الخميس، 9 يوليو 2009

وصلتك رساله


you've got mail الفيلم دا وترجمته بانه وصلتك رساله على الايميل
بطوله ميج ريان وتوم هانكس
باختصار احب ممثلين فعلا لي سمعت لهم افلام
من قبل وليها معنى واخيرا فى فيلم واحد
الفيلم قديم شويه بس للظروف دايما اسمع جزء منه ولا اكمله للنهايه
فعرفت اليوم انه هيتذاع فقلت لازم اسمعه من الاول
الايميل
كفكره للتواصل تعتبر جديده لحد ما فى مصر
ولكن لهواه المراسله قديما مثلى يعرفون معنى مراسله
البريد بالخطابات حول العالم والاظرف وقيمه الطوابع
وكروت التهنئه اللى استبدلت تماما فى الفيلم بالنت
والايميل ودلوقتى بالفيس بوك وكلها وسائل ممتازه ساعدت على
التقارب فى الافكار بين الناس فى كل الدنيا لو استخدمت بطريقه
صحيحه
متجر الزاويه
ان الواحد يكون ليه مشروع زى مكتبه ( متجر الزاويه)
فى حد ذاته حلم من احلامى
و انى اتحرك فى مكان كله كتب مختاراها كتاب كتاب
والاجمل ان يقرأه أخرين يفهموه ونتناقش فيه
وافتكر لمقوله بحبها جدا بتقول( لا يمكن للكتب الا أن تقربنا)
فعلا فى الفيلم كان فى روايه كبرياء وتحامل
bride&prejudice
للرائعه جين اوستن وكان من اسباب تقارب الافكار
بين البطلين وهى دعمت كثيرا مقولتى
الفيلم مليئ بالمقولات اللى عملت
رنين فى ذهنى
( يمكن لأول مره أجيد التعبير عن رأى الصريح)
احيانا كتيره لا نقول رأينا الصريح خوفا على مشاعر
الاخرين او خوفا من الضرر اللى هيلحق بنا لو كان مثلا
لشخص يرأسنا او نخافه او حتى نحبه ونصل لمرحله
الرضى التام لما نصل لمرحله الصراحه التامه بالتعبير
عن رأيينا
( جميل أن تعرف ما تريد)
فعلا اجمل شئ ان نعرف ما نريده بالضبط
بدون اى تجميل او نقص
فقط هدف محدد بيكون بدايه فعليه للطريق

( كنت قاسيه وهذا ليس من صفاتى )
دى جمله بقولها صراحه لكل من زعل منى
واللى ما زال زعلان على قسوتى لاى شئ
لانه احيانا كثيره تخوننا الكلمات الصحيحه
فى وقتها المناسب
( بعد 42 عاما نقفل ابوابنا- لقد احبننا أن نكون جزءا من حياتكم )
أد ايه المعنى دا اجمل شئ عجبنى بالفيلم
انك تكون جزء من حياه ناس تانيه
وتسعدهم بشئ بسيط ويكونوا هم حياتك بجزء
من وقتهم ومشاركتهم ليك

( dream& remember)
دى كانت كلمتين من اغنيه تترات الفيلم
وفعلا اتمنى ان اظل احلم
واتذكر كل من اسعدونى و شاركونى
جزء من احلامى
اخيرا احب اقول ان النهارده كان يوم جميل
من بدايته وانتهى اجمل بسماعى للفيلم
انا فعلا ممتنه لكل شئ النهارده

هناك 14 تعليقًا:

mohamed ghalia يقول...

المهم إنك اسمتعتى بيومك
ربنا يسعدك دايما

ahmed_k يقول...

طي أي كلي في كذا وضوع وداخل الوضوعات
في ثنايا البوست وهذا أعتبره ذكاء منك
لأنك بهذا الشكل تستشفين مدى القراءه للبوست من أوله لأخره هههههه ماشي حآخذها نقطه نقطه
أولا انا مش متابع جيد للسينما الأجنبيه وأسماء الممثلين فلن أفيد في رأي حول الفيلم
وبخصوص الإيميل هو بالفعل تقنيه حديثه سهلت الكثير في طرق التواصل بين الأفراد ولكن للخطاب البريدي متعة خاصه فقدناها اليوم أنا كنت من هواة المراسلات ومازلت أحتفظ بكم كبير من الرسائل البريديه وعلى العكس لم أحتفظ بأي رساله إليكترونيه أو smsإلا الحديث منها لأن الرساله البريديه كانت تحمل ميزة التواصل عن قرب فلأن الرساله كتبها مرسلها بيده وعطرها بعطره وهي نفسها التي بيدي الآن فللأمر شعور آخر تماما أيييييييييييه أيام
وبخصوص مكتب الزاويه حلم جميل بس مع الوقت يصبح باعثا للملل فأنا أحب الأماكن الواسعه ولا أطيق الجدران حتى ولو كنت وسط كتبي
bride&prejudice هذه القصه كانت تقريبا مقررا علينا في الثانويه العامه لو لم تخني الذاكره في منهج اللغه الإنجليزيه
(يمكن لأول مره أجيد التعبير عن رأى الصريح) ففي بعض الأحيان يصبح السكوت من ذهب ولربما هو الذكاء بعينه لكن بدون إذلال للشخص أو أخذ حق من حقوقه

(جميل أن تعرف ما تريد)طبعا جميل

( كنت قاسيه وهذا ليس من صفاتى )
بتقوليها لكل من زعل منك ليه هما اللي زعلوا منك كتير ؟؟

dream& remember فعلا ما أجمل ان نظل نحلم ونتذكر ولكن الطيبات فقط

وكل ده يا بسنت كان في الفيلم الظاهر انه طويل اوي

وأسعد الله أيامك دوما
في أمان الله

رؤية يقول...

