الأحد، 12 أكتوبر، 2008

الطير المسافر--- سافر


بدأت صديقتى المقربه بتحضير أوراقها من المحافظه والقنصليه والمعامل الطبيه
وفى انتظار التأشيره
سألتنى: هوحشك؟
قلتلها : طول ما انا عارفه انك موجوده فى البلد مش بتوحشينى لانى عارفه
انى اول ما هحتاجك هكلمك او اقابللك
بس لما تسافرى00000
لا انتى هتوحشينى من دلوقتى
لان فكره انك هتبعدى صعبه فعلا
----------------------------------
سألنى بفضول أنتى هتسيبى الشغل ليه؟
قلتله لانى هتنقل مكان جديد احسنللى يا دكتور
قاللى ربنا يوفقك هناك
وانا كمان مسافر الخليج
ياااه معقوله 00 حتى لما هسيب البلد
هتسيب انت نفس المكان كمان فى نفس الوقت
للقدر صدف صعب ان تتكر فى اللقاء او الوداع

----------------------------------
حكم من واقع السفر فى الزمن د

( للسفر فوايد كتيره من اهمها تعرف اد ايه الناس
اللى سافرت كانت غاليه عندك وما كنت تعرف كدا)

( احيان السفر بيكون الطريقه المثاليه للتقرب
عمن بعدت عنهم وانت أمامهم )

( السفر حلم ما زال يراودنى زى طيورى الحبيبه
اللى سافرت)

هناك 38 تعليقًا:

وجه جديد د.أحمد عثمان يقول...

يذكرون دائما
أن للسفر سبع فوائد
و يتناسون تماما
ان للسفر
عشرة أضرار
و أكبر الضرر
و اسوء خطر
حينما نعدو في سفرنا
و نلاحق احلام كالظل
نحسبها قريبة
و هي كالنجوم
نراها و لا نطولها

تحياتي

بسنت يقول...

أنا معاك يا دكتور ان السفر ممكن يكون غربه بلا تمن لو ما حقق الهدف المنشود منه
بس حكايه انه ليه 10 اضرار كنت اعتقدها 10 فوائد والاضرار اقل
سلمت لمرورك الطيب جدا

ahmed_k يقول...

سافر تجد عوضا عمن تفارقه
وأنصب فإن لذيذ العيش في النصب

فالسفر جميل
بشرط أن يكون لهدف لا إغضاب لله فيه
فما دام للرزق أو للعلم أو للترويح عن النفس فهو في مرضاة اللهففي هذه الحاله يهون الله علينا الأمر
ففي السفر بالفعل سبع فوائد
وإن كان له عيوب
فبالمقارنه مع فوائده
تصبح العيوب اقزاما

الازهرى يقول...

صديقتى العزيزة

قالوا فى السفر سبع فوائد
وانا اقول بل هى الف فائدة

اهمها ان الانسان عندما يبتعد يجد الوقت الكافى كى يراجع اموره بعيدا عما يؤثر عليه
ويتخذ من القرارت ما هو مدروس دقة

واما ابرز عيوبه فهى لوعة المشتاق


تحياتى على الموضوع الرائع الذى عبر عنه بكلمات تتحدث عن نفسها بلال تففسير او تعليق

تحياتى

romansy يقول...

سافرت وفكرت كثيرا
لكنى لم اجد ابدا اصدقاع مثل اصدقائى
ولا بلد مثل بلدى

Abeer Soliman يقول...

أرجو من الجميع قراءة رواية الجهل "لميلان كونديرا" ففيها تجسيد رائع لمعانى البعد التى يحملها إختلاف الأماكن فى طياته


أرجو منك ومن جميع زوار مدونتك أن يقرأوا يوميات عانس:

http://yawmiyat3aness.blogspot.com/

أحمد عبد اللطيف يقول...

بسنت
لا أكره شيئا في حياتي بمقدار الغربة والسفر ، ورغم انني اسافر داخل مصر ن إلا انني اشعر باكتئاب عميق قبل ان أصعد الطائرة بساعات .
أتعلمين ما هي فوائد الغربة ، اكتشاف من يحبونك فعلا ومن يعرفك فقط في وجودك ، حينها ستعلمين ان لا أحد يستحق صداقتك .
تحياتي

ساعد نسرين الايمن يقول...

السفر قطعة من العذاب
لا اذكر من قال لي ان هذا حديث شريف

للسفر سبع فوائد لكني لما اكتشف منها فائدة واحدة

تعبت من السفر الطويل حقائبي

السفر
الم
السفر فراق
السفر
وجع
السفر
ان يكون حزنك كله لك
بينما فرحتك محددة بوقت
السفر
متاهه حقيقة
يقلل من تكيفك
حتي مع بلدك
لقد خسرت حياتي بالسفر

نصحية
الآم السفر الي الخليج مضاعفة

ســمـــر احمد يقول...

