الثلاثاء، 1 أبريل، 2008

دنيا (1) ابدا مش صداقه


هى: مجنونه أعذرينى ممكن أعمل اى حاجه تطق فى دماغى بس
ما تأذينى ولا أضر حد بيها
صديقتها: يا بنتى بطللى جنان بقى انتى عايزه ناس مجنونه فعلا
علشان تفهمك الناس فكراكى معقداها وأنتى ابسط من البساطه
هو: مجنون أمتى ألاقى حد يشاركنى ولو حاجه من جنونى
بس عارف حدودى وربنا كويس
هى: لاقيت مجنون
هو : لاقيت فعلا مجنونه
هو: اختفيتى ليه--- ولا سؤال على أخوكى؟
هى: كنت عيانه ---ولا سؤال على أختك؟
صديقتها: يعنى صدفه ولا تدبير !
الصداقه والجنون-- تفتكرى ينفع؟
هى: كرامته صوتها عالى أوى جواه
مجرد خلاف مع مدير الشركه طلب نقله للفرع التانى
صديقتها: مأساه أنتو الاتنين
بس هتنتهى على ايه؟
هو: تعرفى عمرى ما عرفت معنى اخت غير لما اتعرفت عليكى وقابلتك
ربنا أراد اغير كل مفاهيمى عن البنات والاخوه فى الله
أخوكى وحدانى زى ما انتى عارفه
هى: وانت أخ غالى عليا كلنا بنات فى البيت زى ما انت عارف
واخ كبير مش اوى بس اخ بجد
هو: عندى مشروع مهم تبع الشركه الفرع التانى طلع احسن من الاول كتير
فيه ناس بتقدر وبتفهم- شهرين وارجع عايزك بس تمشى على نفس السكه
وارجع اعرف اوصلك ما اتوهش
هى: لا اطمن انا عارفه سكتى كويس الصراحه والصدق سلاحى والامل
جوايا وبتنفس ايمان
بالله هترجع تلاقينى فى سكتى الصح --- انا لسه بردوا فى الشركه
صديقتها: وبتؤمنى بالصداقه؟
هى : طبعا ما دامت النفوس صافيه لا يعكرها اى غرض
غير المحبه الخالصه بس زى ما انتى عارفه
مش للابد -- لكل شئ بردوا نهايه
هو : الشهرين-- أو غيابى؟-- اتغيرت اوى
ولا انا اللى ما كنت واخد باللى كويس
هى:كلامه متغير خالص
شاف نفسه خلاص ونسينى واضح كدا
هو : هسافر تانى الشركه هناك عجبها شغلى وطالبانى بالاسم
فى بعثتها الجديده للخارج
هى : شوف حاللك أحسن--- هتنجح-- أطمن
هو : حتى بدون سلام-- ولا دعاااء--- وأطمن!
هى: خلاص باع الاخوه اللى كان بيقول عليهاما فيش تفاصيل
بينقط مش بيتكلم-- باع اللى كان بيقول عليها صداااقه والمفروض تبقى!
هى : للاسف عقل المجنون
صديقتها: وصلتوا لايه؟
هى : زى ما بدأنا -- من الأول خالص

هو: مرحله وعدت وعايز أفكر فى اللى جاى ومن تانى فى مستقبلى اللى لسه ما اتحدد
يمكن عمرى ما هنساها -- بس زى ما هى نفسها قالت
كل حلم بنحلم بيه لازم يوم نصحى على
ولا حاجه فيه

صديقتها: تفتكرى اللى بينكوا كان اسمه أيه؟
هى : للاسف ابدا مش صداقه

هناك تعليقان (2):

ســمـــر احمد يقول...

جئت لكى ابقى ... مع افكار خضراء و قلب ابيض ..
الف زهرة لا تنافس رقتك يا بسبس

بسنت يقول...

انتى الاجمل يا سموره
شرفتينى يا ارق شاعره اعرفها