الخميس، 11 يونيو 2009

هناك بعيدا


نطرتك فى الصيف نطرتك فى الشتا
ليس للربيع مكان فى حياتها فهى خريفيه الهوى
والتصرفات تتأرجح بين الشتا والصيف
وما بينهما من حب السفر وكره مواصلاته وحب البحر
وكره ثورته موجاته وبين حب طريقه حديثه
وكره كلماته وبين حب الهدوء وكره وحدته
هكذا ما بين حب الشئ وكره جزيئاته
والموقف واختيارت الوصول اليه
تكون
بتكتب اسمى على رمل الطريق
تجمع فى قلبها صندوق من العملات الصعبه
والمتناقضه الغاليه على نفسها
وكل وقت يمر فى طريقها تضطر للتخلص
من احدهم لتستمر ولا تخسر باقى العملات
التى هى مواقف واشخاص واشياء اهتزت
لها وغيرت ولمست شئ بداخلها
وتظل العمله التى عليها الدور فى الطريق
هى الاهم لانها تعنى ان جزء منها سيتركها
وتعيش بدونه
ولكن تصبر نفسها أن الصندوق لم يفرغ بعد
ما أوسع الغابه وما أصغر الدمعه
تقابل الصحبه بروح الأخوه الصادقه فلا تنغمس فيها
ولا تظل على سطحها كعابر سبيل
ولكن كل مره تخذلها وتخرج من صحبه البشر
بجرح يذكرها بوسع الغابه
وصغر الدمعه
آخر أيامى الصيفيه
يصيبها حر الصيف بتلف وليس مجرد انهيار
بأعصابها ولا تستطيع تمثيل العكس
فى جو يشحن كل انفعالاتها ويخرج منها أخرى لا تعرفها
وتفكر بكل المهدئات وتحلم بعاصفه الثلج التى
ستلفها يوما ما بعيدا عن كل صيف ستقابله
لو فينا نهرب ونطير مع ها الورق الطاير
لو بيدها أن لا تكبر اكثر
لو بيدها أن تفهم أقل
لو بيدها أن لا تتعلق بأحد مره أخرى
لو بيدها أن لا تحزن لفراق أحد
لو بيدها أن تبكى ولا تكابر
لو بيدها أن تهرب هناك بعيدا

هناك 60 تعليقًا:

حكاية لا تنتهي يقول...

تجعبني تلك الخواطر الصغيره وان كنت احببت اكثر الاولي لاني اؤمن اننا بالفعل ارض المتناقضات البشر وحدهم يعشقون التناقض وان كنت انا احب ثورة البحر وغضبه لانني مع امواجه العاتيه القي احزاني ولحظات غضبي فيضرب بها الموج عرض الشاطئ ومع انحسار الموجه تهدا نفسي تماما كسطح البحر

اعجبني كثير فكرة صندوق الذكريات والحاجه الي التخلي عن ذكري من اجل اخري ولكن انت تعرف ان الذكريات هي الشئ الوحيد الذي يبقي والشئ الوحيد الذي يجبرك الزمن علي التمسك به وكلما مر يوم صرت اكثر تمسك بها اعرف ان المقصود ليس الذكريات المقصود البشر والمواقف ذاتها ولكن حتي تلك يبقي منها ذكري وخذيها مني حكمه ان شئت ما تمكن من حفظ ذكري عنه يبقي مها كانت الظروف

الفكره جديده وبسيطه

بسنت يقول...

يمكن فى التناقض نعرف الفرق بين الجميل والسئ او المفرح والمحزن
انا معاك ان التناقض ليه جماله بردوا
----------
البحر
تعرف لان فيه عمق شديد وموجات عاليه ثائره
اخافه اكثر مما احبه
اراه غدار لحد ما
بس فكره هدوء النفس مع رؤيه دا اكيد
لان الميه نفسها بتسحب منا الشحنات السلبه فى نظرى
---------------------
الذكريات موجوده
بس احيان كتيره بننسى اشياء منها
باسقاطنا ليها من ذاكرتنا
وبعدنا عمن كانت لهم وبيهم الذكريات دى
--------------
سعدت جدا بالزياره والتحليل الجميل
دمت بكل الخير

احمد عبد السلام يقول...

بجد اعجبتنى تللك الكلمات
فى الاول حسبتها تحليل لكلمات فيروز
لكن عرفت انها لشخصية اخرى
اوممكن تكون للذات
القسوة فى صندوق العملات
والاحلا مع الورق الطاير والحنين للماضى
لمن يشعر بان حياتة تنسحب منة
تقبلى مرورى

hager za3bal يقول...

