السبت، 7 فبراير 2009

مرآه


تسكن غرفتى منذ سنوات

قابعه فى ركن ملحوظ حيث يحيطها فرع شجر برتقالى اللون

لا يمت بصله لكل الوان الغرفه الغير متساويه اللون

هناك تظهر مشعه لتخلخل اشعه الشمس

الذهبيه مباشره اليها

هناك كانت مرآتى

قررت وبدون مناسبه أن اغيرها

أن احركها من مكانها لتصبح وسط الغرفه

لتكف عن استمداد الضوء من الشمس

ومن الضوء الموفر الجديد الذى وضعته كمصباح فوق سريرى مباشره

كانت عصيه معى اليوم لم تريد ان تتحرك

لكم احببتها تلك المرآه

دائما ترينى فقط ما اريد رؤيته منى

وتحجب عن عينى كل شئ آخر

غريب أمرها اليوم

هل هى ايضا تحب مكانها القديم مثلى

ام انها كرامه التنازل وعدم التغير لسنوات

قاومت تغير مزاجى وارادتى لتغيرها لمكان جديد

فى غرفتى وحياتى -- لتغيرنا معا

لم تعد مرآتى تلك اللوحه الزجاجيه الامعه التى تسكن

ركن غرفتى كما اريد

لم تعد هى

واليوم فقط بعد تحريكها قررت ألا تعد

بعد مرآتى
وتركتنى لتستقر كما اريد فى وسط الغرفه

ولكن قطع صغيره لا معنى لها

سوى انها بقايا مرآه

كنت أحبها

هناك 37 تعليقًا:

romansy يقول...

ستبقى المراه تحبك طوال العمر وتتذكر كل يوم قضيته معاكى وانتى تنظرين اليها ولكنها رفضت انتعيش بدون النظر اليها
لان فى مكانها القديم ستنظرين اليها دائما

الازهرى يقول...

دائما ترينى فقط ما اريد رؤيته منى
وتحجب عن عينى كل شئ آخر

اذا فلا تحزنى عليها فقد كانت تكذبك ولا تخبرك الحقيقة بل تخبرك بما تريدين فقط
انها كمرآة الساحرة التى تكذبها وتنافقها خوفا منها

فلا تحزنى عليها واستقبلى الجديد بالحقيقة دون خداع

ســـــــهــــــــــر يقول...

هى اعمار و اقدار غاليتى حتى و ان انصب حديثنا عن ما يلقب بالجماد ( تصنيفا ) و نسكب عليه ادميه و خصوصيه ( ناتج عشره و انسانيتنا الخاصه او انعكاسات صورنا الداخليه)

بسنت
ابتهجى فما يذهب يعوضنا الله عنه

وحشتينى يا بستان الرقه

hager za3bal يقول...

المرايه دي كانت بتخدعك يا بسنت
وانتي كنتي عارفه كدا بس كنتي بتقاوحي بجد
عشان كدا قررتي تغيريها..
عقلك الباطن هو اللي الهمك بكدا..

وطووول ما هي خداعه يبقي تستاهل..

عارفه
ربنا هيعوضك عنها.. ربنا كبير اوي يا بسنت..

بجد بوست جميل اوي
بجد اوي البوستات اللي بيبقي فيها كلام بين السطور مش مجرد كلام سطحي وخلاص..

دمتي مبدعه

تحياتي

kemet يقول...

السلام عليكم ورحمة الله وبركاته

يمكن يبان الموضوع حزين
عمل جوايا اسقاط رائع

صقفه كبيرة ليكي بجد يابسنت

تحياتي
الى اللقاء

بسنت يقول...

احمد الرومانسى
تعرف انها فى مكانها الجديد كانت مميزه بردوا
بس يظهر ان حتى الحاجات بتتعود على وضع معين وكأنه ابدى لا تتحمل اى تغير

دمت طيب دايما

اسماء واحلام فى وجدانى يقول...

الجماد يشعر


حقيقة





احمد

بسنت يقول...

الازهرى
للقديم دايما ذكرياته
والمرآه فعلا بتورينا ما نريد رؤيته بعنينا

والجديد جميل ايضا لاننا ربما فى اختيارها نتلافها ضعف القديم

دمت بخير

بسنت يقول...

سهر
وانتى والله وحشتينى فعلا
واكتر قلمك الجميل

(ابتهجى فما يذهب يعوضنا الله عنه )
انا كدا فعلا ان شاء الله
ربنا يكرمك يا غاليه

بسنت يقول...

