الاثنين، 27 أبريل 2009

اماكن-- ولكن



جاءت الرياح بما لا تشتهى السفن
واضطرت انى ادخل اللى كانت كليتى فى يوم من زمان
وقطعت كل ما يخصنى بها منذ
تخرجت حتى لما احتجت
انى استخرج شهاده التخرج كنت بستخرج
من النسخه
المؤقته صوره طبق الاصل حتى جاءت رياح الدراسات
العليا
والتقديم ولابد من بطاقه الدرجات الكليه فقلت لصديقتى
( اد ايه المشوار
دا تقيل على قلبى ) الغريب انى لما اصبحت
بداخل مبنى الكليه
استغربت جدا من نفسى اللى كانت تكره
وبلا نقاش الكليه
اعترف انى الآن حياده المشاعر لهذه
الكليه التى كرهتها على مدار اربع
سنوات لانى فى اول
سنه دخلتها بكامل قوالى العقليه والطموحيه
ولكن الآن
نظرتى لها مختلفه
تعجبت من أمر الانسان وتغير قلبه

لم احب يوما الرجوع لشئ تركته
ولكن تأتى الفرصه بعد انتقالى فى عملى الجديد
بامكانيه الرجوع لمكان عملى القديم وبالترقيه ذاتها
لا انكر انى فكرت كثيرا جدا لانى لا احب الندم بجانب
التجربه الجديده كانت ممتازه يكفى بها تعرفت
على
اصدقاء صاروا اخواتى بالفعل
الامر انى مستصعبه
جدا الرجوع للمكان القديم
القريب من بيتى والاسهل
فى كل شئ
وترك مكان وجدت راحه نفسيه كبيره فيه

اماكن فى القلب
لما قريت (مخيله الامكنه) لخليل النعيمى انبهرت من
وصفه للاماكن
وتعلقه بروحها وكذلك تعجبت من
وصف سوداويه ( اسطنبول ) لاورهان باموق

ولكن تبقى لكل واحد معتقداته وهى انى لم اصل
بعد للاماكن القابعه
بداخلى والتى احبها فى الواقع
ويبقى دايما المكان امامى خاليا فارغا وبلا قلب

هناك 40 تعليقًا:

صيدلانيه طالعه نازله يقول...

كتير قوى الانسان بيبقى كاره اماكن لاسباب معينه و بمجرد زوال السبب بيبتدى يبص للاماكن دى بحياديه زى ما بتقولى و يفكر و يبحث عن اسباب تحببه فى المكان و ده بيحصل معايا كتير

mohamed ghalia يقول...

ممكن يكون المكان مرتبط بزكريات تخلى الإنسان يكره المكان ده وممكن العكس
بس رغم ده تبقى الذكريات
دمتِ فى سعادة

ahmed_k يقول...

هو الإنسان دايما بيشعر بالحنين للماضي
ولكل ما له به صله
فتلك الأماكن جزئ من ماضيكي
لذلك تشعرين تجاهه بنوع من الألفه والود
أنا بشعر بكده فعلا لما أشوف ولو من بعيد
مكان كان لي فيه ذكرى يوما ما

رؤية يقول...

صدقينى يعلق بالذاكرة رائحة وشخصية تلك الاماكن وكانها انسان...
تمر الايام وبمجرد ان تكونى بمثل المكان واو به بذاته تتدفق الذكريات..
ربما لا تتذكرى الان لكنها بداخلك فابحثى عنها...

تحياتى لك

ســـــــهــــــــــر يقول...

الاماكن ما شاءت لنا الذاكره ان نخط فى صفحة الايام
على جدران الوهم
و فوق عتبات الخيال
و الشاهد الممتنع عن الشهاده
لان صوت الجدران صمت

الاماكن
الغائب المفعم بالحضور
و سلسلة لا متناهية
و سرابات
خرائط لا توصل لطريق
و حريق بلا دخان

الاماكن
صفحة الكلمات الموصوله بلا انقطاع
ما قيل و ما لا يقال
ابتسامة الامس على وجه اليوم الحزين
صخب يملا الروح بلا كلمات
الاماكن
غيامات من اللازورد و الاقحوان
و ريشة فنان
خط ذكراه على لوحة جداريه مفعمة الالوان
الاماكن
تاريخ من لا يجيد التدوين
و سفر الى مدن الحنين ... و الانين
و اسرار لا تفصح عنها الجدران
--------------------------

و كتير اوى لو حبينا نقول عن الاماكن و ذاكرة الاماكن
حتى هروبك من مبنى الكليه القديمه دليل على ذاكرة مكان
و لو دورتى شويه هتلاقى جواكى اماكن كتير ليها ذكرى ( بغض النظر عن نوعها )

حلو اوى البوست ده
خلانا نكشنا ف الحته المجنونه اللى جوانا
طب عارفه فكرتينى بايه كمان ( ان العطر ليه ذاكره و الرائحه بصفه عامه كمان )

بستان الرقه
مبروك الترقيه و يا رب كل الاماكن لا تعلق بها الا ذكرى رائعه

صفــــــاء يقول...

