الثلاثاء، 29 يوليو، 2008

الأزمه باختصار = انسان بيحس


* الازمه اختبرت نفوسنا
دى جمله مشهوره فى فيلم عن الحرب العالميه التانيه
وعلشان الكل يبقى عارف الحرب لسه مستمره وعالميه
هى بس عدت مرحله التانيه والتالته من زمان اوى


* كلمه الازمه الايام دى متكرره على لسان معظم اصحابى هما
يمكن اتنين بعتز بيهم اوى
بالرغم انا حالتى مش كدا خالص الايام دى
بس الكلمه دى خلتنى افكر ازاى اساعدهم ولو معنويا فى ازمتهم
الغريبه انها-- واحده-- ازمه حياه وناس نسيبها ونقابلها
رمى الماضى ورانا وخوف من مجهول المستقبل


* بدايه طبيعى ان الواحد يمر بازمه اتنين وعشره كمان يعنى
مش فكره يوم حلو ويوم مر هى خلطه من الاتنين علشان نفهم الحياه
أو حتى نعرف نعيشها لانها لو واحده من الاتنين بس كدا تبقى ملل فعلا
وفكره نتعلم من الازمه وتقوينا ما تكسرنا مقوله محفوظه
هى اكيد هتكسر حاجه جوانا بس يمكن بردوا تفتح مخنا او قلبنا حتى
لحاجات تانيه احلى بكتير
ونزعل بردوا وماله بس ما نطولش دا المهم
وما ننسى قول ربنا تعالى ( قل لن يصيبنا إلا ما كتب الله لنا )


* الافضل وقت الازمه ما ننفعلش الانفعال اللى يخسرنا فعلا كتير بعصبيتنا يمكن
فى نظرنا مبرره بس هتخسرنا اللى حوالينا اللى غالبا بيحبونا فعلا وعايزين
يساعدونا بس الفتره دى بتكون عنينا مش بتشوف تدخلهم دا غير فضول
وبنقل شويه كلامهم لينا لاننا بنفهمه بصوره سوداويه كلون الحياه فى عنينا


* اهم حاجه فى وقت الازمه ما ناخد قرارات متسرعه خاصه بمستقبلنا لاننا ممكن
جدا نندم عليها لما نروق ونرجع لوضعنا الطبيعى
ونظلم فعلا ناس تانيه باى قرار لينا ولازم نعرف ان الحريه= مسئوليه
يعنى ما اخد قرار مصيرى فى لحظات او ايام حتى الازمه


* الكلام دا موجهه لاتنين زى ما قلت من اعز اصدقائى ادعو الله ان
يفرج كربهم وكرب الجميع
وما ننسى جميعا ذكر الله

( ألا بذكر الله تطمئن القلوب )

هناك 29 تعليقًا:

و القادم....أجمل يقول...

السلام عليكم
:)

ازيك يا بسنت
وحشاني أوووي و الله
و أعذريني في تقصيري
:)

كلامك و تحليلك للموضوع رااااائع

عارفه من يومين صاحبة ليا
جت تقف معايا انا و زميلتي
عارفه شكلها كان متضايق
قالتلي كلام و بأسلوب
صعب جداااااااا
و عمري مكنت اتوقعه منها
مع إني كنت ساكته و مش بتكلم

طبعا مقدرتش ارد عليها
بس لما رجعت البيت اعدت اعيط
و اقول صعب الواحد يكسب صديق أو
صاحب
بس سهل اوي انك تخسره
!!!

ساعات لما بتضايق بقول لصحابي
محدش يكلمني معلش انا متضايقة
لأني عارفه نفسي لما بقفل بتصرف
بغباوه
:D
و فعلا بيسيبوني
اعمل ريفريش كده يومين
و بعدين تلاقيني رجعت تاني

:)

معلش طولت عليكي بس مصدقت أتكلم

العنوان بتاع البووووست
جميييييييييييييييييل

بدعيلك من قلبي
ربنا يسعدك و يوفقك
و يفك كرب الجميع ياااااااارب

تقديري و حبي
يا سكر إنتي

:)

بطوط حبوب يقول...

الازمه اختبرت نفوسنا
اولا شكرا على الجمله دى بجد

عارف هى فكرتنى زى جزى الله المصائب كل خير

الازمه بكره هتخلص فى كل الاحوال مفيش ازمه بتفضل قاعده
بس احنا هنخرج منها بحاجه هتفضل معانا لحد ما نموت

ahmed_k يقول...

كلامك يا بسنت مش موجه لصديقتيك فقط
بل لكل من يمر بازمه
فهو درس يجب أن نتعلمه عدم إتخاذ قرارات في لحظات الإنفعال
لأنها قد تكون قرارات خاطئه وقد لا نستطيع بعد ذلك إصلاح ما أفسدته تلك القرارات

تقبلي مروري
ودمتي بخير يا زهره

شادي أصلان يقول...