لو فينا نهرب ونطير مع ها الورق الطاير
لو بيدها أن لا تكبر اكثر
لو بيدها أن تفهم أقل
لو بيدها أن لا تتعلق بأحد مره أخرى
لو بيدها أن لا تحزن لفراق أحد
لو بيدها أن تبكى ولا تكابر
لو بيدها أن تهرب هناك بعيدا

الله عليكي يا بسنت
بجد دي والاولي اكتر حاجه عجبتني في البوست
لاننا فعلا كده..

بوست في غاية الروعه لدرجة انني مش عارفه اعلق اقول ايه عليه..

واضح ان الصيف بيخرج من جواكي ابداعات جميله كتير.. استمري ومستنيه جديدك ..:)

تحياتي

aidy يقول...

بسنت عجبتنى لكماتك اوووووى

خصوصا انى بحب فيرووووووووووووز جدا

بجد خواطرك وكلماتك جميلة بتعبر عن شخصية مبدعة عن حق

تحياتى ليكى

ولهذه الكلمات التى اعجبتنى ,,

الست فرويد يقول...

حلوة قوى يا بسنت
كلها احساس وعمق وافكار جميلة

ارق تحياتى لكى
ودمتى فى منتهى الابداع

kmt يقول...

السلام عليكم ورحمة الله وبركاته

بسنت
وحشتني بجد

عاجباني الخاطرة كده زي ما هيا
ومش عايزة افكر بين السطور

قريبه مني كمان كلمات كتير منها

لكن في الاخر هيا تقدر
بس لو هيا فعلا عايزة تقدر

تحياتي
الى اللقاء

بسنت صلاح الدين يقول...

كلماتك رائعه عجبتنى اوى ما اوسع الغابه و مااصغر الدمعه

انا ودماغي يقول...

لو فينا نهرب ونطير مع ها الورق الطاير
لو بيدها أن لا تكبر اكثر
لو بيدها أن تفهم أقل
لو بيدها أن لا تتعلق بأحد مره أخرى
لو بيدها أن لا تحزن لفراق أحد
لو بيدها أن تبكى ولا تكابر
لو بيدها أن تهرب هناك بعيدا

وقفت فترة قدام الكلام ده

خواطر تحفة

micheal يقول...

خواطر هايلة هايلة هايلة
أحييكي

صيدلانيه طالعه نازله يقول...

اللللللللللللله
كلامك يا بسنت جميل قوى و بينقلنى لعالم تانى
اسلوبك حلو و جمله القصيره احلى
بصراحه انا بحب اجى عندك اما اكون رايقه عشان افهم الكلام صح
ربنا يخليكى لينا و يخلى كلامك الحلو

صفــــــاء يقول...

اغانى فيروز الجميله
كل اغنيه صنعتى منها خاطرة قصيرة لكن جميله
حكت قصه قصيرة وشرحت حاله نفسيه مختلفه
جميله بجد
أجدتى يا دكتور
تحياتى لك

ســـــــهــــــــــر يقول...

لو بيدها ان تفهم اقل
,,,,,,,,,,,,,,,,,,,,,,,,,

آفتنا الحسيه اننا نفهم اكثر






بلا مبالغه
ما حسيتش بانك شخص تانى بيتكلم
حسيت ف كتير فقرات قرب

ســمـــر احمد يقول...

هناك من

نثر الكلام على سجيّته ليدخل في الحكاية

أو يضيء لمن سيأتي بعده

أثراً غنائياً... وحدسا

محمود درويش

---
بسبوسة

الله عليكى !!

ايمان عادل يقول...

اخت بسنت اعجبتنى كتيرا خواطرك وكلماتك , تحياتى لكى .

صدى الصمت - عاشقة الورد - يقول...

ميل جداً الربط بين كلمات أغانى فيروز الرائعة الخالدة وكلماتك وخواطرك الرائعة أيضاً
تحياتى

لحظة تأمل يقول...

احببتها كثيرا :)

تحياتى

Hossam يقول...

صديقتى بسنت
بجد الموضوع جلو اوى
بتعرضى المواقف بطريقة حلوة اوى
وتشبيهك الاشخاص بالعملات بجد حسسنى اد ايه ان فعلا الناس عملات منهم المهم ومنهم النادر ومنهم المنقضى
تحياتى للموضوع دصيقتى العزيزة واعتبر هذا الموضوع اضافة خاصة لكى
تحياتى

بسنت يقول...

أحمد عبد السلام
شكرا لمرورك الكريم
بس لى ملاحظه
-----------------------
لمن يشعر بان حياتة تنسحب منة
------------------------
فكره عناوين اغنيات فيروز لانها قريبه جدا من المعانى اللى ذكرتها بطريقه او بأخرى ولم اقصد الصراحه اعلان تشاؤم او انسحاب من الياه فقط هى كانت خاطره لا اكثر
------------------------
دمت بكل الخير

بسنت يقول...