نفهم من كدة ان فيه ترقيه
الف الف مبروك عليها

واحنا فعلا بنرتبط عاطفيا ونفسيا بالاماكن اللى اتعودنا عليها وحبيناها
واوقات بنرفض نغيرها حتى لو بمكان أفضل
سواء فى الشغل او السكن
نفس الشئ بالنسبه للناس اللى حبيناهم واشتغلنا معاهم

ربنا يوفقك فى شغلك الجديد وفى تقدم مستمر ان شاء الله يا دكتور

نهــــــــــار يقول...

السلام عليكم.....
عزيزتي ....
أتمنى لكِ التوفيق ...
......
بالنسبه لي لا شيئ أفضل من الراحه النفسيه ...
...
دمتِ بخير

romansy يقول...

النفس البشريه جواها حاجات كتيره قوى
بس المهم اننا ندور على اللى جوانا ندور باخلاص وصدق
الانسان منا مش بينسى الاماكن اللى زارها ولا اللى سكن فيه لحظه من عمره
فيه جوانا حاجات جميله بس ندور

ليكوريكا يقول...

يف اماكن بنرتبط بيها عشان احساس حسيناه فيها

وفي اماكن بنحبها عشان الناس اللي عرفناهم فيها

وفي اماكن بنروحها عشان بنبقي لوحدنا فيها

وفي اماكن بنهرب ليها


وفي اماكن بنهرب منها

واماكن ذكرياتها هيا اللي باقيالنا

واماكن تانيه حتي ذكرياتها مش قادرين نفتكرها

اتمنالك التوفيق في حياتك كلها

وفي الاماكن اللي بتحبيها :)

MaNoO يقول...

احنا الأماكن بتفضل جوانا فعلا كلها والوائح والمواقف ولكن حسب شخصياتنا فى مننا اللى بيكره المكان لانه مرتبط بحاجة وحشة وفى مننا اللى بيحبه لانه مرتبط حاجة حلوة وفى ناس بتكره الماضى بكل مافيه حلو او وحش مش بتحب تبص وراها حتى لو كانت الذكرى حلوة
وتبقى علاقتنا بالأماكن هى علاقتنا بذاتنا أولا

بسنت صلاح الدين يقول...

كل مكان بيبقى ليه ذكريات حلوه و وحشه بس تصدقى ساعات بعد مايمر وقت الواحد بيشتاق برضه لكل الأماكن بالكويس و الوحش اللى فيها،و نقعد نفتكر و نضحك على ايام مرت كنا فاكرين انها نهايه الدنيا بالنسبالنا، مدونتك جميله فعلا اول زياره ليا و ان شاء الله اتابعك دايما و خصوصا ان اسمنا واحد

صدى الصمت يقول...

ذكريات المكان غالباً بتكون نابعة من ذكريات الأشخاص ال كانوا معاكى فى نفس المكان ولما بنفتكر مكان بنفتكرة زى ماهوه من غير تغيير ولو رحنا ولقيناه إتغير بنحس إنه خلاص مش هوه ال جوانا ولينا فيه ذكريات
تحياتى

عاشقة الورد

تايه في وسط البلد يقول...

مش عارف

كل الناس كتبت بفلسفة جامدة عن الموضوع ولم يبق لي كلام

عموما أرجو ألا تستسلمي للنظرة الجامدة ..وحيدة الزاوية متوحدة الادراك ..مثلما كان المكان شاهداً علي مأساة يمكن ان يكون شاهدا علي الثبات في وجه المأساة ويصبح نصب تذكاري للصمود بعدما كان حائطا للمبكي!

تحياتي

!!! عارفة ... مش عارف ليه يقول...

يقول الفيلسوف اليوناني هرقليطس " إنك لا تستطيع أن تنزل النهر مرتين لأن مياه جديدة ستغمرك باستمرار"

الإنسان بطبعة متغير وهذا أمر طبيعي ومنطقي
--------

تحياتي لقرائتك المتميزة وبالموجز الذي تقدميه لنا بين الحين والآخر


تحياتي
وليد

بسنت يقول...

الصيدلانيه الجميله
عندك حق انا فعلا ما كنت بحب المكان بسبب من فيه من دكاتره لطلاب حتى الموظفين ولما رحت الكليه لاقيت كل حاجه اتغيرت فنظرتى بقت احسن

دمتى بكل الخير

بسنت يقول...

محمد غاليا
بتبقى الذكريات لما بتكون حلوه غير كدا احسن حاجه اننا ننساها

دمتى طيب

بسنت يقول...