هاجر
انا كنت عايزه بس اغيرها
اغير وضعها فى غرفتى
وحياتى
بس مش دايما اللى عايزينه بيحصل
ومن ناحيه الخداع احنا اللى بندى الفرصه للاشياء انها تخدعنا
يمكن علشان طيبتنا
ويمكن علشان حاجات كتيره
بس المهم انا انكسرت
وجارى البحث عن واحده تستحمل تحريكى ليها
دمتى طيبه اوى

بسنت يقول...

KEMET
تصدقى انا نفسى اعرف معنى اسمك دا
بس دايما بتنورى هنا لما بتيجى
وبتدينى دفعه كبيره
ربنا يوفقك

بسنت يقول...

احمد
نورت المدونه
دمت طيب

mohamed ghalia يقول...

كم هى رائعة كلماتك
اشكرك على زيارتك الكريمة
دمتى بكل الود

ahmed_k يقول...

متقلقيش عليها
هي مع الوقت ستعتاد مرقدها الجديد
وستعلم أن التغيير سنة الحياه
وستعود كما كانت معكي في موقعها القديم

kemet يقول...

السلام عليكم ورحمة الله وبركاته

بسنت
بجد زعلتيني
يعني انتي عمرك ما دخلتي على البروفايل
بتاعي
عموما ولا يهمك
كيمت
تعني الارض السوداء وهي احدي الاسماء الفرعونيه لمصر

تحياتي
الى اللقاء

نهــــــــــار يقول...

السلام عليكم ...
إزيك يا بسنت أخبارك إيه...
.....
ليس للمرآة دخل في كل مامضى ...
ليست هي من تغيرت أو غيرت...
عزيزتي إنكي أنتي من تغيرتي ..
فلاتقلقي ...
التغير دوما شيئ في صالح المرأ ...
سواء للأفضل أم الأسوأ..
يجب أن نعيش كل الحالات ..
....
دمتي بخير..

برنامج اذاعى يقول...

دعوه
الأخت العزيزه
تحيه طيبه
ندعوك للمشاركه فى برنامجنا الأذاعى عن النت والمدونات من الأذاعه الرئيسيه لمصر اى اذاعة البرنامج العام وهو يذاع يوميا التاسعه وعشر دقائق صباحا عدا الجمعه وبموقعنا رابط بالضغط عليه والأتنتظار قليلا وقت أذاعة البرنامج يمكنك الأستماع الينا
ندعوك لزيارة مدونتنا والتعليق على ما نطرحه من موضوعات وهذه التعليقات تذاع باسماء اصحابها فى حلقات برنامجنا
المدونه
http://netonradio.blogspot.com
الموقع
http://dear.to/cairo

طوبة ذهب وطوبة فضة يقول...

هكذا الحياه كل الذكريات تصبح بقايا اما ان نلقيها او نظل نحتفظ بها كفتات فى اعماقنا فكره حلوه اوى

سلسبيل يقول...

بعض الاشياء تفضل التواجد في عالمنا كما تريد هي وليس كما نريد نحن
نتذمر
نشكر
نثور
نحاول تغييرها,, تتغير نعم
لكنها ابدا لن تعود كما كانت
او قد تختفي الي الابد عندما لا تجد مفرا من عنادنا
وقتها فقط ندرك حجم خسارتنا
وقتها فقط ندرك ان الحياة لا تسير دوما وفق احلامنا

بسنت
خاطرتك عجبتني جدا,,ليها جانب فلسفي وصلتيه بطريقه جميله
تحية عطرة ليكي ولمدونتك الكريمة

رابطة هويتي اسلامية يقول...

الحجاب حقيقة ثابتة أم مجال للتفكير

من باب تناول جميع الأراء وفتح باب النقاش كان لابد أن نتبني في رابطتنا هذا النقاش الذي سوف يجعل من النقاش مرجع للجميع للوصول إلي الحقيقة التي يعرفها البعض وتخفي علي البعض ويحاول البعض تجنبها.
ومن هنا تبنت الرابطة أن تكون هي حجة علي من يدور بينهم النقاش علي صفحاتها.
نفجر الجديد دائما حوارنا اليوم
الحجاب حقيقة ثابتة أم مجال للتفكير
وفيها ننقاش بعض المدونات التي أعلنتها صراحة رفضها للحجاب وحوارنا اليوم موجه إلي مدونة " مذكرات ثائرة ".
ندعوكم للمشاركة في هذا الحوار المفيد
تقبلوا دعوتنا ننتظركم لنستفاد منكم
رابطة هويتي إسلامية

mohamed ghalia يقول...

http://www.nazratolife.blogspot.com/
تابعى أول نظرة لينا على مدونة نظرة
فى إنتظارك

الرابطة وبناء الأمة يقول...

