الخميس، 3 يوليو، 2008

وعد


أيتها الصخره الصماء البعيده قليلا
التى تنطق الاجابات بلا حس والكلمات بصمت
كم روحك قريبه منى بوجودك أيتها النقيه
أريدك هنا بجانبى للابد
أيتها الراهبه الصغيره—المتزمته بالفطره
ملاكى المربوط بقلبى بخيط حرير شديد
جزء أنت من – قولى انك تشعرين بى
كم يتعبنى ماضيك الذى يحزننى لحزنك
هل كلانا سبب فى قسوه هذا القلب الرقيق
أيتها المحبه لى – بلا شك
أدخلينى عالمك السحرى الغامض
وسأكون مدين لك
ثم كما تريدين
علمت أننا سنفترق وستبتعدين
يوما ما
لست بكامل بدونك
وتعيس كما ترين
أذهبى حيث تشاءين ولكن لا تنسى
يوما
وعدك لى
هكذا كانت رسالتك أيها النبيل
وللذكرى أوفى بوعدى
بتذكرها

هناك 42 تعليقًا:

Ahmed Al-Sabbagh يقول...

تدوينة رائعة

دمتِ بخير

احمد

Reem يقول...

مدونتك لطيفة بجد ورقيقة اوي

حسيت بهدوء وانا بدخلها و اقرها

بس ممكن اسألك سؤال شخصي معليش اعذرني

بس ايه معنى اسمك نفسي اعرف بجد معنى اسم

بسنت و اسفة لو السؤال دايقك

حــــــراء يقول...

اولا دى اول زيارة لمدونتك الرائعه هذه
وان شاء الله متكنش الاخيرة.
الموضوع جميل جدا وكلماتك عذبة ورقيقة واسلوبك روعة فى الاداء.
مع خالص تحياتى ليكى
تقبلى مرورى
واتمنى تنورينى دايما
اخوكى...احمد

blue-wave يقول...

بجد مدونه تحفه بستمتع بكل زيارة ليها

أمل فتحى عزت يقول...

حملة لرد الاعتبار
........................
حيوا معى العين الساهرة للحفاظ على المقدسات وعودة الحق لأصحابه عندما أعاد الدكتور/أسامة السعداوى صياغة التاريخ المصرى القديم لقد نصر العالم الجليل تراث الاجداد وقدمه للآحفاد لينهلوا العلم من أوسع أبوابه تعالوا يا أبناء مصر

نطرق باب النابغةالدكتور /أسامة السعداوى لنعرف منه الحقيقة


قودوا معى حملة الشرف والكرامة فى رفع الظلم عن أجدادكم وانتم أصحاب كلمة فلتكن فى موضعها فلا استقامة للمستقبل الا بتصحيح مسار تاريخنا واحياء علومنا وحضارتنا


ادخلوا الموقع الخاص بالعالم من على صفحة مدونتى الرئيسية
ولكم منى جزيل الشكر

بسنت يقول...

شكرا لطلتك الجميله دايما يا صباغ
دمت بكل الخير

بسنت يقول...

أنتى الاجمل يا ريم
شكرا على زووقك
شوفى اسم بسنت ( غالبا ) اسم نبات
الصراحه مش متأكده
انا هتأكد واقولك تانى ان شاء الله
انا عارفه هتقولى فى حد مش عارف اسمه معناه ايه
يا ستى السبب بسيط
ان دا لقبى على النت بس مش اسمى الحقيقى

سلمتى

بسنت يقول...

فى انتظار طلتك الجميله دايما يا احمد
دمت بكل الخير

بسنت يقول...

شكرا على زووقك يا عمرو
سلمت دايما

بسنت يقول...

ماشى يا امل
ان شاء الله هتابعها
سلمتى

rara يقول...

مساء الفل
بوست جميل ورائع

دمتى بخير وسعادة دائما

بسنت يقول...

مساء الورد يا رارا
نورتى المدونه

Abd-Alrahman يقول...

الصراحة انا اول مرة ازور المدونة دي
بس بجد اول مادخلتها لمحت فيها طابع خاص
هادي جدا جدا
بجد مدونة منظمة وجميلة
كمان كلماتك بجد جميلة اوي
وتمتلك القوة في التعبير عن المعني
عزيزتي لقد تلاعبتي بالكلمات وسطرتيها بحرفيه فلك مني جزيل الشكر والامتنان
ومستني زيارتك الجديدة

صاحب المضيفة يقول...

ولم الصخرة ومن الممكن أن تكون بشرا


لكن ديباجة رائقة المعنى والنظم


تحياتي

حبيبـــــــة القمـــــر يقول...