ابحث عنى في غيابك التقن الشوق فلا اجد الاك
و ابحث عنك فى شوقى الملتاع فلا اجد الا .. حنين ..
فانا الغريبة و انت المسافر فى دمى ..


بسنت
جينما يحلق احساسك باجنحة الكلمات .. تصبح النتجية بوست رائع كهذا
مودة يا جميلة

بسنت يقول...

iاحمد زكى
عجبنى اوى بيت الشعر اللى كاتبه
انا بتفق معاك تماما فى اللى قلته
بس بعد ما قريت ردود اخواتنا الافاضل الجايين خلونى افكر تانى فى موضوع السفر دا
هو غالبا المجهول شئ يخوف بس يحتاج مننا مغامره بردوا وتجريب علشان نحكم حكم نهائى
سلمت ودمت طيب

بسنت يقول...

الازهرى
سعدت جدا بزيارتك الاولى واتمنى ان تكررها طبعا

وطبعا للسسفر فوايد
كتيره
بس الف -- فدا ياريت

دمت بكل الخير

بسنت يقول...

الرومانسى
عندك حق
بس لو كان اصدقاءك دول هما اللى سافروا؟

سعدت جدا بمرورك الطيب وزيارتك الاولى
ودمت طيبا دايما

بسنت يقول...

عبير
صاحبه اجمل صفحه بنات
انا قريت فعليا لميلان كونديرا من قبل واسلوبه جميل وان شاء الله اقرى روايه
الجهل
وانا من متابعينك سواء فى المدونه او الدستور
بس عذرا للانشغال فى السابق
ان شاء الله هتابعها من تانى
دمتى بكل الود

بسنت يقول...

احمد لطيف
مش عارفه يمكن شعورك دا من كتر سفرك بطبيعه شغللك
لكن علشان تعرف الواحد اللى مش بيسافر كتير بيكون نفسه يجرب حاجه جديده مش مغامره بقدر انها تجربه جديده عليه
واذا كانت هختقربه من حد يقدره وصاحبه او اخوته مثلا بتكون جميله
واذا كانت هتعرفه مقداره او مقدار الاخرين عنده فدا جميل اوى
بس البعد وبعد الاخرين بنفس المسافه دى قاسيه جدا مش مجرد مسأله سفر
دى بتحصل حتى وانت فى بلدك
سلمت دايما ايها المترجم المبدع

بسنت يقول...

سموره
فانا الغريبة و انت المسافر فى دمى --
ايه الكلام الرقيق اوى زيك دا

انتى بتردى عليا بالشعر
اذا الغربه فيا رقتك دى تهون اى شئ اكيد يا اغلى سمر

مش عارفه الصراحه الاراء مختلفه فى موضوع الغربه والسفر انا بشوفها فى الاخر تجربه ولو الفرصه اتاحت يبقى لازم نجربها
لانها اكيد مش هتكون هجره
دا سفر ومكان جديد وافضله مع ناس جديده
حياه جديده من الاخر

دمتى طيبه وبكل الود

tarek alghnam يقول...

السلام عليكم
ماشاء الله عليكى
موضوع رائع
السفر فى رائى اضرارة اكتر من قوائدة
سعيد بتعرفى على مدونتك الرائعه
تقبلى تحياتى
ودمتى بود

joliet يقول...

السفر من أكتر الحاجات المؤثرة في حياة الانسان سواء بالسلب او الايجاب و اععتقد ان اهم شىء قالوا عنوا في الحكم هو (خذ الرفيق قبل الطريق) لان الاصدقاء هما كمان من اهم الاشياء المؤثرة في حياة الانسان
وسعدت بمعرفتى لمدونتك

بسنت يقول...

ساعد نسرين
الصراحه كلماتك صعبه اوى
انت صعبت عليا موضوع الغربه والسفر مع انى لا اتغربت ولا سافرت اصلا خارج مصر خالص
واضح انك جربتها
طبعا بدعليك ربنا يبعد عنك غربه الارواح لانها اصعب شئ وتكون مجرد غربه مكان
وسعدت بزيارتك لمدونتى البسيطه
ودمت بكل الخير

رؤية يقول...

الطيور ليس لها الاقفاص ماوى
لكن من المهم ان تعلم الى اين ستاوى

ملحوظة...
من منا لا يراوده هذا الحلم؟!!!


تحياتى لك.

بنت مصريه يقول...

فعلا السفر والبعد عن
الاحباب
شىء صعب جدا احييكى عالبوست

بسنت يقول...

استاذ طارق انا الاسعد بزيارتك الجميله
واتمنى ان تكررها دايما
واختلفت هنا الاراء فى السفر
لكن يبقى ان السفر فى نظرى له فوايد كثيره
دمت طيب

بسنت يقول...