الجميله هاجر
فينك من زمان
بيسعدنى جدا تعليقك يا هاجر
والصراحه الصيف فعلا بيخلى اعصابى تتلف
ومش بتبدع ولا حاجه بالعكس انا اتمنى انه ينتهى بدون خسائر
نورتى وخلينى اشوفك دايما
دمتى بكل الخير

بسنت يقول...

ايدى
شكرا على مجاملتك الكبيره اوى دى

دمتى بكل الخير

بسنت يقول...

فرويده
اجمل تحيه ليكى انتى
لانك المبدعه فعلا
سلمتى دايما

بسنت يقول...

كيميت
ربنا يخليكى
وانا بفتقد تواجدى عندك بردوا الصراحه وتواجدك هنا بس هى الحياه ومشاغلها

وبالنسبه انها تقدر هى تقدر ان شاء الله
دمتى طيبه الاسمك والروح

بسنت يقول...

بسنت الصغيره
نورتى يا بوسى وشكرا على تواجدك
وسلمتى دايما

alshared يقول...

لملمت ذكري لقاء الأمس بالهدب
وجئت أحضنها بالخافق التعب

............
كان الوداع أبتسامات محملة
بالدمع حينا وبالتذكار أحيانا

............
فيروز
ولا تعليق

تايه في وسط البلد يقول...

تنويعات جميلة علي قماشة فيروز القطيفة

تهانئي بحسك الرقيق

ahmed_k يقول...

تلك تفسيرات لجمل أغلبها من أغنيات فيروز
لكن عجبني جدا واللي فكرت فيه كتير
حب الشيئ وكره بعض مكوناته
كحب البحر وكره غدره وثورانه
ومنها مثلا حب الجبال وكره وعورتها وما في جحورها وكهوفها من كائنات
وكحب الحبيب وكره غضبته وثورته

فعلا الحياه طلاسم وتشابك بين المتناقضات

دمتي بكل خير

بسنت يقول...

أنا ودماغى
اولا نورتى المدونه
ومعذره للتأخير
واحب اشوفك تقفى هنا دايما

بسنت يقول...

مايكل
شكرا لزيارتك الكريمه
ودمت طيب

بسنت يقول...

الصيدلانيه زميله الدرب
وانا بسعد اكتر والله بزيارتك
ربنا يخليكى

بسنت يقول...

صافى
انتى عارفه فيروز دى صوتها ملائكى
طبيعى هو نفسه بيدعو للكتابه مش بس الكلمات

دمتى بكل الخير

بسنت يقول...

سهوره
طبعا احيانا بيكون التغابى وقثله الفهم
نعمه علشان نعيش مرتاحين البال

وانا حسيت بقرب بردوا بزيارتك الجميله
اللى فعلا بستناها

دمتى ارق سهر

بسنت يقول...

سموره
هى الصراحه حاجه جميله اوى انتى وسهوره ورا بعض
الواحد مبسوط بجد
ومبسوطه اكتر بكلمات محمود درويش
لان ساحر الكلمه فعلا

دمتى بكل الخير اجمل سمر

بسنت يقول...

ايمان
نورتى المدونه
ودمتى بكل الخير

بسنت يقول...

عاشقه الورد
شكرا على زيارتك الرقيقه
دمتى طيبه

بسنت يقول...

لحظه تأمل
دمتى بكل الخير

بسنت يقول...

حسام
اخويا الصغير المجتهد
الناس فعلا عملات فى الحديد وفى الدهب وفى الورق
المهم نعرف نفرق
دمتى بكل الخير

بسنت يقول...

محمود
ان شالله تكون وفقت فى الامتحانات
وانت عارف فيروز فعلا لا تحتاج لتعليق
هى بس كانت خاطره صيفيه
دمت بكل الخير

بسنت يقول...

تايه
شكرا على زيارتك الجميله
دمت بكل الخير

بسنت يقول...

احمد زكى
فى مقوله جميله بتقول ان الحياه طلاسم مفسره
او اختيارات مشفره
هى تناقضات باختصار والمطلوب ان تعايشها بكل ما فيها

دمت بكل الخير

mohamed ghalia يقول...

تيه كل الغياب ده
فى إنتظارك دوما

بسنت يقول...

شكرا يا محمد
سعدت جدا بزيارتك
وان شالله تكون وفقت فى الامتحانات

Hossam يقول...

صديقتىلا الجميلة
اريد ان اقرا موضوع جديد
تحياتى لكى

بسنت يقول...

