينتكم ) تتعجب لوضع هذا العنوان فى هذا المكان ووتذكر لوحه احبتها
أراها إياها - لوحه بطول حائط الفندق الذى افتتح حديثا فى  الجونه
عن الطبيعه والنيل الخالد فى اسوان مدينتهم المفضله
 تجد حول اللوحه الجديده التى وضعت من يوم تقريبا قلب مرسوم
برش سائل وسهم مخترقه ليعلن عن حرفين واسفلهم رقم موبايل لا تهتم بترتيب ارقامه
عكس اعتيادها لرؤيه اى رقم صدفه مكتوب على اى شئ
و تتعجب من حال هذا المراهق الذى قتل بهذا الفعل
لوحه لم يقرأها احد بعد على جدار اثرى مثل هذا فى مدينتهم
تلاحقها على بعد عشره اقدام لوحه ( التدخين ضار جدا بالصحه)
تبتسم بسخريه وتتذكر صدمتها بمعرفه انه من المدخنين
وان اول جمله قالتها عند معرفتها بذلك \ فاقد الشئ لا يعطيه\
ازاى هتنصح مرضاك بعدم التدخين وانت مدخن!!
فقال : تعرفى ان اكبر دكتور امراض صدريه فى مصر- مدخن
تبتلع الصدمه وتعرف ان النصيحه لن تجدى معه
تلبس نظاره الشمس لتتجنب باقى اللوحات على الجدار حتى لا يتعكر صفو يومها الذى لم يبدأ بعد
فتلاحقها اليافطه المضيئه بالوان فسفوريه فى النهار
على عمود النور الرئيسى عند نهايه الجدار وقرب تقاطع يفصل بين الشارع وجهه عملها
( صيدليه الشفاء ترحب بخدمتكم 24 ساعه)
تضع النظاره مره اخرى فى شنطتها الكبيره
هامسه لنفسها \ اليوم بان من أوله\
صيدليه الشفاء بالادويه المجانيه المغشوشه
والغلاف الذى وجدته عند صديقتها .. علبه فارغه... فسألتها
من الدكتور الذى اهداها العينه 
 ففاجأتها صديقتها بأنها من ضمن ادويه العظام الخاصه بوالدتها
التى اشترتها من صيدليه الشفاء المشهوره بالبلده
فتقول لصديقتها \ القسم ضاع\ والامانه انتهت\
غشاشين
تخف من سرعه السير وينحنى ظهرها مره اخرى لوضعه
الطبيعى فى السير وتعرف انها ما زالت تحب مدينتها
الاثريه بالرغم من ان ساكنيها لا يستحقوها

هناك 34 تعليقًا:

كاتب مصري يقول...

جميلة قوي
ماشاء الله بسيطة وسهلة وعجبتني
أسلوبك سلس ومناسب ورائع على فكرة يعني مشيت معيا في قرائتها بطريقة لذيذة قوي حاسس اني عاوز أرجع أقراها تاني وتالت بجد والله مش بجاملك أنا تخيلتها وهي ماشية ودخلت جوا دمغها وفكرت معها
حسيت كلامك قوي
بالنسبة ليا يعني أنا سعييييييييييد قوي ومبسوط اني قريت النص ده
تحياتي

صفــــــاء يقول...

حافظو على نظافه مدينتكم لوحه شكلها سئ على جدار هى نفسها اكبر تشويه ليه

ممنوع الوقوف على لوحه تانيه عملو تحتيها موقف عربيات

طريقه السرد ... وهى ماشيه حانيه ضهرها عشان متشوفش التشويه والقبح
ويأسها من التغيير وان الناس تعرف فعلا تحافظ على النظافه والنظام والأمانه
وانها ترجع تانى تحنى ضهرها
صورة جميله جدا يا دكتور

طوبة ذهب وطوبة فضة يقول...

هكذا الحياه دائما قد تعكر صفونا ولكن نظل نحبها ونتمسك بها ويكفى الامل بداخلها

kmt يقول...