احمد زكى
الواحد لما يتكلم عن مكان متهيألى الافضل ان يكون ليه ذكرى كويسه بيه
علشان يشعر بألفه فيه
غير كدا بيبقى غريب مهما عاش فى المكان دا
دمت طيب

بسنت يقول...

رؤيه
الواحد لا يبحث عن الذكريات الجميله
هى اللى بتفرض نفسها على الذاكره لو ليها فعلا قيمه

دمتى بكل الخير

بسنت يقول...

سهر
ايه الكلام الجميل اوى دا
دا ينفع بوست لوحده
ادايه معناه وصلنى فعلا يا سهر

فعلا ربما اللى يجمعنا بشويه الجدران الحنين والذكريات

انا اتمنى فعلا انى الاقى مدن كامله مش اماكن بس تعلق بيها روحى ونفسى مش ذكريات وبس

واكيد فى اماكن فى حياتى
بس انا هنا اتكلمت عن مكانين ليهم الاثر الاحدث حاليا

شكرا كتير ليكى يا اغلى سهر

بسنت يقول...

صفاء
ربنا يخليكى يا صفاء بس الترقيه انا خدتها فعلا بس بعيد عن مكان شغلى القديم ودا من شهر 8 اللى فات

شكرا على دعواتك الجميله

دمتى اجمل جاره

بسنت يقول...

نهار
عندك حق فعلا الراحه النفسيه اهم شئ
بس التعب والجهد العضلى لازم نفكر فيه بردوا

دمتى بكل الخير

بسنت يقول...

احمد الرومانسى
الواحد لما بيدور بيلاقى كتير
بس زى ما قلت فى التعلقات اللى فاتت انا كنت بتكلم عن مكانين جت الصدف
انها حدثين مؤثرين فى حياتى حديثا

وندور تانى يمكن نفتكر حاجات حلوه فيهم بردوا

دمت طيب

بسنت يقول...

محمد ليكوريكا

انت حللت الموضوع كله
بطريقه جميله
شكرا ليك
ودمت طيب

بسنت يقول...

مانو
نورت المدونه

شوف ساعات الاماكن ما بنكون مرتبطين بيها بذكريات سعيده ولا تعيسه بل هى مثل الهواء
نعبره ويعبرنا بلا وجود وكأننا لم نمر بيها
يعنى ما علمت فينا فتركت شئ سئ لا اسم له

دمت بخير

بسنت يقول...

بسنت
نورتى المدونه
وانا الاسعد بيكى
بس بسنت دا اسم عروستى واسمى المفضل على النت وليس باسمى الحقيقى

وعندك حق جدا فى كلامك ساعات بناخد الذكريات بقوه وبعدين تتضح انها لا شئ
ونضحك بجد على الايام اللى فاتت فيها
وانا فى انتظارك دايما
دمتى بكل الخير

بسنت يقول...

عاشقه الورد
طبعا ذكرى المكان بالاشخاص اللى كانوا فيه بس ساعات زى ما قلت قبل كدا بردوا ان المكان ساعات مش بتنأثر بالاشخاص اللى فيه ونعبره كأننا لم نكن فيه لا علمنا فيه ولا علم فينا
دا الاصعب ودا اللى كنت اقصده
مكان بذكرى سيئه لانه بلا ذاكره
فارغ باختصار


دمتى بكل الخير

بسنت يقول...

اللى مش تايه فى وسط البلد

طبعا الصمود امام ذكريات المكان اللى بلا ذكريات وفارغ تماما بتكون قويه بارادتنا
تعرف نفسى فعلا تيجى الفرصه دى بالدراسات العليا
ربنا يسهل

دمت طيب

بسنت يقول...

وليد
يقول الفيلسوف اليوناني هرقليطس " إنك لا تستطيع أن تنزل النهر مرتين لأن مياه جديدة ستغمرك باستمرار"

---------------------------
تعرف انا عكس الفيلسوف دا
يا ريت فعلا لما ننزل النهر نلاقى مياه جديده وتغمرنا باستمرار ولا نغرق فيها دا المهم ولكن تجدد نشاطنا ونخرج منها بفكر جديد وذكريات جديده

وشكرا لذوقك
دمت طيب

الازهرى يقول...

ذاكرة المكان
تنشأ بداخلنا من ارتباطنا به
ولكنها احيانا تختفى ليظهر بدلا منها كراهيتنا له لا سباب معينة ولكن ما ان تنتهى تلك الاسباب ولا يبقى الا ذكرياتنا فيه حتى تظهر من جديد

تحياتى دوما

طوبة ذهب وطوبة فضة يقول...

عارفه انا عملت ذيك كدا فى الاول وما رضتش اروح اجيب ورقى لكن بعدها بجد وحشتنى ووحشنى اصحابى اللى ما بقتش بشوفهم وكل ايامى الجميله معاهم والله اوقات الواحد ما بيحسش بقيمه حاجات كتير غير متاخر اوى تسلم ايدك

Hossam يقول...

