الخميس، 29 مايو 2008

تاريخ يعيد نفسه بغباء

قريت مقال للاستاذ طارق حجى فى الاهرام وللحظ بردوا الايام دى خلصت
قرايه روايه مائه عام من العزله بصرف النظر عن رأى فيها الى مش تمام
عكس كل اللى تقال عنها-- أنا ضدها من الاخر يعنى
بس فيها حاجه نفس فكره المقال اللى قريته
الكولونيل اورليانوا اللى كان فاكر نفسه بيدافع عن اليبراليه اللى هى الحريه والديمقراطيه
لقى نفسه فى الاخر بدون مبدأ اساسا بيدافع عنه
لان اللى بيدافع معاهم عن مبدأ الحريه
ما طبقوه اصلا لما جتلهم فرصه الحكم كالعاده عملوا بالظبط اللى اتعمل فيهم فى غيرهم
من المواطنين فى نفس البلد والحزب المضاد كان المحافظ او الشمولى او الاشتركى
بالنسبه ليا كلها معانى واحده لا تقدم ولا تأخر --- يعنى الهدف انى اظهر ان ليا مبدأ
طيب وبدون مبدأ او جماعه ما ينفعش يعنى؟
المهم النظام الليبرالى لما مسك السطله مش حارب الشعب
لا ونفسه تقريبا قتلوا بعض يعنى حاربوا نفسهم قبل الغير
دا تقريبا اللى بيحصل فعلا دلوقتى بالرغم من ان الروايه دى من زمااان مضى
وجرى عليه الزمن بس بيتكرر بنفس الغباء فى قارتنا السمراء
بدايه من كينيا الى زيمبابوى حتى فى مصر عندنا وكمان فى فلسطين
اللى مالهاش اسم على الخريطه
نظام حماس اللى بيقولوا عليه اخوانى وفتح نفس الصراع على السلطه
ضد بعض قبل على الغير شئ فظيع ان السطه بتغير كتير اوى
واحنا مش هنروح بعيد دا بالظبط اللى عندى فى الشغل بوجود مدير
اداره ديكتاتورى مع الكل وديمقراطى مع اللى ليه مصلحه معاه او واسطه طبعا
حاليا بقول من غير سلطه احسن كتير بس المهم انى اتبنى مبدأ اؤمن بيه دا لو كنا بنتكلم سياسه طبعا

ليست هناك تعليقات: