الأربعاء، 2 يوليو، 2008

أول مره واجب على النت

فكره ظريفه اوى حكايه الواجب دا
ممررهولى اعز الاخوات سمر أحمد
صاحبه أرق همسات
وهجاوب اهو يا سموره
علشان انا طول عمرى الصراحه شاطره اوى فى موضوع الواجبات دا
من اياااام المدرسه
--------------------
نبتدى بسم الله الرحمن الرحيم
. أذكر اسم من طلب منك حل هذا الواجب
سمر احمد صاحبه مدونه همس السمر
http://samar-ahmed.blogspot.com/

. أذكر القوانين المتعلقة بهذا الواجب
1. أذكر اسم من طلب منك حل هذا الواجب
2. أذكر القوانين المتعلقة بهذا الواجب.
3 تحدث عن ستة أسرار قد لا يكتشفها من يقابلك للمرة الأولى...
4 حول هذا الواجب إلى ستة مدونين، وأذكر أسماءهم مع روابط مدوناتهم في موضوعك.
5. اترك تعليق في مدونة من حولت الواجب عليهم، ليعلموا عن هذا الواجب.
____________________________


. تحدث عن ستة أسرار قد لا يكتشفها من يقابلك للمرة الأولى.
طيب وليه بس كدا يا سموره
السر الاول

الانطباع الاول عنى بصفه عامه عمره ما كان زى ما انا فى الحقيقه
دا اللى قالهولى كل اصحابى بعد معرفتهم الوثيقه بيا
انا اصلى بحالات ساعات هاديه ساعات عصبيه
ساعات صامته وساعات بتكلم كتير
ماليش مود معين هو الانطباع الاول عنى ابدا
علشان كدا بقول لكل الناس اعرفونى وبعدين-- تفهمونى
السر التانى
ناس كتيره اوى ما تعرف انى بكتب قصص وخواطر
 وليا اهم هوايه هى القراءة دا فى الواقع طبعا مش على النت
الكل بيستغرب ان عندى مكتبه وفيها كتب ادبيه اصلا

السر التالت
مش بعرف اى معلومات مفيده( الحق يعنى ) عن الصيدله اللى
هى تخصصى وبجرب مع الناس الادويه
والناس فكرانى واخده دكتوراه مش بكالوريوس فى الصيدله والوصفات
لانى غير مهتمه بمجالى خالص الطبى
وبتابعه بحكم المهنه مش اكتر

السر الرابع
نفسى اسيب محافظتى او البلد اللى بعيش فيها والشغل اللى بشغل فيه
نفسى اسافر بعيد لابعد مكان بس اخد معايا اسرتى واصدق اصحابى وبس
زى جزر الواك واك ويا ريت السفر عن طرق البحر
وأتعرف على ناس جديده فى حياه جديده
كأنى واحده جديده

السر الخامس
عندى افكار لمشرعات خيريه لو ربنا
قدرنى هنفذ واحده منهم فى القريب العاجل
وطبيعى كل الناس فكرانى عايزه افتح صيدليه
ودى اخر حاجه بفكر فيها

السر السادس
لو معايا مليون جنيه ممكن اشترى بيها كتب
بحب الكتب بطريقه غير طبيعيه
مخلصه تقريبا كل فلوسى على شراء الكتب اللى بقرأها


.. حول هذا الواجب إلى ستة مدونين، وأذكر أسماءهم مع روابط مدوناتهم في موضوعك.
الواجب متحول الى 1- د- اسماء على
http://drasmaa.blogspot.com/
2- د عمرو فاروق
http://blue-wave-heart-talk.blogspot.com/
3- أحمد الصباغ
http://www.ahmedelsabbagh.blogspot.com/
4- سيف الاسلام
http://myoldday.blogspot.com\/
5- الشاعر مجدى طه
http://magdytaha.blogspot.com/
6- أدم المصرى
http://fononblal.blogspot.com/
5. اترك تعليق في مدونة من حولت الواجب عليهم، ليعلموا عن هذا الواجب.
وعلم وان شاء الله ينفذ

هناك 16 تعليقًا:

ahmed يقول...

الجميلة بسنت
شرفني زيارتي لمدونتي ، ويارب ما تكونش أخر مرة .ويشرفني تكوني منن اصدقائي الدائمين .
علي فكرة ، مهنة الصيدلة و الطب من اهم المهن الانسانية وأرقاها ، فبلاش تسيبيها ، حاولي تحبيها بجد .

ســمـــر احمد يقول...

بسبوستى الحلوة ...

اسراراك رائعة شبهك يا قمر

ربنا يوفقك ويحميك ..
عارفه يا بسبوسة .. اجمل ما فى الواجب اننا بنشوف بعض بقلبنا اكتر

ahmed_k يقول...

بسنت
كل ده يطلع منك
لالالالالا مش مصدق نفسي
ازاي تقولي مش حتفتحي صيدليه
انا مش مصدق !!!!
خلاص اديني اسمك وأفتح انا الصيدليه
اصلها لازم تكون باسم صيدلانيه
فكري ومش حتندمي

بسنت يقول...

أحمد
وانا هروح من الصيدله والادويه فين
دى زى اللزقه اساسا
شكرا على تشرفك مدونتى
ويسعدنى اكثر زيارتى لمدونتك المختلفه
جدا وان شاء الله نتواصل دائما

بسنت يقول...

ربنا يخليكى يا سموره على ذووقك اللى ملوش حدود وقلبك الطيب دا
سلمتى دايما يا رب

بسنت يقول...