هكذا اتيت

فقط لأفي بالوعد

لا لتجديد العهد

فأنا اصر على الصمت

فلن تفهم ابدا لغتي

ومهما دنوت ..

لن تشعر يوما بقربي


الرقيقه بسنت
كلماتك جميله
دمتى بخير

نهر الحب يقول...

اول مرة امر من هنا
مدونتك رقيقة ومشاعرك صادقة
وكلماتك عذبة جداا
بالتوفيق يارب

ahmed يقول...

الجميلة بسنت
تشرفت بتعليقاتك اللي نورت مدونتي المتواضعة جدا ، وبوعدك ان مذكرات ساراماجو هتعجبك . بالنسبة لما قولتيه ان المذكرات تتوقف علي الكاتب واسلوبه ، هذا بالضبط ما قلته في لقاء لي بالاذاعة لمناقشة المذكرات .
علي فمرة مدونتك ظريفة جدا ولي زيارات أخري كثيرة ، ولمتابعتها دائما سأسجلها في روابطي المهمة لسهولة الوصول اليها .
تحياتي لك .

وجه جديد د.أحمد عثمان يقول...

دائما ما نتهم الصخور
بالجمود
بالقسوة
هنا أجد البراءة الجلية
فالصخر به قلب ينبض
بما لا ينبض به قلب بشر
كم لانت الصخور و كم فاضت بالعيون
و قلوبنا الفولاذية لا تقطر الا غلا
هنيئا لك بصداقة الصخور


تحياتي

Gannah يقول...

بسنت
اول زيارة وان شاء الله لن تكون الاخيرة
كلماتك رقيقة واضح انك رومانسية
على العموم هعرف من البوستات الجاية ان شاء الله
كل عام وانت بخير
تحياتى

فارس بلا جواد يقول...

بوست رائع .. سلمت يداك
أسلوبك مميز بالفعل .. والخاطرة بها احساس جيد يعكس موهبة كامنة لديك
بالتوفيق دوما

MATRIX يقول...

على فكرة دى اول زيارة لمدونتك الرائعة ..جميل جدا اننى لقيتها ..
شكرا لحضرتك على الكلامات الرائعة..برغم من انها بسيطة ..ولكن شديدة التاثير ..
...............
على فكرة انا من قلب الصعيد ايضا مثل حضرتك ..تحديدا من قنا ...
اتمنى تزورى مدونتى (تيكنونيوز) اخبار التكنولوجيا ...

ســـــــهــــــــــر يقول...

بستان الرقه بسنت

كما انتى دوما كتاباتك تفيض رقه
و تشجينى

ساعود ...
ان شاء الله

ahmed_k يقول...

والله انا شايف ان الموضوع كبييير خالص
وأنا لو كنت شاعر كنت فهمت الكلام الكبير ده
بس الواضح ان الموضوع كبير
هو في ايه بالظبط ؟
انا مش فاهم حاجه يا بسنت
هو مين اللي زعل التاني؟
ههههههههههه
متزعليش مني بس بصراحه انا معرفتش استوعب القصيده
يا ريت تكتبي البوست الجاي قصيده علي قد الناس الغلابه أمثالي ههههههه

بهزر معاكي يا بسنت كلامك حلو ولذيذ
بس ميمنعش برضو اني مش مستوعبو

وبالنسبه لأسمك انا لي بنت خالي معاها بنت سمتها نفس أسمك
وبسنت هو نوع من الزهور
اذاً انتي زهره البلوج


وياريت متكونيش زعلتي من كلامي
ودمتي بخييير

Abd-Alrahman يقول...

بسنت زيارتك ليا بجد فرحتني
خلتني احس ان في حد حاسس بيا بجد

انتي متعرفيش انا تعبت اد اية في الصعيد
وخصوصا اسيوط
لانك اكيد عارفة انها بلد مش تمام
وكمان انا كنت اول مرة اتغرب
وكنت مضغوط اوي وبذاكر وانا مش حابب الكلية
ولا حابب البلد الي انا فيه
كل دة ادي في الاخر الي نتيجة مش كويسة

وهوة دة الي سبب لي الياس والاحباط من اولها وخلاني عايز احول اي كلية تانية
لاني بصراحة مش بقيت قادر اني اروح الصعيد تاني


بجد شكرا اوي علي زيارتك الي نورتني

عبدالرحمن محمد

Dr.m يقول...

السلام عليكم
زياره أولى لمدونه رقيقه ولن تكون الأخيره بإذنه تعالى
كلمات هادئه ومريحه
تحياتي
سلام

بسنت يقول...

عبد الرحمن بدايه انت نورت مدونتى
ثانيا انا هجيللك مدونتك واكتبللك اللى عايزه اقولهوللك تانى ردا على كلامك الجميل

ربنا معاك ان شاء الله

بسنت يقول...