السلام عليكم ورحمة الله وبركاته
دعوة
أخي يا من رفضت سياسة مبارك عليك أن تكمل معنا الطريق حتي لا تكون دعواك دعوة إفتراء دون إثبات
دعوي مرفوعة ضد مبارك بنص ".........................."
أول جلسة
نتمني منك أخي المدون الحضور للجلسة
مع تحياتنا لك بالتوفيق
الكتيبة السياسية

تايه في وسط البلد يقول...

خيط غريب غامض يربطنا - او بالاحري يربط نفوسنا - بما يجملها ويمدحها

وجل الاحداث مهما عظمت تحصنه من ان نكرهه يوما او ننفر منه

والعجب ان تمر الايام فنكتشف ان الاشياء قد تلقت مشاعرنا وبادلتنا الشعور بشعور

وجب الاعتذار للمرأه

بسنت يقول...

محمد غاليا
شكرا لزيارتك الطيبه
وحاضر هزور المدونه الجديده
دمت بخير

بسنت يقول...

احمد زكى
طبعا التغير هو سنه الحياه

ولكن هناك بعض الاشياء من فرط تعودنا على وجودها تغيرها هو اللى بيكون شئ غريب

دمت طيب دايما

blue-wave يقول...

الله عليكى بجد
مش هاقول غير كدا

صفـــــــاء يقول...

.
أسلوب تعبير ذكى وجديد

مش دايما اللى احنا عاوزينه بيحصل

ولو حاولنا نعمله العافيه ممكن ندمرة على الرغم من شدة حبنا ليه

جميله وراقيه
.

بسنت يقول...

كيميت
معلش انا فعلا مش بلحق اقرأ اى بروفيل يا دوبك ادخل على المدونات بصفه عامه على طول
بس انتى نبهتينى كدا لازم الواحد
يركز اكتر
وتعرفى الاسم جه قدامى مره تانيه فى روايه نون اللى كنت بقراها الاسبوع اللى فات
الاسم معناه جميل اوى
وفعلا كنت عايزه اعرف معناه
دمتى طيبه يا اجمل كيميت

بسنت يقول...

نهار
وعليكم السلام ورحمه الله وبركاته
انا تمام يا نهار ان شا الله تكونى واهل الامارات كلهم طيبين
وتعرفى احتمال فعلا اكون انا التى تغيرت
الاحتمالات هنا كلها جائزه
سلمتى دايما

بسنت يقول...

اصدقاء انت تسأل والكمبيوتر يجيب
شكرا كتير للدعوه مره تانيه
وحاضر هتواصل معاكم ان شاء الله
دمتم الى الامام

بسنت يقول...

دهب
انتى اصبتى تماما
دام قلبك مثل اسمك

بسنت يقول...

سلسبيل
اولا نورتى مدونتى البسيطه
واتمنى اشوفك هنا دايما
والحياه طبعا مش بتمشى وفق احلامنا انا معاكى
بس مش دايما التغير شئ سئ
احيانا التغير بيحمل حاجات اجمل من القديمه اللى اعتدنا عليها
دمتى بكل الخير

بسنت يقول...

اصدقاء هويتى اسلاميه
شكرا للتنبيه وخاصه ان الموضوع مهم فى ظل الاختلافات على فريضه الحجاب
وحاضر هتواصل معكم ان شاء الله

بسنت يقول...

الرابطه الاسلاميه
الدعوه جيده وتستحق المشاركه
ان شاء الله

بسنت يقول...

تايه فى وسط البلد
طبعا حتى الجماد بيفهم
الامر اصبح بيتخطى دا
دمت بخير دايما

بسنت يقول...

د عمرو
شكرا لمجاملتك اللطيفه
ودمت طيب دايما

بسنت يقول...

صفاء
مش بالعافيه هى
بس هو العناد ساعات بيكون مش وسيله للتفاهم
ليس اكثر
دمتى طيبه دايما