وانا طلع منى ايه بس يا احمد
هى المشكله فتح الصيدليه يعنى
ماشى هفكر
نورت المدونه بتشرفك
سلمت دايما

ســـــــهــــــــــر يقول...

بستان الرقه بسنت

ده انطباعى الاول و التانى و الاخير

كتير من اسرارك اتخيلتها و حسيتها واقعيه جدا و مناسبه لك جدا

حلم السفر بالبحر بيراودنى جدا اناكمان

حلم البدء من جديدي ف بلد جديد و ناس جديده كمان

مشروع خيرى بس عمرى ما قلت الكلام ده لحد

انتى شخص شفاف و جميل فعلا


بسنت

بغيب لكن برجع و اقرا و احس باحساس ما بعرفش دايما اعبر عنه

بسنت يقول...

أنتى الاجمل يا سهوره
شكرا لمرورك وتعليقك الرقيق اوى
انا احب دايما اشوفك هنا
ما تغبيش
دمتى بكل الخير يا رب

blue-wave يقول...

تحفه بجد يا بسنت
تجاباتك حلوة بجد
وميرسى يا ستى على التدبيس بس هاستأذنك اأجله شويه لأنى لسه عامل تاج قريب
تحياتى

حبيبـــــــة القمـــــر يقول...

بسنت
ازيك ياسكر
جميل اني اتعرف عليكي من خلال الواجب دا
ولو اني كنت اتمنى يبقى اكتر من ست اسرار عشان نقرب منك اكتر ونعرف عنك اكتررررررررر
شفتي الطمع بقى

ربنا يوفقك يارب وتحققي كل اللي بتتمنيه
بس بلاش تروحي بلاد الواك واك دي مش هعرف اكاكي بلغتهم ههههههههههههه
تحياتي ياقمر
بس واضح انك شخصيه واضحه

وجه جديد د.أحمد عثمان يقول...

د/ بسنت

بما انك زميلة
سر على سرك
لا أعرف لماذا تنشطر كل بنات الصيدلة
الى شطرين
الاول المقاتلات في العمل قتال (بالذخيرة الحية)
و الثاني العازفات عن العمل كارهات له


لا أعلم لماذا لم اصادف من تتوسط بين هذا و ذاك

يمكنك يا سيدتي اعتبار عملك
مشروعا خيريا
اذا كان بمقدرتك افادة الآخرين بعلمك
صدقيني
الناس في بلادنا يحتاجون الى العلم
أكثر من المادة
لكنهم لا يعلمون

تحياتي

بسنت يقول...

الاجمل مرورك يا عمرو
ومراعاه لظروفك-- والتيجان اللى بتجيللك
ماشى ممكن نسمح لك بالتأجيل بس مش كتيييير
سلمت دايما

بسنت يقول...

شكرا على زووقك ودعوتك الحلوه اوى يا حبيبه
وعلشان تبقى عارفه بلاد الواك واك الفهم فيها مش لكلامنا لان الناس هناك بتفهما وهى طايره مش اللف والدوران بتاع الاماكن اللى احنا فيها هناك كلام صادق بود-- بلا واك واك بقى -- فكرى وممكن اخدك معايا

سلمتى دايما

بسنت يقول...

دكتور احمد عثمان بدايه نورت المدونه البسيطه خاصتلا
ثانيا اخى الفاضل لو المهنه دى كان فيها حاجه تتحب اكيد كنت انا هكون اول واحده اتمسك بيها
صدقا كنت فكراها غير كدا خالص كنت فاكره فى انسانيه وناس طيبه لكن الدنيا غير كدا خالص
وعشان تبقى مهنه او عمل خيرى طبيعى الواحد بيشتغل ونيته انه يساعد الناس بس مش زى ما انا عايزه والا اذا كانت الصيدليه فعلا ملكى
ودا محتاج اداره وتجاره وشطاره وانا ما ليش فى البيزنس بتاع الصيدليات علشان كدا مشروع الصيدليه مش فى تفكيرى اطلاقا
وفكره انشطار البنات دا طبيعى لان الحياه العمليه غير الدراسه نهائى
التوسط فيها صعب معناه انك مش هتاخد موقف -- دى الحقيقه للاسف
وبالنسبه للعلم انا قلت ما اعرف معلومات مفيده ودا حقيقى اللى اعرفه هو بالخبره مش دراسه والكلام دا لان الكليات طبيعى ما كنت بفهم منها حاجه بالرغم من تفوقى فعلا سواء تقدير او تخرج بس المعلومه تبقى هى التعلم الصح ودا غير موجود او لو اجده فى كليتى لانها كانت قليله الامكانيات وجديده وربما انا المقصره بردوا
ارجو الا اكون اطلت الرد
ومت بكل الخير

د\أسماء علي يقول...

الجميلة بسنت
أنا جيت متأخرة عالآخر طبعا وانتي عارفة ليه
..
و طبعا انا طفلة بليدة طول عمري على الرغم من الطب
و باتأخر ف الواجب بس معلش استحمليني
و بلاش المسطرة اللي ف ايدك دي
:(
....
على فكرة انا عندي سر متشابه معاكي بس على العموم لما اكتب الواجب ان شاء الله هتبقي تعرفيه
و يدينا ويديكي طولة العمر يا بنتي
:))
.....
دمتِ بخير

بسنت يقول...

ولا متأخره ولا حاجه دا يا دوبك قرب على شهر
انا بهزر طبعا
يا ستى انتى حره خالص حليه على اقل من مهللك انا باللى طويل اوى اوى

وعايزه اعرف السر المشابه دا طبعا
سلمتى دايما يا اسماء
ونورتى بعد العوده الجميله