السلام عليكم ورحمة الله وبركاته

لا تعليق غير
في النتظار القادم بشدة
لا تغيبي
>D=

تحياتي
الى اللقاء

بسنت صلاح الدين يقول...

لخصتى مأساه الشارع بكل بساطه ،جميله اوى

mohamed ghalia يقول...

طريقة سردك للموضوع هايلة بجد
والأسلوب رائع
تسلم إيدك بجد
ربنا يسعدك دايما

بسنت يقول...

كاتب مصرى
انا الاسعد بتشريفك هنا
وشكرا لذوقك ومجاملتك الكبيره
دمت بكل الخير

بسنت يقول...

صافى
مرورك هو الاجمل
الصوره دايما السيئه هى اللى بتطارد نظارتنا فى الشارع مش عارفه دى دعوه علشان نرجع للبيت ونترحم منه خالص
ولا علشان فعلا ما عدش فى ذوقيات فى اخلاق الزحام والتشوه الموجوده دلوقتى

دمتى بكل الخير

بسنت يقول...

دهب
نعم هى الحياه لا شك
دمتى بكل الخير

بسنت يقول...

كيميت
انتى بتغيبى اوى على فكره
انا بحب تعليقك بردوا
ان شاء الله تكونى بخير

بسنت يقول...

بسنت
الموظفات عموما دايما مشوارها صعب جدا
نورتى يا بوسى

بسنت يقول...

محمد
شكرا على ذوقك
واخبار النتيجه ايه ؟
ربنا يوفقك

الازهرى يقول...

فى مناقشة مع بعض اعضاء نقابة المحامين اثناء الانتخابات السابقة
كان كل فريق يؤيد مرشحا
ولكننى قلت لهم شيئا بسسيطا
انا لن انتخب محاميا لم يستطع ان يحافظ على مبنى انقابة وشوهه باعلانات الانتخاب
للاسف ضياع الضمير والجرى وراء السراب والوهم سبب وسيسبب الكثير من المشكل والمزيد من الانحدار

تحياتى دوما

رؤية يقول...

لحظة رائعة
اعجبنى اسلوبك
واعجبنى التناقض البادى فى القصة
تناقض تمخضت عنه الحياة المليئة بالاعجيب

تحياتى لك

نهــــــــــار يقول...

السلام عليكم.....
رائع ....
........
تشويه أي منظر محبب أو أي معلم من البلد هذه ظاهره موجوده بشده عندنا في العالم العربي للأسف...
...
ذكريات المكــان ...
أي كانت لها طعم خاص يستحق فرد الظهر لأجله..
......
القسم ضاع ...
الله المستعان..
دمتِ بخير

أسماء علي يقول...

أحب مدونتك و كلماتك لأنها تمنحني هوائا نقيا أتنفسه من نقاء ذاتك

بوست يُعد جزء من يومياتك لكنه جميل
دمتِ نقية

بسنت يقول...

الازهرى
دائما المبادئ بتتغير للوصول للسلطه دا شئ اصبح مفروغ منه حاليا الفلوس
كمان بقت هى اللى بتشترى الناس مش الناس اللى بتشترى بيها

ربنا يرحمنا من اللى جاى
دمت بخير

بسنت يقول...

رؤيه
هى الحياه بكل متناقضاتها تماما
اصبتى
ولكن يبقى حبنا لها بكل ما فيها
دمتى بخير

بسنت يقول...

نهار
عندك حق نحن فى العالم العربى نجيد فن افساد الذوق العام لجمال الاشياء
احيانا كثيره اظن ان الفوضى هى عالمنا
والنظام والنظافه فى خصام دائم معنا

ما تغبيش تانى
دمتى بخير

بسنت يقول...

سمسم
على فكره دى خاطره من اجواء افتراضيه فعلا
انا غير اللى كتبت عنها نهائى

انا مش ممكن اسكت على الغش الدوائى واختلاف الرأى ايضا لا اسكت فيه خاصه التدخين
احيانا بكون بتاعه مشاكل جدا
بحكم المهنه بقى

دمتى بخير

micheal يقول...

صورة جميلة مرسومة بكلمات رقيقة
تحياتي

تايه في وسط البلد يقول...

