السبت، 1 نوفمبر، 2008

تغريده البجعه



البجعه طائر جميل ولكنه حين يستشرق الموت ويشعر به يتجه الى الشاطئ وينطلق فى رقصته الاخيره ويغرد تغريدته الشجيه ثم يموت
هكذا كانت صفحات تلك الروايه المثيره للاندهاش بدايه من اسمها وتعبيراتها وبطلها تلك
الشخصيه التى قد نتقابل معها كثيرا ونعجب بها بل قد نقع فى حبها ولكنها غالبا لن تعيرنا انتباها لانها من الشخصيات احاديه الجانب الغير مفهومه للكثيرين وليست الثنائيه سهله التواصل بافكارها مع الاخرين
ولكنها المحبه الكريمه والصادقه الصدوقه لمن يقترب منها ويفهما
شخصيه مصطفى - كبطل للقصه مثير للحنق والاستفزاز لتصرفاته المعربده الماجنه منجزلكل من يلتزم بالقيم والمبادئ الدينيه فهو مخالف لها تماما ويثير دهشتك
لانه فى كثير من اعماله ولاى شئ يريده يصل اليه وان كان كمجمل حياته بلا هدف محدد حتى بنهايه القصه التى لم توضح هل انتحر ام مات ام اختفى ولكنها النهايه لكل شئ يعيش بلا هدف فى الحياه
وهى ربما تكون نهايه البجعه ايضا
بالرغم من قول الكاتب بانها نهايه صديقه عصام ولكن لايها اقرب ؟
الروايه وضحت اشياء كثيره حولنا لا نلتفت اليها مثل وجود الاجانب حولنا ومستقبل علاقتنا بهم وفى بلدنا ودراستهم
لها فهمهم لطبيعتنا اكثر بل لن نفرق بينهم وبيننا وعن افكارهم التى قد تكون استعماريه مدفونه او تحرريه معلنه ولكنهم
ليسوا نحن بعواطفنا وماديتهم ابدا مهما ادعوا ذلك الارتباط بهم محفوف بالمخاطر وبنهايه شبه معلومه وعرض قضايا خطيره مثل اطفال الشوارع تللك القنابل الموقوته التى تنفجر من آن لاخر فينا ستصيبك تلك النماذج بالاشمئزاز وربما اكثر ولكنهم مسئولين من المجتمع والحكومه التى تعطى لهم ظهورها وكأنها صماء بكماء لا تجيد فهم اى لغه تلك الحكومه التى تركت سفينه مجتمعنا تواجه البحار العاتيه بركاب بلا اى طوق للنجاه

وكأن الكاتب تنبأ باحداث الدويقه الاخيره ولمن ينشأ مفى ظروفها المميته
وفى النهايه لابد ان نعرف اننا نعيش فى وقت كل شئ مباح الا لمن يتمسك بشئ وهو الهدف حتى لا تنتهى حياتنا كما  بدأناها صغيره ولتترك للاخرين ذكرى للحياه معك او بعدك
برحمه لك وليس بلعنه عليك
مقولات من الروايه مع اضافات من هذا الزمان

( لا تتعلق بشئ سوف تخسره مستقبلا -- ولا تصر على ذلك بغباء المضحى وليس بشجاعه المحارب)

( ونحن متباعدان تصبح قوه الجذب متساويه لو اقتربنا اكثر من الازم لتضخمت العيوب-- مقوله صحيحه
)

( كما انا بحاجه الى ان افر من الدنيا كلها وليس نفسى فقط -- بالتأكيد اذا كانت تأمرك نفسك بالسوء وليس العكس
)

( متى تتخلص الانسانيه من حيوانيتها ونتسامح-- صراع ابدى أو حرب بلا نهايه)

( من منا ظل صامدا حتى النهايه؟-- ذكريات محارب قديم خزله جماعته وافشوا اسرارهم للشهره وظهور فى الاعلام -
- بالتأكيد لم يعودوا فى خندق حياه واحد

هناك 40 تعليقًا:

romansy يقول...

ما اجمل تلك الروايه يا عزيزتى ليتنا نعرف الطريق جيدا ولا نتوه عنه
لعل حالنا يتغير

غجرية يقول...

eziak
?howa enty kaman from minia
i would like to have contact with u more u will find my mail on the blog?
btw the colors are so dark in the blog sometimes it is hard to read espicially the blue try other colors

الحب كما ينبغى أن يكون يقول...

مدونة جميلة وموضوعات أجمل
وفقك الله

الازهرى يقول...

صديقتى العزيزة

حروفك ومقتطفاتك شوقتنى الى قرائتها

ونرجوا ان تكون صرخة اخرى فى الصمت الملبد بالغمام
ولعل الفجر يطلع وينحسر الظلام

تحياتى

غجرية يقول...

هتلاقى فى البروفيل بتاع البلوج فى جهات الاتصال
مستنيه اسمع منك
و ياريت بجد تغيرى اللون الازرق الغامق فى الكتابه لانه بجد مش واضح خالص

تحياتى

بسنت يقول...