كلام جميل
من انسانة اكيد جميلة ارهقت نفسها في بوست لكي توجهة رسالة لشخصين عزيزين عليها

اعتقد ان ما يؤكد كلامك حول ان وجود المشاكل ضروري
ان الحياة صيف وشتاء وربيع وخريف
هناك من يحب الصيف وهناك من يعشق الشتاء
ولكن هل يستطيع من يحب هذا او يعشق ذاك ان يعيش بدون الاخر؟!
تحياتي بجد

ســمـــر احمد يقول...

و بوست زيك طيب و متزن و رقيق ..
عارفه يا بسبس الازمات حقيقى انا بحبها لانها اكيد بتبين معادن الناس اللى حوالينا و بتطمناان الناس اللى بنحبهم نقدر نتسند عليهم
ده طبعا اذا كان اختيارنا صح
محبتى يا جميلة

واحد مش فاهم حاجة يقول...

كلمة ازمة فى حد ذاتها بعتبرها نوع من الاختبار اللى جايزتة هدية جميلة

الجايزة علم بموقف واسلوب ورد فعل

بينفع بعد كدة فى مواقف مشابهة

كانك بتضيفى لقاموس المواقف بتاعتك كلمة جديدة تقدرى تفسريها بعد كدة

العنوان اكتر من رائع

الازمة فعلا احساس

قهوة بالفانيليا - شيماء علي يقول...

بسبوسة :)
________

تعرفي انا كمان عندي ازمة ..
و باسجد لله شكراطول الوقت ..
عشان الازمة دي حصلت .. لنها اظهرت لي شيء مهم جدا جدا ..
و خليتني اتعلم كويس اوي اوي ..
غير ان ربنا رزقني بعدها و عوضني في ساعتها على طول :)
المهم اننا نعدي .. عدي الزمن فوتي ..:) .. لسة الزمن بيمر ..:)

مصطفى السيد سمير يقول...

فعلا ادارة الازمة من اصعب ما يكون
عشان كدة سيد الراشدين والمتعقلين
عليه الصلاة والسلام
وصف الشديد بانه من يملك نفسه عند الغضب
ودة التحدي الحقيقي
ازاي تبقى مضغوط وقادر تتحكم في نفسك



بالمناسبة انا سعيد جدا بموافقتك على الانضمام لحلم الجنوبي
ياريت تبعتيلي ايميلك عشان ابعت لك الدعوة

وجه جديد د.أحمد عثمان يقول...

عموما
دلوقتي فيه علم جديد
اسمه علم ادارة الأزمات
ربما تستخدمه المؤسسات الكبيرة لادارة ازماتها
و لكن لأننا اصبحنا نحيا بين ازمة و اخرى
فلابد علينا ان نتسلح جميعا
بهذا العلم
و لو على المستوى الفردي
تحياتي لنبل مشاعرك تجاه صديقتيك

بسنت يقول...

بدايه بشكر جدا كل اللى علق
وبعتذر عن الرد حاليا لانى مشغوله مسافره فى اجازة راحه شويه وميه ورمله وبحر بقى
اول ما ارجع ان شاء الله هرد عليكم فردا فردا
دمتم جميعا طيبين وبالف خير
اختكم
بسنت

أحمد عبد اللطيف يقول...

بسنت
الأزمات والمشاكل ي أكثر الأشياء طبيعية في حياتنا ، ماهي الحياة كدا ، أزمة ، فرحة ، ضحكة ، دمعة ، كل حاجة . فمازلنا في الأرض لسنا في الجنة

زى الهوا يقول...

بحبها اوى


( ألا بذكر الله تطمئن القلوب ) ؟ دا سؤال تعجيزى

nonni يقول...

بوست حلو اوى و رقيق ، و بعت\ر على عدم زيارتى لمدونتك الجميلة من فترة.
ادخل بقى فى موضوع البوست اهم حاجة كتبها هى
* "الافضل وقت الازمه ما ننفعلش "

ياريت كل اللى يقرا البوست ده ياخد باله من الجملة دى لانى كنت فعلا هخسر احد اصدقائى بسبب الموضوع ده.
"تحياتى"

د\أسماء علي يقول...

الجميلة بسنت

الأزمة هي معيار التحمل
الأزمة نخرج منها ببعض الثقة في المواجهة

ببعض الثقة في أشخاص ظلوا بجوارنا

و ببعض التجاهل لآخرون

أعتقد أن الأزمات على الرغم من وجعها تصنعنا ..

...

جميلتي

يوم بعد يوم اكتشف نقاء روحك ..

بسنت يقول...

من بعد
الاجازه -- عوده
نبتديها مع لؤه صاحبه اجمل لقب
والقادم اجمل
معلش اتأخرت عليكى وعلى الكل طبعا فى الرد
بس كانت اجازه لابد منها
وانتى كمان وحشانى اكتر
وفعلا الواحد بيحتاج لاعاده نشاطه مش بس بعد الازمات حتى فى حياته العاديه الريفريش دا بتخليه ينقى فكره ونتظرته لحاجات كتيره فى حياته
ربنا يوفقك ويسعدك دايما يا لولو

بسنت يقول...