ماشى يا حسام ربنا يسهل
الصراحه لا جديد يحضرنى الايام دى

شكرا على سؤاللك الطيب
اخى الصغير الجميل

احساس لسه حى يقول...

عزيزتى

جميلة الخواطر كالهواء تعطى نسمة تخفف حرارة الجو

لاكنها تخفف حرارة القلب

اظن ليس للجو تاثير ولا للصيف تاثير على انفعالتنا الحسية

فالحرارة يتحكم فيها الحبيب

وهو من يحدد لكى فى اى فصل تعيشين وبيه تختنقين او تتمتعين

لابد ان تبكى

فالبكاء نعمة مريحة

تحياتى

سلام

نبراس العتمة يقول...

ابداع جميل

جعلني أعيد النظر في مسألة الخزاطر
فأمام استسهالها من طرف الكل. تؤكد خزاطرك أن ليس كل ما لا يسمى شعر فهو خاطرة..

من هذا المنطلق قد تكون الخاطرة بسلاستها وصراحتها وبساطتها كما هي هنا أروع من القصيد

أحرفك الملتهبة ذكرتني بأحلام مستغانمي
مودتي

عايش... ولكن !!!! يقول...

جميله جدا يا بسنت
بالزات دى
لو بيدها أن لا تتعلق بأحد مره أخرى
لو بيدها أن لا تحزن لفراق أحد
لو بيدها أن تبكى ولا تكابر
لو بيدها أن تهرب هناك بعيدا

واحساسها رائع
دمتى بكل الود

المهاجر يقول...

بسنت الوسطية هى المنشودة ولكن الوصول إليها صعب كدخول الربيع رغم أنه جميل وبديع ولكن لا بد من أن يئثر تغير الجو فكذلك كل شئ فى حياتنا سواء ذكريات او مشاعر أو غيرها
تقبلى مرورى

ليكوريكا يقول...

من وحى انهيار الصيف


عجبني ال label اوي :)


والموضوع برضو جميل جدا ...

تسلم ايدك .

معتز شاهين - باحث تربوي يقول...

كلام مؤثر وأشعر فعلا بأنه خارج من القلب

ويحتاج إلى الكثير من الفهم والتحليل

مدونة رائعة

ويبقى التواصل

Dr.A.S. black armor يقول...

اولا احيكى على مقاطع فيروز المختارة لاننى من عشاقها
ثانيا كان الربط بين العناوين الصغيرة والمضمون رائعا اعطى للخواطر طابعا حالما وجعلها حمالة للكثير من المعانى
دمتى مبدعة

بسنت يقول...

احساس لسه حى
انا اختلف معك فالجو والفصل فعلا يغير فى
الاعصاب والتحمل خاصه الصيف
بالرغم من كونه فصل السفر والانطلاق الا انه فصل الضيق والانفعال
شكرا على زيارتك الكريمه
ودمت بكل الخير

بسنت يقول...

نبراس العتمه
شكرا لكلامك الكبيرا جداعلى الخاطره البسيطه والمجامله الكبيره ايضا
هى فقط خواطر لا غير
فانا لا اجيد الشعر بمنتهى الصراحه
واحلام مستغانمى هى ساحره الكلمات اتمنى ان اصل فى التعبير لجمله من كلماتها
شكرا لزيارتك الكريمه
ودمت بكل الخير

بسنت يقول...

عايش
شكرا على زيارتك الكريمه
وعلى التعليق
ودمت بكل الخير

بسنت يقول...

المهاجر
اوافقك ان الوسطيه هى الشئ المنشود
ولكنها غير متاحه الاختيار
زى حاله الجو او الفصل
احيانا ارى الوسطيه شئ من الرفاهيه
لا نستطيع الوصول اليه بالرغم
من مطالبتنا له كمبدأ
شكرا لزيارتك الكريمه
ودمت طيب

بسنت يقول...

محمد ليكوريكا
ان شالله تكون وفقت فى الامتحانات
وامنياتى بالنجاح
هو فعلا كان انهيار الصيف
لان الجو هنا فى الصعيد حره لا يحتمل
دمت طيب

بسنت يقول...

معتز شاهين
شكرا لزيارتك الكريمه
ومجاملتك الكبيره
ودمت طيب

بسنت يقول...

دكتور AS
فيروز صوت ملائكى فعلا وكلماتها كما اعتقد هى اللى ادت لكلماتى المعنى

شكرا لزيارتك الكريمه
ودمت طيب

السامر يقول...

بوست رآئع ,, وأدبيات نآدرة ... تقبل مروري

بسنت يقول...

السامر
شكرا على مروروك الكريم
دمت بخير