رومانسى
الحال لا يتغير ولكن نحن من يجب ان يتغير
نورت المدونه
ودمت طيب

بسنت يقول...

غجريه
واول بنت اعرف انها بلدياتى
انا الاسعد على فكره
واللون موف هو مش ازرق وليه مش باين بس؟
انا ناويه اغيره بس مش دلوقتى
على العموم انتى نورتى
ودمتى بكل الود

بسنت يقول...

الحب كما ينبغى
الاجمل هو مرورك وتشجيعك
دمت بكل الخير

بسنت يقول...

الازهرى
الانتباه فى الروايه انك لا تكون مثل ابطالها بل اسمى
لان معرفه السئ يدفعنا لنكون الاحسن
دمت بكل الخير

بسنت يقول...

غجريه
انا رديت فوق وحالا هشوف الميل تانى

دمتى طيبه

☼♫♪ عمــاد الدين يــوسف ☼♫♪ يقول...

تخبط كثير من الناس في الدنيا يرجع لعدم هدايتهم لهدف معين حتى وإن صغر وسفه امره ولكن في النهايه هدف ، عن تجربة شخصيه مريره ولكنها دسمه بثراء المواقف والعبر ، ان لم يرسم كل منا سلم يعتليه هدف ، فلا قيمة تذكر لمعيشتنا هائمين كالاغنام السائبه ضلة الطريق وتنتظر الراعي دون إعمال عقل

تحياتي وتقبلي دعوتي لزيارة اخوكي

بسنت يقول...

عماد
شكرا لمرورك الطيب
وتعليقك الواعى جدا
وانا زرت مدونتك فعلا وانبهرت فعلا بيها واكيد هتابعها دايما ان شاء الله
ربنا يوفقك

اقصوصه يقول...

تدوينه جدا جميله

والمقولات رائعه

اختيار موفق

وطرح مميز

دمتي بخير

الرومـيصاء يقول...

جميله

والعبارات اجمل

دمتى بكل الود

د/ رامي شهاب الدين يقول...

واضح من نقدك وتحليلك للرواية إنها رواية قيمة وذات معنى عميق

نقدك وتحليلك برده ماشاء الله نقد واعى وناضج

عجبتنى أوى المقولات المنقولة من الرواية


من واقع التعليقات عرفت إنك منياوية .. أنا مش من المنيا صحيح بس بعتبر نفسى منها لأنى قضيت فيها أجمل ايام عمرى ، سلمى لى بقى على تويتى وبندقة وسافوى لحد ما أرجع لهم .. على فكرة أنا مش بتاع أكل والله هههههه

دمتى بكل ود .. تحياتى

رابطة هويتي اسلامية يقول...

ندعوكم للمشاركة معنا في رابطة " هويتي إسلامية "

لا تكن بخيلا وشارك معنا لنهضة التدوين

كون معنا أول شبكة تواصل في عالم التدوين

كلنا نتفق في الغاية نختلف في الأسلوب

هيا.................. كن أول المشاركين

رابطة هويتي إسلامية

بسنت يقول...

أقصوصه
سعدت بزيارتك الجميله مثللك
سلمتى

بسنت يقول...

الروميصاء
انتى الاجمل
دمتى بكل الود

بسنت يقول...

د- رامى
كله تمام فى المنيا انا كنت لسه من يومين بالتمام بتمشى فى سور النادى وشفت المحلات دى كلها وهى بخير وخاصه بندقه بس تويتى ما شرفته من فتره
وطبعا تنور المنيا لما تجيها تانى
وشكرا لزيارتك اللى اسعدتنى جدا
دمت بخير

بسنت يقول...

اصدقاء رابطه هويتى اسلاميه
معاكم ان شاء الله كعضو مشارك
وربنا يوفقكم لما يحب ويرضى

رابطة هويتي اسلامية يقول...

تم قيدك بالفعل في الاعضاء المشاركين


نتمني منك وضع الشعار الرابطة علي مدونتك واللينك لمساعدتنا في نشر الفكرة ونتمني دوام التواصل

هويتي

أسير الجراح يقول...

بسنت

مدونتك جميلة جدا

وسعدت بكل حرف قرءتة فى مدونتك


روايا جميلة جدا

دى زيارتى الاولى وان شاء الله مش تكون الاخيرة

تقبلى مرورى واحترامى


اسير الجراح

أحمد عبد اللطيف يقول...

قرأت الرواية منذ فترة وهي رواية جميلة بلا شك ، تتميز بكم هائل من الصدق والحساسية

Abo 7anf يقول...

السلام عليكم
دى اول زياره ليا
الروايه جميله
بس المنقولات الاخيره رائعه
ان شاء الله الزياره هتكرر

imagine يقول...