سلام عليكم
البوست حلو اوى وخفيف جدا
عجبنى اوى مقطع اماكن فى القلب
بس حسك كارها اوى كليتك وعلاقتهك بيها مكنتش حلوة
اتمنى نكون اصدقاء
سلام

بسنت يقول...

الازهرى
تفسيرك منطقى جدا
بس الفكره انه بعد مرور فتره من عدم الذهاب للمكان وبعيد عن زوال الذكريات
النظره نفسها بتتغير علشان احنا كمان بنتغير

دمت بكل الخير

بسنت يقول...

دهب
الموضوع انى لم اتمتع بفتره الكليه لم احاول حتى عمل جروب جميل مثل صديقات طفولتى اللى مازالوا معى باختصار فقدت كثير فيها ولم تتواجد بها اى ذكريات

دمتى بكل الخير

بسنت يقول...

حسام
هى باختصار لا علاقه يا حسام
كره لانها بلا حب
دمت بكل الخير

رحــــيـل يقول...

انا شايفه ان احساسنا بالاماكن بيرجع للناس اصلا اللى كانو معانا فيها المكان بروح الذكريات والمشاعر

انا لما بروح الجامعه وكليتى رغم انى عكسك كنت بعشق المكان ده بحس انه الوقتى من غير روح رغم جماله لان الشئ الجميل اللى كان بيربطنى خلاص ملوش اثر

رجعتينى لاماكن كتير وذكريات بحبها
:)

بسنت يقول...

اكيد المكان بنفوس اصحابه زى ما بيقولوا
بس ساعات بردوا بنرتبط بالمكان بجدرانه
بالايام اللى قعدناها وقضيناها فيه بصرف النظر مع مين

هى وجهه نظر تانيه اللى كنت بقصدها هنا

دمتى بكل الخير

هانى سعيد يقول...

المكان لوحده استحاله يكون بيعبر عن شىء لكن الذكريات اللى كانت والاحداث اللى حصلت والناس اللى كانو موجودين فى المكان هما اللى بيخلو جوانا شعور بحب او بكره للمكان ولكن فعلا كفاية ان يكون فى ذكريات عشان انسان بلا ذكريات بيبقى انسان اجوف لان الفرح بعد يوم بيقى ذكريات والحزن بعد يوم بيبقى ذكريات والحياة نفسها مجموعة ذكريات والانسان اللى مالوش ذكريات مش ممكن يبقى عايش وانتى عندك ذكريات بس جزينة شوية عشان كدة انتى رافضة المكان دا او مش عايزة ترجعى تبصى عليه تانى عشان ماتفتكريش حاجة بتالمك او بتجرحك لكن استحاله انك تهربى من الواقع
تحياتى

بسنت يقول...

هانى
بدايه شكرا على زيارتك الكريمه
بس هنا لم اكن اهرب من ذكريات مؤلمه
يمكن المعنى اتفهم مش زى ما كنت قاصده
هنا مكان بلا ذكريات
يعنى عكس المتوقع
فكرهته لانه لم تكن به ذكريات حسنه كما كنت اريد دا هو باختصار

بس بردوا فى تغير فى الرأى وضحته فى الاخر
ان مش كل ما نعتقده صح بيكون لا ممكن نغير رأينا لما احنا نتغير كمان

دمت طيب

هانى سعيد يقول...

ان مش كل ما نعتقده صح بيكون لا ممكن نغير رأينا لما احنا نتغير كمان

كلام صعب بجد تفتكرى احنا لما نتغير بنتغير ازاى وليه اصلا بنتغير وبارادتنا ولا غصب عننا؟ وهنكسب ولا بنخسر لما بنتغير
حاجات كتير الواحد لازم يفكر فيها لان المصير دايما بيكون محتوم باللى نخاف منه
دمتى بخير بس بلاش والنبى تاكيد كتابة الحروف بعد كتابة التعليق لانى بكره الموضوع دا قوى
هههههههههه
تحياتى

بسنت يقول...

هانى
مرحبا مره تانيه
شوف بالنسبه لموضوع الحروف وتأكيدها الصراحه انا مش عارفه الغيه ازاى

بالنسبه للتغير احنا فعلا بنتغير لاننا باختصار بنكبر وبنفهم الحاجات بمنظور تانى ويمكن بنراجع تقديرنا ليها ولمواقفنا منها والتغير دا اعتقد انه بجزء ارادى منا علشان نكون احسن
وبجزء لا ارادى بحكم الحياه اللى بتفرض علينا اشياء وناس لازم نتعايش معاها والا هنكون كالغريب والمختلف بشكل متنافر
دمت بكل الخير