جوليت
سفر ومع صديق--- دى امنيه صعبه جدا
بس بتتحقق معايا فى رحلات الصيف الحمد لله واخرها كانت السنه دى
السفر مع الاصدقاء شئ تانى خالص غير الاسره
نورتى المدونه
وانا الاسعد فعلا بتعرفى عليكى وعلى مدونتك
سلمتى

بسنت يقول...

رؤيه
جميل اوى اوى تعليقك
فعلا اللى بسافر بيكون طير وبيسعد لما بيحط فى مكان هو فعلا بيحبه او على الاقل بيحب اللى فيه

دمتى بكل الود

بسنت يقول...

بنت مصريه
متهيألى كل حاجه فى الدنيا دى صعبه
ونعتبر السفر منها
بس بعد الاحباب اصعب ما فيها

دمتى بكل الود

ضد التيار يقول...

الناس الغاليين الواحد مابيحسش بحبه ليهم قوى الا لما يبعدوا عنه

ربنا يصبرك على الفراق

بسنت يقول...

ضد التيار
عندك حق الناس الغاليه بتبان قيمتها لما بتبعد او تسافر
سلمتى لمرورك الجميل

M.K يقول...

السلام عليكم...
اولا شكر لمرورك في مدونتي المتواضعه...
...............
ان شاء الله تعود طيورك ...
لتسعدي بها...
وأن تحلقي لتحققي رغبتك....
وتعودي للذين ينتظرون رؤية رفرفتك...
في بلدك....
...........
دمتي بخير

الرومـيصاء يقول...

اول زياره
وبصراحه جتى على الجرح

لانى ناس بحبهم غيبن عنى

وفعلا كنت عارفه انى بحبهم

بس مكنتش اعرف انهم غالين عليه كده


ربنا يجمعنا بن نحب

دمتى بحفظ الله

momken يقول...

السفر نعمه من نعم الله علينا

الثبات فى مكان ليس من شيمه البسر

حتى ان الله امرنا بالسفر فى مواضع كتثير
من القران

قال تعالى
(قل سيحوا فى الارض فانظروا كيف كان عاقبه المصرفين)
وقال تعالى
(الم تكن ارض الله واسعه فتهاجروا اليها)
وايات تانيه كتير مش حضرانى

لكن مراره السفر بتظهر فى اول مرات السفر والفراق والبعاد
لكن بعد ذلك يكون السفر هو افضل الحلول
البوست جميل ومليان مشاعر

تسلك ايدك
تحياتى

WhItE HeArT يقول...

وماله نسافر حلم برضه بيراودني انا كمان

وده لإنه مهدور حقنا في بلدنا غرباء فيها وغرباء واحنا مش فيها يبأه ايه الفرق بس هناك الواحد هيحس بكرامته كإنسان

بحييكي على الموضوع

بسنت يقول...

m.k
انا الاسعد بمرورك الجميل
ربنا يرجع كل المسافرين
او نسافرلهم احنا
دمتى بكل الخير

بسنت يقول...

الروميصاء
دعاءك جميل
ربنا يجمعنا بمن نحب ان شاء الله
دمتى طيبه

بسنت يقول...

momken
نورت المدونه
من فتره ما بشوف تعليقاتك الجميله
كلامك سليم جدا
دمت طيب

بسنت يقول...

white heart
(وده لإنه مهدور حقنا في بلدنا غرباء فيها وغرباء واحنا مش فيها يبأه ايه الفرق بس هناك الواحد هيحس بكرامته كإنسان)
انا ما فكرت فيها بالشكل دا
بس اكيد احد اسباب السفر زى طلب الرزق
ان يتواجد فى مكان يشعر باهميته او نقول انسانيته
وحقوق بيحصل عليها
دمتى بكل الخير

الحب كما ينبغى أن يكون يقول...

ربنا يوفقك ويجمعك بصديقتك على خير

تايه في وسط البلد يقول...

كان تدوينا ذا معاني مرهفة وتأملات مصيبة لكبد الحقيقة

ولا ادري لم اتمثل السفر للخارج كالموت المصغر ..سبقني اليه الكثيرون واحسبهم الان يدعونني..وانا كاره

تحياتي

بسنت يقول...

الاخ الفاضل الحب كما يجب ان يكون
شكرا لزيارتك الطيبه
ودمت بخير

بسنت يقول...

تايه فى وسط البلد

لا ادري لم اتمثل السفر للخارج كالموت المصغر ..سبقني اليه الكثيرون واحسبهم الان يدعونني..وانا كاره

السفر قد يكون مغامره تحتمل النجاح او الفشل لا قدر الله
بس لو مضطر بامكانك جعله كرحله ومرحله لتنعرف نفسك وقدراتك وليس بمعنى غربه واكراه

دمت بخير