في بعض الأحيان أشعر بأن الحياة للمستقيمين غير مواتية في مثل هذا البلد ..ولا أدري ما يمكن ان يغير من هذا ولا اعتقد انه سيكون الجلوس في المنزل

وبالطبع فالصيدلي من حقه ان يبكي علي أخلاق مهنته ولكنه استيقظ متأخرا فالفساد فيروس لا يحده حد

أما أن لذوي الأخلاق أن يجتمعوا لحماية ثروتهم : الأخلاق

Hossam يقول...

حبيبة قلبى بسنت كالعادة موضوع اكمثر من رائع
وتعليقاتك التهكمية ساخرة بالنسبى لى نوعا ما
دائما تفاجئينى بموضوعات جميلة
تحياتى

shicooo يقول...

معرفش ليه حسيت انك مش عايشة فى البلد دى

أو أن لسة فيه ناس بتبص للأمور بمثالية.....
أسف على الدخلة دى

بس بجد البوست ده عجبنى وانا بلف لفتى اليومية فةى البلوجز
الكلام جميل والكتابة سريعة وتؤدى الغرض منها
i liked it

sherif anwar
alex

صدى الصمت - عاشقة الورد - يقول...

جميل قوى قوى البوست دة
أتمنى لكِ مزيداً من التقدم والتوفيق
تحياتى

احمد عبد السلام يقول...

طريقة سرد الخواطر التى تمر بنا

فى لحظات قليلة جاء ممتعا

ومحترفا جدا

واللة انى شعرت بنجيب محفوظ

ويوسف ادريس

تمنياتى بالتوفيق

اما عن مثالبنا فلتعرفى اننا شعب فريد

ويوما ما ستكون هى تراثنا


تقبلى تحياتى

بسنت يقول...

مايكل
شكرا على ذوقك وزيارتك الجميله
دمت بكل الخير

بسنت يقول...

تايه
كصيادله بنحاول ناخد ترخيص جمعيه فعلا تجمع
ذوى المبادئ على الاقل ننصح بطريقه اكتر عمليه الصيادله التانيين ونتجمع على مبادئ واحده
ودا الشئ الجيد اما الشئ المؤسف انها حتى الان ومن اكثر من 4 شهور بنحاول ولم نأخد الموافقه على انشاء الجمعيه دى مع العلم اننا لن نكلف اى حد اى حاجه فهى هتقوم بجهود الصيادله الذاتيه
بس هنقول ايه فى البلد دى اللى بتخاف من اى تجمع
ربنا يصلح حالنا جميعا
دمت بكل الخير

بسنت يقول...

حسام
اخويا الصغير الجميل
كويس انك شفت حاجه كويسه فى التعليقات
رافع معنوياتنا دايما يا حسام

دمت بكل الخير

بسنت يقول...

شريف
لا انا عايشه فلى البلد دى وفى اكتر مكان منسى على خريطه مصر - الصعيد اعنى -
ولكنى انظر للامور بشكل ليس مثالى ابدا بقدر ما هو متوسط - ابسط شئ وايسره
ولكن لازم نلاقى اللى بيعقده ويسد نافذتنا على الحياه
امثال منحرفين البلد دى
شكرا على زيارتك الكريمه
دودمت بكل الخير

بسنت يقول...

عاشقه الورد
انتى الاجمل كفايه اسمك اللى بيفكر الواحد بكل الورد ورائحته العطره
شكرا على ذوقك الكبير

دمتى بكل الخير

بسنت يقول...

احمد عبد السلام
مش عارفه انت اكيد قريت اللى انا كتبته؟
دى مجرد خاطره ومن اجواء افتراضيه انا بقابلها
الصراحه كلامك اكبر بكثير جدا جدا من كلماتى البسيطه
هقولك ايه
ربنا يخليك

دمت بكل الخير

اعتراف عاشقة يقول...

طريقة جميلة في سرد يومياتك بحيث تدخل للقلب دون إستئذان .. تمنياتي لكِ بالتوفيق

بسنت يقول...

عاشقه
شكرا لمرورك الكريم
دمتى بخير