بطوط حبوب
الشكر ليك
وعجبتنى اوى جملتك دى
((بس احنا هنخرج منها بحاجه هتفضل معانا لحد ما نموت))
فعلا لازم علامه او حاجه كدا مش بس تفضل معانا لا تتحفر جوانا
سلمت لمرورك الجميل فعلا

بسنت يقول...

احمد زكى
شوف فعلا انا جربت مع نفسى عمر ما خدت قرار فى لحظه انفعال وكان سليم
الدنيا بتبقى شكل تانى خالص
علشان كدا حبيت فعلا اقولهم الانفعال شئ خطير فى اتخاذ اى قرار
شكرا جد ا ليك
وعلى فكره زهره البلوج دا بقى لقبى بين اصحابىمش فىة النت لا بره
فشكرا لتسميتك الجميله فعلا
سلمت دايما

بسنت يقول...

شادى
ايه الزياره الاولى والجميله دى
ربنا يكرمك لذوقك الكبير
وفعلا زى ما قلت الحياه خلطه جميله من فصول بتتغير نظره كل واحد فينا ليها
وصعب جدا تفضل على فصل واحد
ولا تبقى اى حاجه تانيه غير الحياه

سلمت دايما

بسنت يقول...

سموره الغاليه
تعرفى انا بقى ما بحب الازمات لانها للاسف بتخيب ظنى دايما فى حد
او اكتر كمان
فبحس بان اختيارى كان غلط ودى حاجه بتضايقنى فعلا

سلمتى يا سموره دايما

بسنت يقول...

مش فاهم حاجه
يعنى درس المهم نفهمه ونتعلم منه
والازمه احساس فعلا غير كدا
تبقى اى حاجه عاديه بتمر علينا ولا بناخد بالنا منها خالص
سلمت دايما
وشكرا لمروك الاول الجميل فعلا

بسنت يقول...

شيماء
تعرفى كل يوم يمر بسلام كدا
الواح
د يحس ان كان فى ازمه وعدت على خير لان فى مواقف بتقابلنا يمكن ما بتطول زى الازمات الكتيره القويه
بسي فعلا بعد اليوم ما بليعدى كأن ازمه وعدت
لربنا ما يجيب ازمات يا رب
ويسعدك دايما

بسنت يقول...

فعلا الشديد او الحليم وقت الغضب او الاوقات الصعبه
دا شخص صعب يتواجد على فكره لانه محتاج قوه شديده
انا الاسعد يا مصطفى انى هشارك بلدياتى فى مدونه تجمع اهل الصعيد
بس انا مش عارفه ابعتللك ايميلى ازاى يعنى
لانه صعب اكتبه هنا او فى مدونتك
دمت طيب دايما

بسنت يقول...

د احمد عثمان
علم الازمات الصراحه اول مره اسمع عنه
ويا ريت فعلا تكون فى حلول نعدى بيها الازمات زى الشركات والمؤسسات الكبيره
كل التقدير لزيارتك وتعليقك الجميل

بسنت يقول...

اخى العزيز احمد لطيف
فعلا احنا على الارض بس بنحاول نخليها على قد ما نقدر جنه فى عنيننا على الاقل
شكر كبير ليك

بسنت يقول...

الا بذكر الله تطمئن القلوب
الايه دى ما نعدكيش فكره انا بحبها اد ايه
هى علامه فارقه فى حياتى فعلا
سلمتى دايما
وشكرا لمرورك اللى زى الهوا واجمل

بسنت يقول...

شكرا يا نونى على مرورك
اطنى انا مقدره انشسغالنا كلنا
الحياه تلاهى ما يهمكيش
انا بس احب اشوفك دايما طبعا
وحكايخه اننا ما ننفعلش
فعلا دى اهم حاجه علشان زى ما قلت قبل كدا كما ناخد قرارات غلط او نخسر حد
سلمتى دايما

بسنت يقول...

اسماء على
جميله اوى جملتك دى
الازمه بتصنعنا
فعلا بعد ل ازمه انا بكون شخص جديد بفكر اكيد
احسن
بتشكلنا عندك كل الحق
سلكتى لذوقك الكبير يا اسماء
ودمتى بكل الخير

ناعومى يقول...

الازمات اللى مش بتموتنا بتقوينا
الازمات بتعمل مننا عجينه مرنه مع الحياه بنطلع وننزل مع موجه الايام
بنطاطى ساعات لما الريح تبقى عاليه لحد ماتعدى وساعات بنعافر معاها
بس فى جميع الاح ول الازمات بتعدى
المهم نخليها تعدى من غير ماتح فر جوانا خندق وجع
نخليها تعدى وهى معلمه فينا درس بس نفتكره
او نتحدى نفسنا علشان نف تخر باللى عملناه
الازمات بتشكلنا
بسنت
بوست رائع اسلوبك رائع
ربنا ي فك كرب كل مهموم ومكروب

بسنت يقول...

متشكره اوى على زيارتك الجميله دى يا ناعومى ومعلش على التأخير بس لسه شايفاها
وفعلا الازمان بتصنعنا وتعلم فينا
بس ساعات بتترك علامات للاسف لا تزال
ودروس صعب تتنسى بس ان شاء الله نتعلم منها
دمتى بكل الخير
ورمضان كريم