الأحد، 17 مايو 2009

انتصارات صغيره


لما قريت العنوان دا لمقال ليلى الراعى لفت نظرى جدا وقلت فى
نفسى أد ايه فعلا كل حاجه
حلوه بجد بتكون صغيره سواء انتصارات
او ذكريات
وذكرت ليلى الانتصارات الصغيره فى حياتها وفى
تفاصيلها اليوميه البسيطه فعلا
انا العنوان خلانى فعلا ابحث
عن انتصاراتى الصغيره
والبسيطه واللى بتسعدنى بجد كل ما
اعملها او افتكرها
ابدأها بالنيل اللى حبى له فاق الحد فعلا فأنا
امس الجمعه كنت فى رحله نيليه بمعديه
صغيره اما الغريب
انها ضمن الشغل
والخاص بالمرور المسائى المضاف لعملى
كمفتشه ( الموضوع دا عملاله يوميات ان شاء
الله هبقى
اقولها فى المدونه هنا بس لما ربنا يريد )

المهم شكل النيل البسيط الجميل ضاف لنفسى هدوء وأقدر
اقول غسل هموم اسبوع كامل وانا مطحونه فى الشغل

الانتصار التانى هى كتب معرض الكتاب السنه دى اللى انتهيت
من مجموعه كبيره منها هقول ان الاجمل فيها واللى
اثر فى
بجد هما اللى كتبت مقولاتهم فى مدونتى التانيه واللى بقى

عاده انى كل يوم انظرللباقى فى المكتبه نظره محبه قبل ما انام
واقول امتى اقرى دا كله؟

الانتصار التالت هو فى حاجه بسيطه
انى قدرت لما اخرج
كل يوم من اليبت للشغل ارسم بسمه
بسيطه على وجهى مُذكره نفسى
ان الناس ملهاش ذنب
علشان تشوفنى عبوسه
من اول اليوم بجانب البسمه شئ
بيدفع ان اليوم هيكون جميل وصدقه
ان شاء الله

انتصار صغير كمان بقى وجدته فى شربى للكابتشينو اللى اكتشفت
انه اجمل من الشيكولاته ودا كان اكتشاف خطير
بالنسبه
لواحده تعشق حاجه اسمها شيكولاته


اكيد فى انتصارات بسيطه جدا تانيه فى حياتى
بتدينى قوه
جميله زى رؤيه صديقه من فتره ما شفتها
وكمان زياره
لاخرى او حتى مكالمه تأتينى من تالته
كانت معى بالشغل
او الدراسه انقطعت الاتصال بنا من زمن
بس

الانتصار الاخير هو رجوعى لبيتى الغالى واسرتى
الحبيبه
وغرفتى اهدى مكان فى كونى


الصراحه اكتشفت وانا بكتب التدوين دا
ان لسه فى
انتصارات تانيه كتير
اهمها انى لسه عندى امل فى
الله وايمان بقدره لى
فى كل شئ الحمد لله

هناك 54 تعليقًا:

romansy يقول...

الله عليكى لما ترسمى البسمه كل يوم على وشك
الله عليكى لما يكون جوانا امل كل يوم وكل ثانيه من حياتنا اكيد لما يكون الخير جوانا بنحس اننا نفسنا عزيزه وبنقدر نحقق اشياء كتيره

بسنت يقول...

دى انتصارات صغيره جدا
على الحياه ولنفسنا يا احمد
شكرا لزيارتك الكريمه
دمت بخير

عمرو (مواطن مصرى) يقول...

دكتورة بسنت

أشكرك لزيارتك فى مدونتى البسيطة..
وأرجو أن تتاح لى فرصة لقراءة مجمل كتاباتك..
وعذرا لتأخرى فى زيارتك..

بالنسبة للتدوينة
فتأمل الأشياء الصغيرة يفضى لأفكار كبيرة..
كما أن تكامل تلك الأمور فى النهاية يحقق شيئا أكبر على المدى الواسع وربما اكتمل بواسطته شعورا مفتقدا.. فليس من الضرورى أن تكون كل سعادة هى نتاج لفعل كبير واضح أو ذات تأثير جَلى مباشر..

وبشكل عام ليس دائما مايسعدنا هو ما يكون من موجبات السعادة فى عيون الآخرين..
وهى أشياء على بساطتها تكون محلا للرضا الداخلى والاستقرار النفسى, ودافعا قويا للاستمرار فى الحياة إذا ماتجهمت لنا..

وفقك الله وأدام عليكِ السعادة
تحياتى..

بسنت صلاح الدين يقول...

تصدققى فعلا ده ممكن يدينا امل فى يوم جديد سعيد، و كمان يعوضنا عن الانتصارات الكبيره اللى مش مكتوبالنا، انا كمان هابدأادور على انتصاراتى الصغيره

رؤية يقول...

جميل اننا نعدد انتصاراتنا والجميل فى حياتنا
والاجمل صدقة البسمة على الوجه

زادك الله تقدما

تحياتى

Appy يقول...

ما ده بيحصل لما بنبص للنص المليان من الكوبايه مش الفاضى

صيدلانيه طالعه نازله يقول...

جميل قوى ان الانسان تبقى عنده انتصارات لانها فى الاصل بتبقى تحديات بتواجه الانسان و اول ما بيحققهاغ بيحس انه انتصر حتى لو كان انتصار صغير
بوست جميل و كلام اجمل و اجمل ما فيه الابتسامه اللى بتشع منه

رحــــيـل يقول...

تعرفى انا من شويه صغيرين جالى ميل جميل جدا من انسانه جميله جدا رغم انى معرفهاش بس بتسأل عليا وبتطمن

عرفت من كلامك حالا انه فعلا انتصار صغير ان فى ناس جميله كده

انا كمان هروح اشوف باقى انتصاراتى الصغيره

شكرا لكلامك لانه لمسنى قوى

صفــــــاء يقول...

أيه الهدوء والرقه والرومانسيه دى كلها
ربنا يسعد ايامك ويرسم البسمه على وشك دايما
ويقدرك انك تقرأى باقى كتب المكتبه
ولا يحرمك من أوضتك
مش عارفه ليه كلنا بنحب اوضنا اوى كدة ليه

تحياتى وسلامى لك

MOHAMMED ELBANNA يقول...

بسنت
موضوع جميل ، وفعلاً كل واحد فينا لو بحث في تاريخة هيلاقي انتصارات كتيرة قوي هو كان ناسيها .
احيكي على البوست وعلى المدونه المتميزة .
تقبلي تحياتي ومروري .
محمـد
طريق النجاح
ــــــــــ
اتمنى تشرفيني بالزيارة على مدونتي
( طريق النجاح)
http://tareekelnagah.blogspot.com/

Amany يقول...

عمر الانسان لا يقاس بعدد السنين ولكن يقاس بعدد هذه الانتصارات الصغيرة التى تصاحبنا طول عمرنا والتى لولاها ماكان لنا معنى ولا اهمية
ويبقى الانسان فى الدنيا كما الغريب الذى جاء ورحل بدون شعور الناس بيه
مدونة جميلة وموضوع اجمل
وفقك الله

بسنت يقول...

عمرو
انا الاسعد بالتعرف على مدونتك الجميله فعلا
وفعلا ليس كل ما نراه جميلا فى عين الاخرين كذلك
انا بشوف المهم هو ما يسعدنا نحن مهما كان بسيط وصغير

شكرا لزيارتك الكريمه
دمت بكل الخير

بسنت يقول...

بسنت الجميله
ربنا كبير جدا ودايما بيعوضنا خير
المهم اننا نشوفه كدا
نورتى المدونه فعلا
ودمتى بكل الخير

طوبة ذهب وطوبة فضة يقول...

الله على كل دى انتصارات ربنا يزيدك واكيد لو كل واحد منا دور جواه وشاف الجزء الايجابى الابيض جواه هيلاقى انتصارات عظيمه ربنا يكرمك يا جميله

بسنت يقول...

رؤيه
ربنا يخليكى
شكرا على مرورك الجميل

بسنت يقول...

آبى
كلامك صح طبعا
نسميها نظره تفاؤل ورضا

دمتى بخير

بسنت يقول...

الصيدلانيه الجميله
هى كدا تحديات ليا ويمكن تبان انتصارات صغيره
بس فعلا المهم نظرتنا للشئ
مش نظره الاخرين ليه
نورتى المدونه

بسنت يقول...

رحيل
وشكرا على تعليقك لانه ادانى دفعه جميله
هى فعلا لفتات صغيره بس بتأثر فينا كتير
دمتى بخير

بسنت يقول...

صفاء
بنحب غرفتنا لانها اكتر مكان شخصى نكون فيه على راحتنا ونفسنا كما هى تماما
مش مضطرين نعمل اى حاجه علشان الناس
واكتر مكان هادر فعلا تقدرى حتى تكلمى نفسك

نورتى يا صفاء
دمتى بكل الخير

بسنت يقول...

محمد البنا
شكرا على زيارتك الكريمه
حياتنا مش كلها احزان كبيره
او افراح كبيره
فيها الصغير المؤثر والاجمل

دمت بكل الخير

بسنت يقول...

امانى
شكرا على زيارتك الجميله
وفعلا يمكن نظرتنا للاشياء بتخلف عن الاخرين
بس اكيد فى ناس كتير بردوا بيشعروا بينا فقط نبحث عنهم زى ما بنبحث عن انتصاراتنا الصغيره
دمتى بكل الخير

بسنت يقول...

دهب
هى كدا فعلا ايجابيات لما بندور عليها بتظهر لنا وسط كل السلبيات
اللى بتكون مغطياها دايما

دمتى بكل الخير

نهــــــــــار يقول...

السلام عليكم....
جميل ان نتذكر إنتصاراتنا الصغيره ...
بالنسبه لنا (لأن البعض يراها كبيره)
من خلالها نشحن أنفسنا بطاقات تساعدنا على إنتصارات أكبر...
......
دمتِ سعيده..

Hossam يقول...

الموضوع جميل اوى وكلة كوم واخر 3 جميل كوم تانى
بجد ربنا يكرمك ويديكى على اد نيتك
تحياتى صديقتى
سلام

بسنت يقول...

نهار
نعم هى قد تكون كبيره فى اعين الاخرين
وقد يكون العكس
بس عجبنى اوى تعبير نشحن بيها نفسنا
هى كدا فعلا اعاده شحن لطاقات وامنيات وامال كمان
دمتى بكل الخير

بسنت يقول...

حسام
وكل التحيه ليك اخويا الصغير
وكل امنياتى بالنجاح والتفوق ان شاء الله فى امتحاناتك
دمت بكل الخير

السامر يقول...

ورائع وجميل ونتطلع الى جديدكـ

ســـــــهــــــــــر يقول...

الجميل ف النتصارات الصغيره انك ممكن تحطيها جنب بعض و تحسى انك عامله انتصارات كتيره
اجملها الابتسامه
و احسنها الايمان
و كل ما فى اوسطهم رائع

ربنا يسعدك و يديم انتصاراتك

hamada يقول...

يفتح باب بيت المدونين ذراعيه لكل الموهبين في :
1/ القصة القصيرة
2/ الشعر بشتى أنواعه
3/ الرواية "رواية سنوية سنقوم بنشرها في الجريدة"
4/ المقال الصحفي
إذا وجدت في نفسك القدرة على المشاركة أرجوا التواصل معي على الميل التالي
arabicsabah@yahoo.com
إذا وجدت في نفسك القدرة على الإبداع شارك فى جروبنا على الفيس بوك وتفاعل معنا
http://www.facebook.com
/topic.php?topic=8466&post=47811&uid=78080770039#/group.php?gid=78080770039

حكاية لا تنتهي يقول...

الانتصارا الصغيره هي المفتاح الي الانتصار الاكبر
ليس معني ان الانتصار صغير انه ليس عظيما

ســمـــر احمد يقول...

ورده للورده اللى كتبت التدوينة
ومرسى لانك اهديتينى بسمة م القلب يا بسبوسة
محبة

الست فرويد يقول...

ونعم بالله
احتفظنا بالامل هو اعظم انتصار للحاضر
تحياتى لكى

تايه في وسط البلد يقول...

نعم نعم

حق علينا بالفعل ان نلاحظ مثل هذه الانتصارات الصغيرة لكي تتجمع كظلال وردية تقينا اليأس والكأبة

وماذا علينا لو ابتسمنا دوما وقلنا الحمد لله دوما ورأينا الخير دوما وسعينا اليه

هايل يا بسنت

note: if the "word verification" is very important to get a comment?i

بسنت يقول...

السامر
شكرا لزيارتك الكريمه
ودمت طيب

بسنت يقول...

سهر
ربنا يخليكى
الواحد بيقول كدا حتى لو انتصارات صغيره
اهى على بعض تعمل انتصار واحد كبير
سلمتى دايما

!!! عارفة ... مش عارف ليه يقول...

اعتقد إن النظرة بهذه الكيفية هي مدعاه لإتقان فن الحياة

وكم نحتاج لإتقان هذا الفن كي نستطيع التحايل على كل منغصات الحياة حتى يكون هناك رغبة في إنتظار الغد

وموضوعك هذا هو ما جعل كل من قرأه يبجث في داخله عن إنتصاراته الصغيرة

شكراً جزيلاً

وليد

soly88 يقول...

انت لسه انسانه نقيه
مشفتيش حاجه من الدنيا

بسنت يقول...

hamada
شكرا جزيلا على الدعوه الكريمه

بسنت يقول...

حكايه لا تنتهى
بدايه اشكرك على زيارتك الكريمه
والانتصارات زى ما قلت تختلف فى نظرتنا
ليها بس يكفى رضانا الداخلى عنها مهما كانت صغيره
دمت بكل الخير

بسنت يقول...

سموره
ارق بسمه بترسميها انتى بكلماتك المشجعه
ما عندكيش فكره انا بحب اشوفك هنا اد ايه
ما تغيبى

بسنت يقول...

الست فرويد
نورتى طبعا المدونه
وبعتذر عن تأخرى فى زيارتك
مشاكل فى الكمبيوتر
والامل يمكن الحاجه اللى فعلا بتدينا
الرضا عن الانتصار الصغير انه يوما يصير كبير
دمتى بكل الخير

بسنت يقول...

اللى مش تايه فى وسط البلد
شكرا على التشجيع الجميل دا
واللى هينوب علينا بالحمد الدائم
هو الراحه النفسيه مهما كانت الحياه
بتدينا قليل
الرضا نعمه من ربنا فعلا

وبالنسبه لتأكيد الحروف عند التعليق
الحقيقه ما اعرف ازاى الغيها
هى موجوده من عمر المدونه

بسنت يقول...

وليد
فن الحياه
الكلمه دى جميله فعلا
لان الواحد ساعات فعلا بيقفد التواصل فى فهم معنى واستمرار الحياه
وكل العوامل مع بعض بتوصله للفهم والتعايش
من انتصار صغير لقناعه لامل لرضا
خلطه منهم تعمل حياه ليها معنى باختصار

دمت بكل الخير

بسنت يقول...

سولى
الصراحه تعليقك حيرنى جدا
لانى اعتقد انى شفت كتير جدا
ولو اكتر من كدا يبقى صعب بجد
حاجه كمان
مدونتك محيره اكثر على فكره
بس بشكرك على زيارتك الكريمه
دمت بكل الخير

أحساس لسه حى...كلام من جوه روح لكل روح يقول...

عزيزتى

ما لما متكنش فيه انتصارات كبيرة

لازم ندور على اى انتصارات صغيرة تفرحنا

ما الفرحة بقيت غريبه وبعيدة

جميلة انتصاراتك الصغيرة

تحياتى

سلام

أسماء علي يقول...

و يظل الانتصار الرائع هو الرضا بهدوء و قناعة
و دوما كما أراكِ .. نقية ..

دمتِ نقية يا عزيزتي ..

Jannah يقول...

أهم انتصار و أكبر انتصار في حياتي اني حواسي صارت تشتغل بشكل ممتاز

الست فرويد يقول...

ربنا يجعل ايامك كلها انتصارات يا بسنت يارب :)

بوست جميل ومدونتك كلها راقيه ورقيقه

اسعدتنى جدا زيارتك

ارق تحياتى لكى

انا حرة يقول...

دايما هى الانتصارات الصغيرة اللى بتدى معنى و احساس اكبر بكتير من حجمها
كنت كاتبة موضوع زمان عن اشيائى الصغير واهم اكتشاف عرفته انها عمرها ما كانت ولا هتكون صغيرة :)

بسنت يقول...

احساس لسه حى
بدايه شكرا على زيارتك الكريمه
عندك حق اوى الفرحه او الانتصار بقى شئ غريب
وصعب
والحاجلت القليله بقت هى فرحتنا

دمت طيب

بسنت يقول...

اسماء
اخيرا ظهرتى
دمتى انتى صادقه
وبكل الخير

بسنت يقول...

جنا
نورتى المدونه
وجميل ان الواحد يكتشف انتصار شئ بداخله وينميه للاحسن
دمتى طيبه

بسنت يقول...

فرويده
انا الاسعد بالتعرف على مدونتك
ونورتى مره تانيه

بسنت يقول...

انا حره
نورتى المدونه
ان شاء هشوف اشياءك الصغيره
دمتى طيبه