صاحب المضيفه
اولا شكرا على مرورك الجميل
ثانيا هى بشر فعلا بس احيانا تكون الصخور اقل جمودا وقسوه منة الانسان

سلمت دايما

بسنت يقول...

حبيبه القمر
تواصلك رائع فعلا سلمت يداك
وشكرا على مرورك الجميل
سلمتى

بسنت يقول...

نهر الحب
ربنا يخليكى
سلمتى على مرورك الجميل

بسنت يقول...

احمد لطيف
انا الاسعد فعلا بزيارتى وقرائتى لمدونتك اللى زى ما قلتلك مختلفه لانها ابيه جدا جدا وكمان عن الكتب المترجمه -- يعنى اللى عايزه اقراه تحديدا

انا سعدت جدا بزيارتك دى ويا ريت تكررها دايما

الخبر الاجمل بقى انى اشتريت كتاب مذكرات ساراماجو ترجمه حضرتك-- لا كمان روايه تغريده البجعه لمكاوى
الصدفه اللى ودتنى على دار الكتب فى محافظتى المنسيه على خريطه مصر الثقافيه
والصدفه بردوا لاقيت الكتابين
امبارح كان يوم جميل جدا لانك ما تعرف ان لما ببحث عن كتاب والاقيه بتكون فرحتى لا حدود لها

شكرا جزيلا للك--- لى تعليق على الكتاب اكيد بس بعد ما انتهى من الكتاب اللى بقراه حاليا ( من وحى القلم) ربنا يسهل كدا ويخلص وابدأ بالمذكرات على طول

سلمت اخى الفاضل دايما

بسنت يقول...

دكتور احمد عثمان سعدت اخى الكريم بزيارتك وتعليقك الجميل للمره الثانيه فى مدونتى البسيطه
وفعلا زى ما قلت الصخر احيانا كتيره بيكون افضل واقل قسوه وجمود من قلوب ناس كتيره

سلمت دايما

بسنت يقول...

جنه
زيارتك الاجمل
شكرا ليكى ولذووقك
سلمتى دايما

بسنت يقول...

دكتور فارس
شكرا لمرورك الجميل
ولذووقك
دمت بكل الخير

بسنت يقول...

ماتريكس
ان شاء الله هزور مدونتك الالكترونيه دى زى ما هواضح من عنوانها
ولونى مش اوى فى الالكترونيات والحاجات الهندسيه دى
وسعدت انك بلدياتى بس انا من محافظه المنيا
سلمت دايما

بسنت يقول...

سهوره الغاليه
ما تعرفيش اد ايه كل ما اشوفك الو سمر بفتكر ايامنا الحلوه اوى
والدوار والناس الحلوه كلها
انتو اغلى ناس اتعرفت عليها
ونفسى اشوفك هنا على طول
دمتى بكل الخير يا اغلى الاخوات

بسنت يقول...

شوف بقى يا احمد
انا مش بزعل اطمن
وعارفه انك بتهرز
وهعديها
بس يعنى ايه اللى مش مفهوم كدا يا فندم تحديدا فى النص البسيط اوى دا؟
--------------------------------
انا هقوللك وامرى لله
النص كان عباره عن حوار بين شخصين
الاول المشبه بالصخره والتانيه المشبهه بالراهبه
والوعد ان تتذكر الكلام الذى قيل فى النص
وهو بصفه عامه كتبته من وحى قصه قريتها وشفتها فيلم لو تعرفها
( جين اير ) على لسان البطل-- ادوارد
والبطله-- جين
--------------
ها اتفهمت ولا لسه بردوا
سلمت دايما
ونورت المدونه اخى الفاضل

بسنت يقول...

عبد الرحمن
اخويا الصغير
انا رديت على كلامك فى مدونتك
وسلمت دايما

بسنت يقول...

د محمود
فى انتظار طلتك الجميله دوما
سلمت

د\أسماء علي يقول...

بسنت
دوما نصك يحمل الهدوء الذي يتكور داخله العاصفة
الكلمات هادئة لكنها تحمل الكثير ..
...
نص متميز غاليتي ..

بسنت يقول...

المتميز مرورك يا
اسماء
شكرا على زووقك الكبير دا
ونورتينى بجد

د.محمد ربيع هاشم يقول...

سؤال صغير
لماذا لا نحول الخواطر إلى فن شعري حقيقي
الشعر أبقى

بسنت يقول...

د- محمد
الصراحه انا مش بعرف فى قواعد الشعر والقوافر والعروض والكلام دا
علشان كدا بكتب خواطر
بس لو نويت اكتب شعر حقيقى لازم اكون على درايه بقواعده الاول
سلمت لمرورك
ودمت بخير