جميل ان تكونى ممتنة ومستمتعة بيومك
والاجمل ان تستفيدى من بعض ومضات ذلك اليوم


دمتى طيبة


تحياتى

ديالا يقول...

كويس انك انبسطي ياقمر

كان نفسي اوي اعيش ايام الجوبات بقي والبريد والحاجات الحلوه دي
بس نعمل ايه بقي؟

تقبلي مروري

بسنت يقول...

محمد غاليا
الحمد لله كان يوم جميل
بس للاسف فات
دمت بكل الخير

بسنت يقول...

احمد زكى
الصراحه ما كان فى ترتيب معين للبوست اصلا هو كان يوم جميل وحبيت اتكلم عنه
بمناسبه الفيلم

السينما الاجنبيه فيها كتير مفيد وافلام لو سمعتها هتترك اثر كبير لانها بمثابه كتاب بتقراه صوت وصوره

اذن انت ايضا كنت من هواه المراسله
بس خلاص راحت فايدتها فعلا بظهور النت
وبقت حاجه قديمه

الاماكن المفتوحه شئ جميل طبعا
بس المكتبه اعتقد انها ناجحه اكتر لما تكون محكومه المكان بس مش شرط ضيقه زى متجر الزاويه نقول خليها واسعه جدا زى الفوكس بوكس ( ودى كانت المكتبه الجدده المنافسه لمتجر الزاويه بالفيلم طبعا)
لا اعتقد ان فى حد زعلان منى انا بهزر
الصراحه لان اختلاف وجهات النظر لا يصل للزعل ( انا بتكلم فى الواقع عن اصدقائى )
هو كان فيلم جميل الصراحه حتى لو طويل
شكرا على تعليقك الجميل
ودمت بكل الخير

بسنت يقول...

رؤيه
جميل اوى ومضات اليوم
عجبتنى الجمله دى جدا
احسنتى الوصف
دمتى بكل الخير

بسنت يقول...

ديالا
اولا نورتى المدونه
ثانيا الجوابات موجوده والمراسله موجوده بردوا
بس هى بقت موضه قديمه بدخول النت
بس كانت فيها شئ كبير من المصداقيه تمام زى ما قال اخونا - احمد زكى -
مختلف نهائى عن الوضع حاليا

مش عارفه انتى ما لحقتهوش ليه اكيد دخلتى النت بدرى جدا

دمتى بكل الخير

ahmed_k يقول...

الرسائل لم تكن بالنسبة لي هوايه بقدر ما كانت وسيلة تواصل
فأنا كنت أعيش خارج مصر وكانت هي وسيلتي للتواصل مع أهلي وأصدقائي وفي الإجازات كانت وسيلتي للتواصل مع أصدقائي في الكويت وهكذا بدأت وأنتهت قصة ساعي البريد معي
وفي الختام شكرا لساعي البريد

بسنت صلاح الدين يقول...

الفيلم ده جميل اوى اوى و انا بحبه جدا لأنى حسيت ان شخصيه البنت قريبه منى بخاف اجرح حد حتى لو هو بيجرحنى،ورغم انها اتشجعت بس احساس صعب ان تكون سبب فى تعاسه حد ،الفيلم مؤثر اوى زوقك رائع

بسنت يقول...

احمد زكى
كنت بكتبها مع الشكر لساعى البريد
المراسله كانت هوايه جميله اتعرفت منها على صديقات كانوا اخوات فعلا من محافظات تانيه فى مصر بس انتهت بانشغالى الشديد بالدراسه فى الكليه
بس كانت ذكريات فعلا جميله
نورت مره تانيه
ودمت بخير

بسنت يقول...

بسنت الصغيره
انتى اللى كلك ذوق فعلا
معلش مقصره معاكى
والفيلم فعلا كان جميل
دمتى بخير

صفــــــاء يقول...

جميل أنك لقيتى يوم جميل
والأجمل انك تسعدى بيه وتعلنى عنه

ميج رايان وتوم هانكس من أجمل الثنائيات من وصلتك رساله و جو ضد البركان وأرق فى سياتل
أخترتى صح وكمان عرفتى تعبرى صح

بسنت يقول...

صفاء
كل يوم حلو بجد بنقابل فيه ناس تحبنا بجد بردوا ونعمل فيه حاجه جميله يوم من الذكرى ولا يتنسى سواء كتبته او لا

ما تغبيش
دمتى بخير