سلام....
الرواية باين عليها حلوة..إن شاء الله اقرأها.....
شكراً للزيارة، وأنا على فكرة من كام يوم كده زرت المدونة بتاعتك بس ما سبتش تعليق ألت أخليها لبعدين..على رواقة كده..هههههه...فإتفاجئت إنك إنت زرتيني وسبأتيني بالتعليق....هههه
شكراً مرة أخرى
سلام

علاء عارفين يقول...

الروايه دي بتاعت مين

اللي حضرتك حرقتيها يعني - بهزر-

لا بجد مين اللي كاتب الروايه دي عشان شوقتيني اقراها

بسنت يقول...

اصدقاء هويتى اسلاميه لكم كل الشكر

بسنت يقول...

اسير الجراح
زيارتك الاجمل
واتمنى طبعا تشرفنى هنا دايما
دمت طيب

بسنت يقول...

احمد عبد اللطيف
انا طبعا عارفه انك قريتها لانى اصلا عرفتها من الكتب اللى كنت كاتب انك قريتها ومتميزه
فشكرا ليك
ودمت بخير

بسنت يقول...

أبو حنفى = مش هعارفه الاسم صح كدا ولا لا؟
المهم شكرا على زيارتك الجميله وفى انتظار طلتك دايما
دمت بخير

بسنت يقول...

اسراء
اى خدمه
ودمتى بخير دايما

بسنت يقول...

علاء عارفين
الروايه ولا تزعل بتاعه ( مكاوى سعيد )
وهى حصلت على جوايز كتيره الفتره اللى فاتت
ونورت المدونه
دمت طيب

Maiada يقول...

تغريدة البجعة من أجمل الروايات اللى قريتها.. مش بس جمال صياغة وتشويق لكن على قد واقعيتها الصادمة فى وصف مجتمعنا بتحمل الكثير من الرمزية خصوصا ف علاقتنا بالغرب ..كمان عجبنى فيها الجانب الانسانى .. وال عجبنى جدا تحليلك ليها والمقولات الى اخترتيها بعناية

سعيدة جدااا بمرورى على مدونتك الرائعة

تحياتي

بسنت يقول...

مياده
شكرا لمرورك وتعليقك
وفى انتظارك دايما
وفى انتظار مدونتك اكيد
دمتى طيبه

Soul.o0o.Whisper يقول...

بسنت

أولا : بأشكرك على زيارتك الجميلة

ثانيا : صحيح ماقرأتش إلا أول بوست
لكن ما شاء الله ينم عن عقل واعى و ناضج

ثالثا : هو انتى صيدلانية بردوا؟؟
يعنى زمايل؟؟

والله شئ جميل :)

رابعا بئا : الواقع اللى عايشينه لو فضلنا نبص له كشخص وقع فى حفرة يبئا مش هنخرج منه ، و هنفضل تايهين
و دا اللى كل الأسباب بتدفع ليه
لكن لازم إننا نبص للواقع من واحد قاعد فى طيارة و بيبص لتحت عشان نشوف و نفهم بجد الدنيا ماشية إزاى

خامسا : أتمنى إنى أقرأ القصة دى
أكيد إن شاء الله هتعجبنى زى ما عجبت كتير


تحياتى لكى

M.K يقول...

السلام عليكم...
إزيك يا بسنت..
طولتي الغيبه بس عدتي محمله بالغنائم..
.......
ونحن متباعدان تصبح قوه الجذب متساويه لو اقتربنا اكثر من الازم لتضخمت العيوب-- مقوله صحيحه)

مقوله صحيحه مليون بالمئه....
نحن بالبعد أجمل أنقى أطهر..
وما إن نقترب لتتضح الرؤيا وتزول الغشاوه...
وتتضح العيوب...
.........
دمتي بيخر..

بسنت يقول...

soal
طبعا صيدلانيه بس مخلصه وبتشتغل
وشكرا على زيارتك الجميله
دمتى طيبه

بسنت يقول...

m-k
انا تمام الحمد لله تعالى
ازيك انتى وازى اهل الامارات كلهم؟
نورتى المدونه بزيارتك الجميله
سلمتى دايما

zainab يقول...

مقولات من الروايه مع اضافات من هذا الزمان

( لا تتعلق بشئ سوف تخسره مستقبلا -- ولا تصر على ذلك بغباء المضحى وليس بشجاعه المحارب)

( ونحن متباعدان تصبح قوه الجذب متساويه لو اقتربنا اكثر من الازم لتضخمت العيوب-- مقوله صحيحه)

( كما انا بحاجه الى ان افر من الدنيا كلها وليس نفسى فقط -- بالتأكيد اذا كانت تأمرك نفسك بالسوء وليس العكس)

( متى تتخلص الانسانيه من حيوانيتها ونتسامح-- صراع ابدى أو حرب بلا نهايه)
*******************
جميله قوى يا بسنت هذه المقولات
بارك الله فيكى

بسنت يقول...

زينب
شكرا على مرورك الجميل فعلا
ودمتى بكل الخير